16 shlokas
- 1
इदम् एव प्रसिद्धं पौरोडाशिकम्
idam eva prasiddhaṃ pauroḍāśikam
- 2
त्रिर्यजुषा तूष्णीं चतुर्थम्
triryajuṣā tūṣṇīṃ caturtham
- 3
पूर्वं परिग्राहं परिगृह्णाति
pūrvaṃ parigrāhaṃ parigṛhṇāti
- 4
करणं जपतीमां नराः कृणुत वेदिम् एत्य वसुमतीं रुद्रवतीम् आदित्यवतीं विश्वदेव्यावतीम्वर्ष्मन्दिवो नाभा पृथिव्या यथायं यजमानो न रिष्येद् इति
karaṇaṃ japatīmāṃ narāḥ kṛṇuta vedim etya vasumatīṃ rudravatīm ādityavatīṃ viśvadevyāvatīmvarṣmandivo nābhā pṛthivyā yathāyaṃ yajamāno na riṣyed iti
- 5
उद्धन्ति
uddhanti
- 6
उद्धताद् आग्नीध्रस्त्रिर्हरति
uddhatād āgnīdhrastrirharati
- 7
यद् आग्नीध्रस्त्रिर्हरत्य् अथाग्रेण शालां तिष्ठन्संप्रैषम् आह वेदिकारा वेदिं कल्पयत प्र स्थलानि भिन्दत प्रति निम्नान्पूरयत किंशारूणि निरस्यत प्राचीम् उदीचीं प्रणवां निस्तिष्ठतेति
yad āgnīdhrastrirharaty athāgreṇa śālāṃ tiṣṭhansaṃpraiṣam āha vedikārā vediṃ kalpayata pra sthalāni bhindata prati nimnānpūrayata kiṃśārūṇi nirasyata prācīm udīcīṃ praṇavāṃ nistiṣṭhateti
- 8
यथासंप्रैषं ते कुर्वन्ति
yathāsaṃpraiṣaṃ te kurvanti
- 9
अथ महावेद्या उत्तराद् अंसीयाच्छङ्कोर्वेद्यन्तेन त्रीन्प्रतीचः प्रक्रमान्प्रक्रामत्य् उदञ्चं चतुर्थम्
atha mahāvedyā uttarād aṃsīyācchaṅkorvedyantena trīnpratīcaḥ prakramānprakrāmaty udañcaṃ caturtham
- 10
तच्चात्वालस्यावृता चात्वालं परिलिखति
taccātvālasyāvṛtā cātvālaṃ parilikhati
- 11
उत्तरवेदेर् आवृतोत्तरवेदिं निवपति
uttaraveder āvṛtottaravediṃ nivapati
- 12
उत्तरनाभिम् उत्साद्याथैनां प्रतिच्छाद्यापराह्णिकीभ्यां प्रवर्ग्योपसद्भ्यां प्रचरति
uttaranābhim utsādyāthaināṃ praticchādyāparāhṇikībhyāṃ pravargyopasadbhyāṃ pracarati
- 13
अथोपनिष्क्रम्य संप्रैषम् आह सुब्रह्मण्य सुब्रह्मण्याम् आह्वय द्विस्तनव्रतं दोहयतेति
athopaniṣkramya saṃpraiṣam āha subrahmaṇya subrahmaṇyām āhvaya dvistanavrataṃ dohayateti
- 14
आह्वयति सुब्रह्मण्यः सुब्रह्मण्याम्
āhvayati subrahmaṇyaḥ subrahmaṇyām
- 15
द्विस्तनव्रतं दोहयति
dvistanavrataṃ dohayati
- 16
तद् अर्धरात्रे प्रयच्छति
tad ardharātre prayacchati

