28 shlokas
- 1
बृहन्न् असि बृहद्ग्रावा बृहतीम् इन्द्राय वाचं वदेति
bṛhann asi bṛhadgrāvā bṛhatīm indrāya vācaṃ vadeti
- 2
नीड एतच्चर्मोत्सादयति
nīḍa etaccarmotsādayati
- 3
ग्रावसु ग्रावाणम् अप्यर्जति
grāvasu grāvāṇam apyarjati
- 4
अथ दक्षिणस्य हविर्धानस्याग्रेणोपस्तम्भनं बर्हिर्मुष्टिम् उपनिबध्नाति स्तोत्रेभ्यः
atha dakṣiṇasya havirdhānasyāgreṇopastambhanaṃ barhirmuṣṭim upanibadhnāti stotrebhyaḥ
- 5
अथ याचति स्फ्यम् उदपात्रं चात्वालात्पुरीषं सिकता इति
atha yācati sphyam udapātraṃ cātvālātpurīṣaṃ sikatā iti
- 6
एतत्समादायाहैहि यजमानेति
etatsamādāyāhaihi yajamāneti
- 7
आग्नीध्रं द्रुत्वा स्फ्येनोद्धत्यावोक्ष्य चात्वालात्पुरीषं सिकता इति निवपति विभूर् असि प्रवाहणो रौद्रेणानीकेन पाहि माग्ने पिपृहि मा मा मा हिंसीर् इति
āgnīdhraṃ drutvā sphyenoddhatyāvokṣya cātvālātpurīṣaṃ sikatā iti nivapati vibhūr asi pravāhaṇo raudreṇānīkena pāhi māgne pipṛhi mā mā mā hiṃsīr iti
- 8
तं परिमण्डलं धिष्णियं करोति
taṃ parimaṇḍalaṃ dhiṣṇiyaṃ karoti
- 9
अथैनं सिकताभिर् आभ्राशिनं करोति
athainaṃ sikatābhir ābhrāśinaṃ karoti
- 10
अथान्तःसदसं धिष्णियान्निवपति होतुः प्रथमं वह्निर् असि हव्यवाहन इति
athāntaḥsadasaṃ dhiṣṇiyānnivapati hotuḥ prathamaṃ vahnir asi havyavāhana iti
- 11
श्वात्रो ऽसि प्रचेता इति दक्षिणतो मैत्रावरुणस्य
śvātro 'si pracetā iti dakṣiṇato maitrāvaruṇasya
- 12
तुथो ऽसि विश्ववेदा इत्य् उत्तरतो ब्राह्मणाच्छंसिनः
tutho 'si viśvavedā ity uttarato brāhmaṇācchaṃsinaḥ
- 13
उशिग् असि कविर् इत्य् उत्तरतः पोतुः
uśig asi kavir ity uttarataḥ potuḥ
- 14
अङ्घारिर् असि बम्भारिर् इत्य् उत्तरतो नेष्टुः
aṅghārir asi bambhārir ity uttarato neṣṭuḥ
- 15
अवस्युर् असि दुवस्वान् इत्य् उत्तरतो ऽच्छावाकस्य
avasyur asi duvasvān ity uttarato 'cchāvākasya
- 16
अथ दक्षिणे वेद्यन्ते मार्जालीयं धिष्णियं निवपति शुन्ध्यूर् असि मार्जालीय इति
atha dakṣiṇe vedyante mārjālīyaṃ dhiṣṇiyaṃ nivapati śundhyūr asi mārjālīya iti
- 17
सर्वेष्व् एव रौद्रम् अनुवर्तयति
sarveṣv eva raudram anuvartayati
- 18
आग्नीध्रे ऽन्ततो निवपत्य् उदक्संस्थताया इति
āgnīdhre 'ntato nivapaty udaksaṃsthatāyā iti
- 19
अष्टौ न्यवाप्सीद् इति
aṣṭau nyavāpsīd iti
- 20
अथाष्टाव् अनुदिशति
athāṣṭāv anudiśati
- 21
सम्राड् असि कृशानुर् इत्य् आहवनीयम् उपतिष्ठते
samrāḍ asi kṛśānur ity āhavanīyam upatiṣṭhate
- 22
परिषद्यो ऽसि पवमान इत्य् आस्तावम्
pariṣadyo 'si pavamāna ity āstāvam
- 23
प्रतक्वासि नभस्वान् इति चात्वालम्
pratakvāsi nabhasvān iti cātvālam
- 24
असंमृष्टो ऽसि हव्यसूद इति पशुश्रपणम्
asaṃmṛṣṭo 'si havyasūda iti paśuśrapaṇam
- 25
अथ सदसो द्वारि तिष्ठन्न् औदुम्बरीम् उपतिष्ठत ऋतधामासि सुवर्ज्योतिर् इति
atha sadaso dvāri tiṣṭhann audumbarīm upatiṣṭhata ṛtadhāmāsi suvarjyotir iti
- 26
ब्रह्मज्योतिर् असि सुवर्धामेति ब्रह्मसदनम्
brahmajyotir asi suvardhāmeti brahmasadanam
- 27
अथात्रैव तिष्ठन्गार्हपत्यम् उपतिष्ठते ऽजो ऽस्य् एकपाद् इति
athātraiva tiṣṭhangārhapatyam upatiṣṭhate 'jo 'sy ekapād iti
- 28
अहिर् असि बुध्निय इति यं प्रहास्यन्तो भवन्ति
ahir asi budhniya iti yaṃ prahāsyanto bhavanti

