10 shlokas
- 1
अथ पयांसि विशास्ति या संराड्धुक्तस्यै दधिघर्माय दधि कुरुत या यजमानस्य तस्या आमिक्षायै या पत्न्यै तस्या आशिरे पयश्च सक्तूंश्च कुरुत शृतातङ्क्यम् आदित्यग्रहाय दधि कुरुत पुरोडाशीयानि पिष्टानि कुरुत धाना हारियोजनीः कुरुत चतुरो ऽम्भृणांस्त्रीन् उदचनान् अयुज एकधनांस्त्र्यवमान् एकादशपरमांश्चतस्रो रशनाश्चतस्रो वपाश्रपणीर्द्वयम् इध्माबर्हिर् औदुम्बरान्महापरिधीन्कुरुत सुब्रह्मण्यः सुब्रह्मण्याम् आह्वयत्व् इति
atha payāṃsi viśāsti yā saṃrāḍdhuktasyai dadhigharmāya dadhi kuruta yā yajamānasya tasyā āmikṣāyai yā patnyai tasyā āśire payaśca saktūṃśca kuruta śṛtātaṅkyam ādityagrahāya dadhi kuruta puroḍāśīyāni piṣṭāni kuruta dhānā hāriyojanīḥ kuruta caturo 'mbhṛṇāṃstrīn udacanān ayuja ekadhanāṃstryavamān ekādaśaparamāṃścatasro raśanāścatasro vapāśrapaṇīrdvayam idhmābarhir audumbarānmahāparidhīnkuruta subrahmaṇyaḥ subrahmaṇyām āhvayatv iti
- 2
यथासंप्रैषं ते कुर्वन्ति
yathāsaṃpraiṣaṃ te kurvanti
- 3
अथैतान् अम्भृणान् आयातयति
athaitān ambhṛṇān āyātayati
- 4
उत्तरस्य हविर्धानस्य नीड आधवनीयम्
uttarasya havirdhānasya nīḍa ādhavanīyam
- 5
प्रौगे पूतभृतम्
prauge pūtabhṛtam
- 6
तयोः समान उदचनः
tayoḥ samāna udacanaḥ
- 7
आग्नीध्र एकं सोदचनम्
āgnīdhra ekaṃ sodacanam
- 8
मार्जालीय एकं सोदचनम्
mārjālīya ekaṃ sodacanam
- 9
आग्नीध्र एतां रात्रिं यजमानः संविशति
āgnīdhra etāṃ rātriṃ yajamānaḥ saṃviśati
- 10
हविर्धाने राजानं गोपायन्ति
havirdhāne rājānaṃ gopāyanti

