30 shlokas
- 1
पथ्यायै स्वस्तय इत्य् उपांशु अनुब्रूहीत्य् उच्चैः
pathyāyai svastaya ity upāṃśu anubrūhīty uccaiḥ
- 2
अत्याक्रम्याश्राव्याह पथ्यां स्वस्तिम् इत्य् उपांशु यजेत्य् उच्चैः
atyākramyāśrāvyāha pathyāṃ svastim ity upāṃśu yajety uccaiḥ
- 3
वषट्कृते पूर्वार्धे जुहोति
vaṣaṭkṛte pūrvārdhe juhoti
- 4
अथ चतुर एवाज्यस्य गृह्णान आहाग्नय इत्य् उपांश्व् अनुब्रूहीत्य् उच्चैः
atha catura evājyasya gṛhṇāna āhāgnaya ity upāṃśv anubrūhīty uccaiḥ
- 5
अत्याक्रम्याश्राव्याहाग्निम् इत्य् उपांशु यजेत्य् उच्चैः
atyākramyāśrāvyāhāgnim ity upāṃśu yajety uccaiḥ
- 6
वषट्कृते दक्षिणार्धे जुहोति
vaṣaṭkṛte dakṣiṇārdhe juhoti
- 7
अथ चतुर एवाज्यस्य गृह्णान आह सोमायेत्य् उपांश्व् अनुब्रूहीत्य् उच्चैः
atha catura evājyasya gṛhṇāna āha somāyety upāṃśv anubrūhīty uccaiḥ
- 8
अत्याक्रम्याश्राव्याह सोमम् इत्य् उपांशु यजेत्य् उच्चैः
atyākramyāśrāvyāha somam ity upāṃśu yajety uccaiḥ
- 9
वषट्कृते ऽपरार्धे जुहोति
vaṣaṭkṛte 'parārdhe juhoti
- 10
अथ चतुर एवाज्यस्य गृह्णान आह सवित्र इत्य् उपांश्व् अनुब्रूहीत्य् उच्चैः
atha catura evājyasya gṛhṇāna āha savitra ity upāṃśv anubrūhīty uccaiḥ
- 11
अत्याक्रम्याश्राव्याह सवितारम् इत्य् उपांशु यजेत्य् उच्चैः
atyākramyāśrāvyāha savitāram ity upāṃśu yajety uccaiḥ
- 12
वषट्कृत उत्तरार्धे जुहोति
vaṣaṭkṛta uttarārdhe juhoti
- 13
अथोपस्तीर्य पूर्वार्धाच्चरोर् अवद्यन्न् आहादित्या इत्य् उपांश्व् अनुब्रूहीत्य् उच्चैः
athopastīrya pūrvārdhāccaror avadyann āhādityā ity upāṃśv anubrūhīty uccaiḥ
- 14
पूर्वार्धाद् अवदायापरार्धाद् अवद्यत्य् अभिघारयति प्रत्यनक्ति
pūrvārdhād avadāyāparārdhād avadyaty abhighārayati pratyanakti
- 15
अत्याक्रम्याश्राव्याहादितिम् इत्य् उपांशु यजेत्य् उच्चैः
atyākramyāśrāvyāhāditim ity upāṃśu yajety uccaiḥ
- 16
वषट्कृते मध्ये जुहोति
vaṣaṭkṛte madhye juhoti
- 17
अथ वै भवति
atha vai bhavati
- 18
अदितिम् इष्ट्वा मारुतीम् ऋचम् अन्वाह
aditim iṣṭvā mārutīm ṛcam anvāha
- 19
मरुतो यद्ध वो दिव इति
maruto yaddha vo diva iti
- 20
अथोपस्तीर्योत्तरार्धाच्चरोर् अवद्यन्न् आहाग्नये स्विष्टकृते ऽनुब्रूहीति
athopastīryottarārdhāccaror avadyann āhāgnaye sviṣṭakṛte 'nubrūhīti
- 21
अथ वै भवति
atha vai bhavati
- 22
अष्टावत्तः स्विष्टकृद्द्वादशावत्तेडा
aṣṭāvattaḥ sviṣṭakṛddvādaśāvatteḍā
- 23
द्विर् अभिघारयति न प्रत्यनक्ति
dvir abhighārayati na pratyanakti
- 24
अथैतन्मेक्षणम् अधोऽधः स्रुचाव् आग्नीध्रायोत्प्रयच्छन्न् आहातिवालयताद् एव मानुप्रहार्षीर् इति
athaitanmekṣaṇam adho'dhaḥ srucāv āgnīdhrāyotprayacchann āhātivālayatād eva mānuprahārṣīr iti
- 25
अत्याक्रम्याश्राव्याहाग्निं स्विष्टकृतं यजेति
atyākramyāśrāvyāhāgniṃ sviṣṭakṛtaṃ yajeti
- 26
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 27
अत्रैतन्मेक्षणम् आहवनीये ऽतिवाल्याद्भिर् अभ्युक्ष्योत्तरतः सादयत्य् अथोदङ्ङ् अत्याक्रम्य यथायतनं स्रुचौ सादयित्वा प्राशित्रम् अवदायेडाम् अवद्यति
atraitanmekṣaṇam āhavanīye 'tivālyādbhir abhyukṣyottarataḥ sādayaty athodaṅṅ atyākramya yathāyatanaṃ srucau sādayitvā prāśitram avadāyeḍām avadyati
- 28
उपहूतायाम् इडायाम् अग्नीध आदधाति षडवत्तम्
upahūtāyām iḍāyām agnīdha ādadhāti ṣaḍavattam
- 29
प्राश्नन्ति
prāśnanti
- 30
मार्जयन्ते
mārjayante

