47 shlokas
- 1
अथात्रैव तिष्ठन्याचत्य् अभ्रिं यवमतीः प्रोक्षणीर्बर्हिर्हस्तम् आज्यस्थालीं सस्रुवाम् अधिषवणं चर्माधिषवणे फलके षट्शङ्कून्ग्रावाणं हिरण्यम् उदपात्रम् इति
athātraiva tiṣṭhanyācaty abhriṃ yavamatīḥ prokṣaṇīrbarhirhastam ājyasthālīṃ sasruvām adhiṣavaṇaṃ carmādhiṣavaṇe phalake ṣaṭśaṅkūngrāvāṇaṃ hiraṇyam udapātram iti
- 2
एतत्समादायाहैहि यजमानेति
etatsamādāyāhaihi yajamāneti
- 3
पूर्वया द्वारा हविर्धानं प्रपाद्य दक्षिणस्य हविर्धानस्य नीड एतच्चर्मोत्सादयति
pūrvayā dvārā havirdhānaṃ prapādya dakṣiṇasya havirdhānasya nīḍa etaccarmotsādayati
- 4
पुरो ऽक्षम् इतराणि संसादयन्ति
puro 'kṣam itarāṇi saṃsādayanti
- 5
अथोपरवाणां कालाद् अभ्रिम् आदत्ते देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्याम् आदद इति
athoparavāṇāṃ kālād abhrim ādatte devasya tvā savituḥ prasave 'śvinorbāhubhyāṃ pūṣṇo hastābhyām ādada iti
- 6
आदायाभिमन्त्रयते ऽभ्रिर् असि नारिर् असीति
ādāyābhimantrayate 'bhrir asi nārir asīti
- 7
तयोपरवान्परिलिखति पूर्वयोर्दक्षिणम् एवाग्रे परिलिखितं रक्षः परिलिखिता अरातय इदम् अहं रक्षसो ग्रीवा अपिकृन्तामि यो ऽस्मान्द्वेष्टि यं च वयं द्विष्म इदम् अस्य ग्रीवा अपिकृन्तामीति सर्वान् एवानुपूर्वम्
tayoparavānparilikhati pūrvayordakṣiṇam evāgre parilikhitaṃ rakṣaḥ parilikhitā arātaya idam ahaṃ rakṣaso grīvā apikṛntāmi yo 'smāndveṣṭi yaṃ ca vayaṃ dviṣma idam asya grīvā apikṛntāmīti sarvān evānupūrvam
- 8
खनति रक्षोहणो वलगहनो वैष्णवान्खनामीति सर्वान् एवानुपूर्वम्
khanati rakṣohaṇo valagahano vaiṣṇavānkhanāmīti sarvān evānupūrvam
- 9
अथैभ्यः पांसून् उद्वपतीदम् अहं तं वलगम् उद्वपामि यं नः समानो यम् असमानो निचखानेदम् एनम् अधरं करोमि यो नः समानो यो ऽसमानो ऽरातीयति गायत्रेण छन्दसेति
athaibhyaḥ pāṃsūn udvapatīdam ahaṃ taṃ valagam udvapāmi yaṃ naḥ samāno yam asamāno nicakhānedam enam adharaṃ karomi yo naḥ samāno yo 'samāno 'rātīyati gāyatreṇa chandaseti
- 10
अवबाढो वलग इति यजमानस्याधस्पदं पांसून् उद्वपति पूर्वयोर्दक्षिणात्
avabāḍho valaga iti yajamānasyādhaspadaṃ pāṃsūn udvapati pūrvayordakṣiṇāt
- 11
त्रैष्टुभेन छन्दसेत्य् अपरयोर्दक्षिणात्
traiṣṭubhena chandasety aparayordakṣiṇāt
- 12
जागतेन छन्दसेत्य् अपरयोर् उत्तरात्
jāgatena chandasety aparayor uttarāt
- 13
आनुष्टुभेन छन्दसेति पूर्वयोर् उत्तरात्
ānuṣṭubhena chandaseti pūrvayor uttarāt
- 14
अत्रैतान्पदपांसून् असंचरे परावपति
atraitānpadapāṃsūn asaṃcare parāvapati
- 15
अत्र यं यजमानो द्वेष्टि तं मनसा ध्यायति
atra yaṃ yajamāno dveṣṭi taṃ manasā dhyāyati
- 16
अथाप उपस्पृश्याथैनान् अवमृशतो ऽध्वर्युश्च यजमानश्च पूर्वयोर्दक्षिणम् एवाध्वर्युर् अवमृशत्य् उत्तरं यजमानः
athāpa upaspṛśyāthainān avamṛśato 'dhvaryuśca yajamānaśca pūrvayordakṣiṇam evādhvaryur avamṛśaty uttaraṃ yajamānaḥ
- 17
अथ यजमानः पृच्छति अध्वर्यो किम् अत्रेति
atha yajamānaḥ pṛcchati adhvaryo kim atreti
- 18
भद्रम् इति
bhadram iti
- 19
तन्नौ सहेति
tannau saheti
- 20
अथाध्वर्युः पृच्छति यजमान किम् अत्रेति
athādhvaryuḥ pṛcchati yajamāna kim atreti
- 21
भद्रम् इति
bhadram iti
- 22
तन्नौ सहेति
tannau saheti
- 23
यम् एवाध्वर्युः प्रजहाति तं यजमानो ऽवमृशति
yam evādhvaryuḥ prajahāti taṃ yajamāno 'vamṛśati
- 24
दक्षिणयोर् अपरम् एवाध्वर्युर् अवमृशति पूर्वं यजमानः
dakṣiṇayor aparam evādhvaryur avamṛśati pūrvaṃ yajamānaḥ
- 25
अध्वर्युर् अत्र पृच्छति
adhvaryur atra pṛcchati
- 26
अथ यजमानः
atha yajamānaḥ
- 27
अपरयोर् उत्तरम् एवाध्वर्युर् अवमृशति दक्षिणं यजमानः
aparayor uttaram evādhvaryur avamṛśati dakṣiṇaṃ yajamānaḥ
- 28
यजमानो ऽत्र पृच्छति
yajamāno 'tra pṛcchati
- 29
अथाध्वर्युः
athādhvaryuḥ
- 30
उत्तरयोः पूर्वम् एवाध्वर्युर् अवमृशत्य् अपरं यजमानः
uttarayoḥ pūrvam evādhvaryur avamṛśaty aparaṃ yajamānaḥ

