28 shlokas
- 1
सोमं ते क्रीणाम्य् ऊर्जस्वन्तं पयस्वन्तं वीर्यवन्तम् अभिमातिषाहम्शुक्रं ते शुक्रेण क्रीणामि चन्द्रं चन्द्रेणामृतम् अमृतेन संयत्ते गोर् इत्य् उक्त्वास्मे चन्द्राणीति यजमानाय प्रयच्छति
somaṃ te krīṇāmy ūrjasvantaṃ payasvantaṃ vīryavantam abhimātiṣāhamśukraṃ te śukreṇa krīṇāmi candraṃ candreṇāmṛtam amṛtena saṃyatte gor ity uktvāsme candrāṇīti yajamānāya prayacchati
- 2
अथैनं प्रतीचीनग्रीवयाजया पणते तपसस्तनूर् असि प्रजापतेर्वर्णस्तस्यास्ते सहस्रपोषं पुष्यन्त्याश्चरमेण पशुना क्रीणामीति
athainaṃ pratīcīnagrīvayājayā paṇate tapasastanūr asi prajāpatervarṇastasyāste sahasrapoṣaṃ puṣyantyāścarameṇa paśunā krīṇāmīti
- 3
अस्मे ते बन्धुर् इति यजमानम् ईक्षते
asme te bandhur iti yajamānam īkṣate
- 4
मयि ते रायः श्रयन्ताम् इत्य् आत्मानम्
mayi te rāyaḥ śrayantām ity ātmānam
- 5
अथैनां प्रदक्षिणम् आवर्त्याद्भिर् अभ्युक्ष्योदीचीम् उत्सृजति
athaināṃ pradakṣiṇam āvartyādbhir abhyukṣyodīcīm utsṛjati
- 6
सैषा कौत्सस्य भवति
saiṣā kautsasya bhavati
- 7
अथ कौत्साद्राजानम् आदत्ते मित्रो न एहि सुमित्रधा इति
atha kautsādrājānam ādatte mitro na ehi sumitradhā iti
- 8
तं यजमानस्योरौ दक्षिण आसादयतीन्द्रस्योरुम् आविश दक्षिणम् उशन्न् उशन्तं स्योनः स्योनम् इति
taṃ yajamānasyorau dakṣiṇa āsādayatīndrasyorum āviśa dakṣiṇam uśann uśantaṃ syonaḥ syonam iti
- 9
अथैनं प्रत्यपोर्णुते यजमानः
athainaṃ pratyaporṇute yajamānaḥ
- 10
अद्भिर् अभ्युक्ष्य कौत्साय वा परिकर्मिणे वोष्णीषं प्रयच्छति
adbhir abhyukṣya kautsāya vā parikarmiṇe voṣṇīṣaṃ prayacchati
- 11
अथ यजमानं शुक्लयोर्णास्तुकयाध्यस्यत्य् अस्मे ज्योतिर् इति
atha yajamānaṃ śuklayorṇāstukayādhyasyaty asme jyotir iti
- 12
अथैतां कृष्णाम् उपग्रथ्नातीदम् अहं सर्पाणां दन्दशूकानां ग्रीवा उपग्रथ्नामीति
athaitāṃ kṛṣṇām upagrathnātīdam ahaṃ sarpāṇāṃ dandaśūkānāṃ grīvā upagrathnāmīti
- 13
तया सोमविक्रयिणं विध्यति सोमविक्रयिणि तम इति
tayā somavikrayiṇaṃ vidhyati somavikrayiṇi tama iti
- 14
अथ सोमक्रयणान् अनुदिशति स्वान भ्राजाङ्घारे बम्भारे हस्त सुहस्त कृशानव् एते वः सोमक्रयणास्तान्रक्षध्वं मा वो दभन् इति
atha somakrayaṇān anudiśati svāna bhrājāṅghāre bambhāre hasta suhasta kṛśānav ete vaḥ somakrayaṇāstānrakṣadhvaṃ mā vo dabhan iti
