31 shlokas
- 1
अग्नय इत्य् उपांश्व् अनुब्रूहीत्य् उच्चैः
agnaya ity upāṃśv anubrūhīty uccaiḥ
- 2
अत्याक्रम्याश्राव्याहाग्निम् इत्य् उपांशु यजेत्य् उच्चैः
atyākramyāśrāvyāhāgnim ity upāṃśu yajety uccaiḥ
- 3
वषट्कृते पूर्वार्धे ऽर्धवेलां जुहोति
vaṣaṭkṛte pūrvārdhe 'rdhavelāṃ juhoti
- 4
अथात्रैव तिष्ठन्न् आह सोमायेत्य् उपांश्व् अनुब्रूहीत्य् उच्चैः
athātraiva tiṣṭhann āha somāyety upāṃśv anubrūhīty uccaiḥ
- 5
आश्राव्याह सोमम् इत्य् उपांशु यजेत्य् उच्चैः
āśrāvyāha somam ity upāṃśu yajety uccaiḥ
- 6
वषट्कृते मध्ये जुहोति
vaṣaṭkṛte madhye juhoti
- 7
अथ समानयमान आह विष्णव इत्य् उपांश्व् अनुब्रूहीत्य् उच्चैः
atha samānayamāna āha viṣṇava ity upāṃśv anubrūhīty uccaiḥ
- 8
आश्राव्याह विष्णुम् इत्य् उपांशु यजेत्य् उच्चैः
āśrāvyāha viṣṇum ity upāṃśu yajety uccaiḥ
- 9
वषट्कृते पश्चात्सर्वं जुहोति
vaṣaṭkṛte paścātsarvaṃ juhoti
- 10
अथोदङ्ङ् अत्याक्रम्य यथायतनं स्रुचौ सादयित्वाथाहाग्नीन्मदन्त्य् आपा३ इति
athodaṅṅ atyākramya yathāyatanaṃ srucau sādayitvāthāhāgnīnmadanty āpā3 iti
- 11
मदन्ति देवीर् अमृता ऋतावृध इति
madanti devīr amṛtā ṛtāvṛdha iti
- 12
ताभिर् आद्रवेति
tābhir ādraveti
- 13
अथ मदन्तीर् उपस्पृश्योपोत्थाय विस्रस्य हिरण्यम् अवधाय राजानम् आप्याययन्त्य् अंशुर् अंशुस्ते देव सोमाप्यायताम् इन्द्रायैकधनविद आ तुभ्यम् इन्द्रः प्यायताम् आ त्वम् इन्द्राय प्यायस्वेति
atha madantīr upaspṛśyopotthāya visrasya hiraṇyam avadhāya rājānam āpyāyayanty aṃśur aṃśuste deva somāpyāyatām indrāyaikadhanavida ā tubhyam indraḥ pyāyatām ā tvam indrāya pyāyasveti
- 14
यजमानम् अतिवाचयत्य् आप्यायय सखीन्त्सन्या मेधया स्वस्ति ते देव सोम सुत्याम् अशीयेति
yajamānam ativācayaty āpyāyaya sakhīntsanyā medhayā svasti te deva soma sutyām aśīyeti
- 15
अथाप उपस्पृश्य यथायतनम् उपविशन्ति
athāpa upaspṛśya yathāyatanam upaviśanti
- 16
अथाध्वर्युर्वाजवतीभ्यां स्रुचौ व्यूहति
athādhvaryurvājavatībhyāṃ srucau vyūhati
- 17
विधृतीभ्यां प्रस्तरं समुल्लुप्याप्रतिशृणंस्त्रेधानक्ति
vidhṛtībhyāṃ prastaraṃ samullupyāpratiśṛṇaṃstredhānakti
- 18
न प्रस्तरायाश्रावयति
na prastarāyāśrāvayati
- 19
न बर्हिर् अनुप्रहरति
na barhir anupraharati
- 20
तं दक्षिणार्धे वेद्यै निधाय तस्मिन्दक्षिणोत्तरिणो निह्नुवत एष्टा रायः प्रेषे भगायर्तम् ऋतवादिभ्यो नमो दिवे नमः पृथिव्या इति
taṃ dakṣiṇārdhe vedyai nidhāya tasmindakṣiṇottariṇo nihnuvata eṣṭā rāyaḥ preṣe bhagāyartam ṛtavādibhyo namo dive namaḥ pṛthivyā iti
- 21
सव्ये पाणौ प्रस्तरं समावृत्याज्यस्थाल्याः स्रुवेणोपहत्य प्रथमाम् उपसदं जुहोति या ते अग्ने ऽयाशया तनूर्वर्षिष्ठा गह्वरेष्ठोग्रं वचो अपावधीम्त्वेषं वचो अपावधीं स्वाहेति
savye pāṇau prastaraṃ samāvṛtyājyasthālyāḥ sruveṇopahatya prathamām upasadaṃ juhoti yā te agne 'yāśayā tanūrvarṣiṣṭhā gahvareṣṭhograṃ vaco apāvadhīmtveṣaṃ vaco apāvadhīṃ svāheti
- 22
परिधिषु शकलान् उपसंगृह्णाति प्रस्तरे बर्हिर्यावन्मात्रं स्पन्द्यया विग्रथ्याहवनीये ऽतिवाल्याद्भिर् अभ्युक्ष्योत्तरतः सादयति
paridhiṣu śakalān upasaṃgṛhṇāti prastare barhiryāvanmātraṃ spandyayā vigrathyāhavanīye 'tivālyādbhir abhyukṣyottarataḥ sādayati
- 23
अथोपनिष्क्रम्य संप्रैषम् आह सुब्रह्मण्य सुब्रह्मण्याम् आह्वय त्रिस्तनव्रतं प्रयच्छतेति
athopaniṣkramya saṃpraiṣam āha subrahmaṇya subrahmaṇyām āhvaya tristanavrataṃ prayacchateti
- 24
आह्वयति सुब्रह्मण्यः सुब्रह्मण्याम्
āhvayati subrahmaṇyaḥ subrahmaṇyām
- 25
त्रिस्तनव्रतं प्रयच्छति
tristanavrataṃ prayacchati
- 26
अथापराह्ण आपराह्णिकीभ्यां प्रवर्ग्योपसद्भ्यां प्रचरति
athāparāhṇa āparāhṇikībhyāṃ pravargyopasadbhyāṃ pracarati
- 27
तयोः समानी चर्यैतावद् एव नाना
tayoḥ samānī caryaitāvad eva nānā
- 28
सव्योत्तरिणो निह्नुवते
savyottariṇo nihnuvate
- 29
अथोपनिष्क्रम्य संप्रैषम् आह सुब्रह्मण्य सुब्रह्मण्याम् आह्वय त्रिस्तनव्रतं दोहयतेति
athopaniṣkramya saṃpraiṣam āha subrahmaṇya subrahmaṇyām āhvaya tristanavrataṃ dohayateti
- 30
आह्वयति सुब्रह्मण्यः सुब्रह्मण्यां त्रिस्तनव्रतं दोहयति
āhvayati subrahmaṇyaḥ subrahmaṇyāṃ tristanavrataṃ dohayati

