13 shlokas
- 1
त्रयो वै वषट्कारा वज्रो धामछद्रिक्तः
trayo vai vaṣaṭkārā vajro dhāmachadriktaḥ
- 2
स यम् एवोच्चैर्बलि वषट्करोति स वज्रः
sa yam evoccairbali vaṣaṭkaroti sa vajraḥ
- 3
तं तम्प्रहरति द्विषते भ्रातृव्याय वधं यो ऽस्य स्तृत्यस्तस्मै स्तर्तवै तस्मात्स भ्रातृव्यवता वषट्कृत्यः
taṃ tampraharati dviṣate bhrātṛvyāya vadhaṃ yo 'sya stṛtyastasmai startavai tasmātsa bhrātṛvyavatā vaṣaṭkṛtyaḥ
- 4
अथ यः समः संततो निर्हाणर्चः स धामछत्
atha yaḥ samaḥ saṃtato nirhāṇarcaḥ sa dhāmachat
- 5
तं तम्प्रजाश्च पशवश्चानूपतिष्ठन्ते तस्मात्स प्रजाकामेन पशुकामेन वषट्कृत्यः
taṃ tamprajāśca paśavaścānūpatiṣṭhante tasmātsa prajākāmena paśukāmena vaṣaṭkṛtyaḥ
- 6
अथ येनैव षᄆ अवराध्नोति स रिक्तः
atha yenaiva ṣaᄆ avarādhnoti sa riktaḥ
- 7
रिणक्त्य् आत्मानं रिणक्ति यजमानम्पापीयान्वषट्कर्ता भवति पापीयान्यस्मै वषट्करोति तस्मात्तस्याशां नेयात्
riṇakty ātmānaṃ riṇakti yajamānampāpīyānvaṣaṭkartā bhavati pāpīyānyasmai vaṣaṭkaroti tasmāttasyāśāṃ neyāt
- 8
किं स यजमानस्य पापभद्रम् आद्रियेतेति ह स्माह यो ऽस्य होता स्याद् इत्य् अत्रैवैनं यथा कामयेत तथा कुर्यात्
kiṃ sa yajamānasya pāpabhadram ādriyeteti ha smāha yo 'sya hotā syād ity atraivainaṃ yathā kāmayeta tathā kuryāt
- 9
यं कामयेत यथैवानीजानो ऽभूत्तथैवेजानः स्याद् इति यथैवास्य ऋचम्ब्रूयात्तथैवास्य वषट्कुर्यात्सदृशम् एवैनं तत्करोति
yaṃ kāmayeta yathaivānījāno 'bhūttathaivejānaḥ syād iti yathaivāsya ṛcambrūyāttathaivāsya vaṣaṭkuryātsadṛśam evainaṃ tatkaroti
- 10
यं कामयेत पापीयान्स्याद् इत्य् उच्चैस्तराम् अस्य ऋचम् उक्त्वा शनैस्तरां वषट्कुर्यात्पापीयांसम् एवैनं तत्करोति
yaṃ kāmayeta pāpīyānsyād ity uccaistarām asya ṛcam uktvā śanaistarāṃ vaṣaṭkuryātpāpīyāṃsam evainaṃ tatkaroti
- 11
यं कामयेत श्रेयान्स्याद् इति शनैस्तराम् अस्य ऋचम् उक्त्वोच्चैस्तरां वषट्कुर्याच्छ्रिय एवैनं तच्छ्रियाम् आदधाति
yaṃ kāmayeta śreyānsyād iti śanaistarām asya ṛcam uktvoccaistarāṃ vaṣaṭkuryācchriya evainaṃ tacchriyām ādadhāti
- 12
संततम् ऋचा वषट्कृत्यं संतत्यै
saṃtatam ṛcā vaṣaṭkṛtyaṃ saṃtatyai
- 13
संधीयते प्रजया पशुभिर्य एवं वेद
saṃdhīyate prajayā paśubhirya evaṃ veda

