42 shlokas
- 1
दिवे त्वान्तरिक्षाय त्वा पृथिव्यै त्वेति
dive tvāntarikṣāya tvā pṛthivyai tveti
- 2
अवटे ऽपो ऽवनयति शुन्धतां लोकः पितृषदन इति
avaṭe 'po 'vanayati śundhatāṃ lokaḥ pitṛṣadana iti
- 3
यवान्प्रस्कन्दयति यवो ऽसि यवयास्मद्द्वेषो यवयारातीर् इति
yavānpraskandayati yavo 'si yavayāsmaddveṣo yavayārātīr iti
- 4
बर्हिर्हस्तं व्यतिषज्यावस्तृणाति पितॄणां सदनम् असीति
barhirhastaṃ vyatiṣajyāvastṛṇāti pitṝṇāṃ sadanam asīti
- 5
अथैनद्धिरण्यम् अन्तर्धाय स्रुवाहुत्याभिजुहोति पितृभ्यः स्वाहेति
athainaddhiraṇyam antardhāya sruvāhutyābhijuhoti pitṛbhyaḥ svāheti
- 6
अथैनाम् उच्छ्रयत्य् उद्दिवं स्तभानान्तरिक्षं पृण पृथिवीं दृंहेति
athainām ucchrayaty uddivaṃ stabhānāntarikṣaṃ pṛṇa pṛthivīṃ dṛṃheti
- 7
अथैनां प्राचीनकर्णां मिनोति द्युतानस्त्वा मारुतो मिनोतु मित्रावरुणयोर्ध्रुवेण धर्मणेति
athaināṃ prācīnakarṇāṃ minoti dyutānastvā māruto minotu mitrāvaruṇayordhruveṇa dharmaṇeti
- 8
अथैनां प्रदक्षिणं पुरीषेण पर्यूहति ब्रह्मवनिं त्वा क्षत्रवनिं सुप्रजावनिं रायस्पोषवनिं पर्यूहामीति
athaināṃ pradakṣiṇaṃ purīṣeṇa paryūhati brahmavaniṃ tvā kṣatravaniṃ suprajāvaniṃ rāyaspoṣavaniṃ paryūhāmīti
- 9
मैत्रावरुणदण्डेन संहन्ति ब्रह्म दृंह क्षत्रं दृंह प्रजां दृंह रायस्पोषं दृंहेति
maitrāvaruṇadaṇḍena saṃhanti brahma dṛṃha kṣatraṃ dṛṃha prajāṃ dṛṃha rāyaspoṣaṃ dṛṃheti
- 10
अन्यूनम् अनतिरिक्तं परिन्यस्योदपात्रम् उपनिनीय
anyūnam anatiriktaṃ parinyasyodapātram upaninīya
- 11
अथास्यै विशाखे हिरण्यं निधाय स्रुवाहुत्याभिजुहोति घृतेन द्यावापृथिवी आपृणेथां स्वाहेति
athāsyai viśākhe hiraṇyaṃ nidhāya sruvāhutyābhijuhoti ghṛtena dyāvāpṛthivī āpṛṇethāṃ svāheti
- 12
आन्तम् अन्ववस्रावयति
āntam anvavasrāvayati
- 13
आन्तम् एव यजमानं तेजसानक्तीति ब्राह्मणम्
āntam eva yajamānaṃ tejasānaktīti brāhmaṇam
- 14
अथैनाम् उद्गातृभ्यः प्राहुः
athainām udgātṛbhyaḥ prāhuḥ
- 15
तस्यां तच्चेष्टन्ति यत्ते विदुः
tasyāṃ tacceṣṭanti yatte viduḥ
- 16
एतस्या उच्छ्रयणम् अनु प्राचीनकर्णा स्थूणा उच्छ्रयन्ति
etasyā ucchrayaṇam anu prācīnakarṇā sthūṇā ucchrayanti
- 17
तासूदीचो वंशान्प्रोहन्ति
tāsūdīco vaṃśānprohanti
- 18
अध्यस्यन्ति मध्यमं छदिर् इन्द्रस्य सदो ऽसीति
adhyasyanti madhyamaṃ chadir indrasya sado 'sīti
- 19
विश्वजनस्य छायेति ये अभितो भवतः
viśvajanasya chāyeti ye abhito bhavataḥ
- 20
नवच्छदि तेजस्कामस्य मिनुयाद् इति
navacchadi tejaskāmasya minuyād iti
- 21
त्रीणि त्रीण्य् एव सर्वाणि भवन्ति
trīṇi trīṇy eva sarvāṇi bhavanti
- 22
दक्षिणान्य् उत्तराणि करोति
dakṣiṇāny uttarāṇi karoti
- 23
स दक्षिणानि दक्षिणान्य् एवोत्तराणि करोति
sa dakṣiṇāni dakṣiṇāny evottarāṇi karoti
- 24
अन्तर्वर्तान्करोति व्यावृत्त्या इति
antarvartānkaroti vyāvṛttyā iti
- 25
सन्धिषु तृणवर्तान्प्रत्यस्यति
sandhiṣu tṛṇavartānpratyasyati
- 26
ते ऽन्तर्वर्ताः
te 'ntarvartāḥ
- 27
अथैनत्परिश्रयन्ति परि त्वा गिर्वणो गिर इमा भवन्तु विश्वतो वृद्धायुम् अनु वृद्धयो जुष्टा भवन्तु जुष्टय इति
athainatpariśrayanti pari tvā girvaṇo gira imā bhavantu viśvato vṛddhāyum anu vṛddhayo juṣṭā bhavantu juṣṭaya iti
- 28
दक्षिणतश्चोत्तरतश्च परिश्रयन्ति
dakṣiṇataścottarataśca pariśrayanti
- 29
प्राचीं च प्रतीचीं च द्वारौ कुर्वन्ति
prācīṃ ca pratīcīṃ ca dvārau kurvanti
- 30
अथ दक्षिणे द्वार्बाहौ कुशहस्तम् उपनिगृह्य दर्भणं प्रवयति दर्भणे स्पन्द्याम् इन्द्रस्य स्यूर् असीति
atha dakṣiṇe dvārbāhau kuśahastam upanigṛhya darbhaṇaṃ pravayati darbhaṇe spandyām indrasya syūr asīti