- 15
अथैनम् आदायोपोत्तिष्ठत्य् उद् आयुषा स्वायुषा उद् ओषधीनां रसेन उत्पर्जन्यस्य शुष्मेण उद् अस्थाम् अमृतां अन्विति
athainam ādāyopottiṣṭhaty ud āyuṣā svāyuṣā ud oṣadhīnāṃ rasena utparjanyasya śuṣmeṇa ud asthām amṛtāṃ anviti
- 16
दक्षिणत एतत्सोमवाहनम् अनः प्रागीषं योग्यकृतम् उपस्थितं भवति
dakṣiṇata etatsomavāhanam anaḥ prāgīṣaṃ yogyakṛtam upasthitaṃ bhavati
- 17
तद् अभिप्रैत्य् उर्व् अन्तरिक्षम् अन्विहीति
tad abhipraity urv antarikṣam anvihīti
- 18
तस्य नीडे कृष्णाजिनम् आस्तृणात्य् अदित्याः सदो ऽसीति
tasya nīḍe kṛṣṇājinam āstṛṇāty adityāḥ sado 'sīti
- 19
अदित्याः सद आसीदेति कृष्णाजिने राजानम्
adityāḥ sada āsīdeti kṛṣṇājine rājānam
- 20
अथैनम् उपतिष्ठते ऽस्तभ्नाद्द्याम् ऋषभो अन्तरिक्षम् अमिमीत वरिमाणं पृथिव्या आसीदद्विश्वा भुवनानि सम्राड्विश्वेत्तानि वरुणस्य व्रतानीति
athainam upatiṣṭhate 'stabhnāddyām ṛṣabho antarikṣam amimīta varimāṇaṃ pṛthivyā āsīdadviśvā bhuvanāni samrāḍviśvettāni varuṇasya vratānīti
- 21
अथैनं वाससा परितनोति वनेषु व्य् अन्तरिक्षं ततान वाजम् अर्वत्सु पयो अघ्नियासु हृत्सु क्रतुं वरुणो विक्ष्व् अग्निम्दिवि सूर्यम् अदधात्सोमम् अद्राव् इति
athainaṃ vāsasā paritanoti vaneṣu vy antarikṣaṃ tatāna vājam arvatsu payo aghniyāsu hṛtsu kratuṃ varuṇo vikṣv agnimdivi sūryam adadhātsomam adrāv iti
- 22
अथोद् उ त्यं जातवेदसम् इति सौर्यर्चा कृष्णाजिनं पुरस्तात्प्रत्यानह्यति
athod u tyaṃ jātavedasam iti sauryarcā kṛṣṇājinaṃ purastātpratyānahyati
- 23
अथ सोमवाहनाव् आनीयमानौ प्रतिमन्त्रयत उस्राव् एतं धूर्षाहाव् अनश्रू अवीरहणौ ब्रह्मचोदनाव् इति
atha somavāhanāv ānīyamānau pratimantrayata usrāv etaṃ dhūrṣāhāv anaśrū avīrahaṇau brahmacodanāv iti
- 24
तयोर्दक्षिणं पूर्वं युनक्ति वरुणस्य स्कम्भनम् असीति
tayordakṣiṇaṃ pūrvaṃ yunakti varuṇasya skambhanam asīti
- 25
वरुणस्य स्कम्भसर्जनम् असीति शम्याम् अवगूहति
varuṇasya skambhasarjanam asīti śamyām avagūhati
- 26
प्रत्यस्तो वरुणस्य पाश इति योक्त्रम्
pratyasto varuṇasya pāśa iti yoktram
- 27
एतयैवावृतोत्तरम् अनड्वाहं युनक्ति
etayaivāvṛtottaram anaḍvāhaṃ yunakti
- 28
अथ दक्षिणाम् ईषाम् अन्वारभ्य संप्रैषम् आह
atha dakṣiṇām īṣām anvārabhya saṃpraiṣam āha

