16 shlokas
- 1
अथातः क्रयस्यैवोपवसथः पर्याप्लवते
athātaḥ krayasyaivopavasathaḥ paryāplavate
- 2
स उपकल्पयते चन्द्रं च छागां च कृष्णबलक्ष्याव् ऊर्णास्तुके उष्णीषं द्वे वाससी द्वे कृष्णाजिने सोमक्रयणीं सैषारुणा पिङ्गलैकहायनी भवति सोमवाहनाव् अनड्वाहौ सोमवाहनम् अनः प्रक्षालितम् उद्धृतफलकं रोहितं चर्मानडुहं द्वयम् इध्माबर्हिः कार्ष्मर्यमयान्परिधीन् आश्ववालं प्रस्तरम् ऐक्षवी विधृती स्थालीं पद्धरणीम् अंशुग्रहणं हिरण्यम् औदुम्बरीं राजासन्दीं तस्यै नाभिदघ्नाः पादा भवन्त्य् अरत्निमात्राणि शीर्षाण्य् अनूच्यानि
sa upakalpayate candraṃ ca chāgāṃ ca kṛṣṇabalakṣyāv ūrṇāstuke uṣṇīṣaṃ dve vāsasī dve kṛṣṇājine somakrayaṇīṃ saiṣāruṇā piṅgalaikahāyanī bhavati somavāhanāv anaḍvāhau somavāhanam anaḥ prakṣālitam uddhṛtaphalakaṃ rohitaṃ carmānaḍuhaṃ dvayam idhmābarhiḥ kārṣmaryamayānparidhīn āśvavālaṃ prastaram aikṣavī vidhṛtī sthālīṃ paddharaṇīm aṃśugrahaṇaṃ hiraṇyam audumbarīṃ rājāsandīṃ tasyai nābhidaghnāḥ pādā bhavanty aratnimātrāṇi śīrṣāṇy anūcyāni
- 3
सा मौञ्जीभी रज्जुभिर्व्यूता भवत्य् एकसराभिः
sā mauñjībhī rajjubhirvyūtā bhavaty ekasarābhiḥ
- 4
मनाग्वर्षीयसीम् इव सम्राडासन्दीं यदि प्रवर्ग्यवान्सोमो भवति
manāgvarṣīyasīm iva samrāḍāsandīṃ yadi pravargyavānsomo bhavati
- 5
अथाध्वर्युर् अपररात्र आद्रुत्य संशास्ति त्रिस्तनव्रतं दोहयतेति
athādhvaryur apararātra ādrutya saṃśāsti tristanavrataṃ dohayateti
- 6
प्रातरुदित आदित्ये विसृष्टायां वाच्य् अग्रेण शालां तिष्ठन्देवयजनम् अध्यवस्यति यदि पुरस्ताद् अनध्यवसितं भवति
prātarudita āditye visṛṣṭāyāṃ vācy agreṇa śālāṃ tiṣṭhandevayajanam adhyavasyati yadi purastād anadhyavasitaṃ bhavati
- 7
अथाहैहि यजमानेति
athāhaihi yajamāneti
- 8
पूर्वया द्वारा शालां प्रपाद्य पृष्ठ्यां स्तीर्त्वापः प्रणीयादित्यं चरुम्प्रायणीयाम् इष्टिं निर्वपति
pūrvayā dvārā śālāṃ prapādya pṛṣṭhyāṃ stīrtvāpaḥ praṇīyādityaṃ carumprāyaṇīyām iṣṭiṃ nirvapati
- 9
हविष्कृता वाचं विसृज्य गार्हपत्य आज्यं विलाप्योत्पूयाहवनीये स्रुवाहुतिं जुहोति कविर्यज्ञस्य वितनोति पन्थाम्नाकस्य पृष्ठे अधि रोचने दिवः
येन हव्यं वहसि यासि दूत इतः प्रचेता अमुतः सनीयान्स्वाहेति
haviṣkṛtā vācaṃ visṛjya gārhapatya ājyaṃ vilāpyotpūyāhavanīye sruvāhutiṃ juhoti kaviryajñasya vitanoti panthāmnākasya pṛṣṭhe adhi rocane divaḥ
yena havyaṃ vahasi yāsi dūta itaḥ pracetā amutaḥ sanīyānsvāheti
- 10
अथोपनिष्क्रम्य संप्रैषम् आह सोमविक्रयिन्सोमं शोधय उपरवाणां काले रोहिते चर्मण्य् आनडुहे ऽपाम् अन्ते ब्राह्मणो दक्षिणत आस्ताम्ता गावो दूरं मा गुर्यासु सोमक्रयणी च सोमवाहनौ चानड्वाहौ सोमवाहनम् अनः प्रक्षालयतोद्धृतफलकम् इति
athopaniṣkramya saṃpraiṣam āha somavikrayinsomaṃ śodhaya uparavāṇāṃ kāle rohite carmaṇy ānaḍuhe 'pām ante brāhmaṇo dakṣiṇata āstāmtā gāvo dūraṃ mā guryāsu somakrayaṇī ca somavāhanau cānaḍvāhau somavāhanam anaḥ prakṣālayatoddhṛtaphalakam iti
- 11
यथासंप्रैषं ते कुर्वन्ति
yathāsaṃpraiṣaṃ te kurvanti
- 12
अथैतेनैव यथेतम् एत्य
athaitenaiva yathetam etya
- 13
अथैतं चरुं श्रपयित्वाभिघार्योदञ्चम् उद्वास्य षड्ढोत्रा प्रायणीयम् आसादयति
athaitaṃ caruṃ śrapayitvābhighāryodañcam udvāsya ṣaḍḍhotrā prāyaṇīyam āsādayati
- 14
समानं कर्मा प्रयाजेभ्यः
samānaṃ karmā prayājebhyaḥ
- 15
पञ्च प्रयाजान् इष्ट्वोदङ्ङ् अत्याक्रम्य संस्रावेण पञ्चकृत्वो ध्रुवाम् अभिघार्य चरुम् अभिघारयत्य् उपभृतम् अन्ततः
pañca prayājān iṣṭvodaṅṅ atyākramya saṃsrāveṇa pañcakṛtvo dhruvām abhighārya carum abhighārayaty upabhṛtam antataḥ
- 16
अथ चतुर आज्यस्य गृह्णान आह
atha catura ājyasya gṛhṇāna āha

