47 shlokas
- 1
श्रपयन्त्य् एतम् आतिथ्यं वैष्णवं नवकपालम्
śrapayanty etam ātithyaṃ vaiṣṇavaṃ navakapālam
- 2
तेन सह मदन्तीर् अधिश्रयति
tena saha madantīr adhiśrayati
- 3
शिल्पवद् एतद् इध्माबर्हिर् आतिथ्यस्य भवति
śilpavad etad idhmābarhir ātithyasya bhavati
- 4
कार्ष्मर्यमयैः परिधिभिर् आश्ववालेन प्रस्तरेणैक्षवीभ्यां विधृतीभ्यां तेन शिल्पवत्
kārṣmaryamayaiḥ paridhibhir āśvavālena prastareṇaikṣavībhyāṃ vidhṛtībhyāṃ tena śilpavat
- 5
त्वचं पुरोडाशस्य ग्राहयित्वा श्रपयित्वाभिवास्य प्राङ् एत्याप्य् एभ्यो निनीय स्तम्बयजुर्हरति
tvacaṃ puroḍāśasya grāhayitvā śrapayitvābhivāsya prāṅ etyāpy ebhyo ninīya stambayajurharati
- 6
इदम् एव प्रसिद्धं पौरोडाशिकम्
idam eva prasiddhaṃ pauroḍāśikam
- 7
त्रिर्यजुषा तूष्णीं चतुर्थम्
triryajuṣā tūṣṇīṃ caturtham
- 8
पूर्वं परिग्राहं परिगृह्णाति
pūrvaṃ parigrāhaṃ parigṛhṇāti
- 9
करणं जपति
karaṇaṃ japati
- 10
उद्धन्ति
uddhanti
- 11
उद्धताद् आग्नीध्रस्त्रिर्हरति
uddhatād āgnīdhrastrirharati
- 12
यद् आग्नीध्रस्त्रिर्हरत्य् अथोत्तरं परिग्राहं परिग्राह्य योयुपित्वा तिर्यञ्चं स्फ्यं स्तब्ध्वा संप्रैषम् आह प्रोक्षणीर् आसादयेध्माबर्हिर् उपसादय स्रुवं च स्रुचश्च संमृड्ढि आज्येनोदेहीति
yad āgnīdhrastrirharaty athottaraṃ parigrāhaṃ parigrāhya yoyupitvā tiryañcaṃ sphyaṃ stabdhvā saṃpraiṣam āha prokṣaṇīr āsādayedhmābarhir upasādaya sruvaṃ ca srucaśca saṃmṛḍḍhi ājyenodehīti
- 13
आहृतासु प्रोक्षणीषूदस्य स्फ्यं मार्जयित्वेध्माबर्हिर् उपसाद्य प्रदक्षिणम् आवृत्य प्रत्यङ्ङ् आद्रुत्य स्रुवं च स्रुचश्च संमार्ष्ट्य् आज्येनोदेत्य् आज्यं च प्रोक्षणीश्चोत्पूय प्रसिद्धं चतुर्गृहीतानि वा पञ्चगृहीतानि वाज्यानि गृहीत्वा प्रोक्षणीभिर् उपोत्तिष्ठति
āhṛtāsu prokṣaṇīṣūdasya sphyaṃ mārjayitvedhmābarhir upasādya pradakṣiṇam āvṛtya pratyaṅṅ ādrutya sruvaṃ ca srucaśca saṃmārṣṭy ājyenodety ājyaṃ ca prokṣaṇīścotpūya prasiddhaṃ caturgṛhītāni vā pañcagṛhītāni vājyāni gṛhītvā prokṣaṇībhir upottiṣṭhati
- 14
इध्मं प्रोक्षति
idhmaṃ prokṣati
- 15
वेदिं प्रोक्षति
vediṃ prokṣati
- 16
बर्हिः प्रोक्षति
barhiḥ prokṣati
- 17
बर्हिरासन्नं प्रोक्ष्योपनिनीय पुरस्ताद् आश्ववालं प्रस्तरं गृह्णाति
barhirāsannaṃ prokṣyopaninīya purastād āśvavālaṃ prastaraṃ gṛhṇāti
- 18
पञ्चविधं बर्हि स्तीर्त्वा प्रस्तरपाणिः प्राङ् अभिसृप्य कार्ष्मर्यमयान्परिधीन्परिदधाति
pañcavidhaṃ barhi stīrtvā prastarapāṇiḥ prāṅ abhisṛpya kārṣmaryamayānparidhīnparidadhāti
- 19
ऊर्ध्वे समिधाव् आदधाति
ūrdhve samidhāv ādadhāti
- 20
ऐक्षवी विधृती तिरश्ची सादयति
aikṣavī vidhṛtī tiraścī sādayati
- 21
विधृत्योर् आश्ववालं प्रस्तरम्
vidhṛtyor āśvavālaṃ prastaram
- 22
प्रस्तरे जुहूम्
prastare juhūm
- 23
बर्हिषीतरे
barhiṣītare
- 24
एता असदन्न् इति समभिमृश्य प्रदक्षिणम् आवृत्य प्रत्यङ्ङ् आद्रुत्याथैतं पुरोडाशम् उपस्तीर्णाभिघारितम् उद्वास्य चतुर्होत्रातिथ्यम् आसादयति
etā asadann iti samabhimṛśya pradakṣiṇam āvṛtya pratyaṅṅ ādrutyāthaitaṃ puroḍāśam upastīrṇābhighāritam udvāsya caturhotrātithyam āsādayati
- 25
अत्र संभारान्व्याचष्टे
atra saṃbhārānvyācaṣṭe
- 26
अथ निर्मन्थ्यस्यावृता निर्मन्थ्येन चरति
atha nirmanthyasyāvṛtā nirmanthyena carati
- 27
प्रहृत्याभिहुत्याथेध्मात्समिधम् आददान आहाग्नये समिध्यमानायानुब्रूहीति
prahṛtyābhihutyāthedhmātsamidham ādadāna āhāgnaye samidhyamānāyānubrūhīti
- 28
अभ्यादधातीध्मम्
abhyādadhātīdhmam
- 29
न समिधं परिशिनष्टि
na samidhaṃ pariśinaṣṭi
- 30
वेदेनोपवाजयति
vedenopavājayati

