4 shlokas
- 1
आर्भवं शंसति
ārbhavaṃ śaṃsati
- 2
ऋभवो वै देवेषु तपसा सोमपीथम् अभ्यजयंस्तेभ्यः प्रातःसवने वाचिकल्पयिषंस्तान् अग्निर्वसुभिः प्रातःसवनाद् अनुदत तेभ्यो माध्यंदिने सवने वाचिकल्पयिषंस्तान् इन्द्रो रुद्रैर्माध्यंदिनात्सवनाद् अनुदत तेभ्यस्तृतीयसवने वाचिकल्पयिषंस्तान्विश्वे देवा अनोनुद्यन्त नेह पास्यन्ति नेहेति स प्रजापतिर् अब्रवीत्सवितारं तव वा इमे ऽन्तेवासास्त्वम् एवैभिः संपिबस्वेति स तथेत्य् अब्रवीत्सविता तान्वै त्वम् उभयतः परिपिबेति तान्प्रजापतिर् उभयतः पर्यपिबत्
ṛbhavo vai deveṣu tapasā somapītham abhyajayaṃstebhyaḥ prātaḥsavane vācikalpayiṣaṃstān agnirvasubhiḥ prātaḥsavanād anudata tebhyo mādhyaṃdine savane vācikalpayiṣaṃstān indro rudrairmādhyaṃdinātsavanād anudata tebhyastṛtīyasavane vācikalpayiṣaṃstānviśve devā anonudyanta neha pāsyanti neheti sa prajāpatir abravītsavitāraṃ tava vā ime 'ntevāsāstvam evaibhiḥ saṃpibasveti sa tathety abravītsavitā tānvai tvam ubhayataḥ paripibeti tānprajāpatir ubhayataḥ paryapibat
- 3
ते एते धाय्ये अनिरुक्ते प्राजापत्ये शस्येते अभित आर्भवं सुरूपकृत्नुम् ऊतये ऽयं वेनश्चोदयत्पृश्निगर्भा इति प्रजापतिर् एवैनांस्तद् उभयतः परिपिबति तस्माद् उ श्रेष्ठी पात्रे रोचयत्य् एव यं कामयते तम्
te ete dhāyye anirukte prājāpatye śasyete abhita ārbhavaṃ surūpakṛtnum ūtaye 'yaṃ venaścodayatpṛśnigarbhā iti prajāpatir evaināṃstad ubhayataḥ paripibati tasmād u śreṣṭhī pātre rocayaty eva yaṃ kāmayate tam
- 4
तेभ्यो वै देवा अपैवाबीभत्सन्त मनुष्यगन्धात्त एते धाय्ये अन्तरदधत येभ्यो मातैवा पित्र इति
tebhyo vai devā apaivābībhatsanta manuṣyagandhātta ete dhāyye antaradadhata yebhyo mātaivā pitra iti

