8 shlokas
- 1
देवा वा असुरैर्विजिग्याना ऊर्ध्वाः स्वर्गं लोकम् आयन्सो ऽग्निर्दिविस्पृग् ऊर्ध्व उदश्रयत स स्वर्गस्य लोकस्य द्वारम् अवृणोद् अग्निर्वै स्वर्गस्य लोकस्याधिपतिस्तं वसवः प्रथमा आगच्छंस्त एनम् अब्रुवन्न् अति नो ऽर्जस्य् आकाशं नः कुर्व् इति स नास्तुतो ऽतिस्रक्ष्य इत्य् अब्रवीत्स्तुत नु मेति तथेति तं ते त्रिवृता स्तोमेनास्तुवंस्तान्स्तुतो ऽत्यार्जत ते यथालोकम् अगच्छन्
devā vā asurairvijigyānā ūrdhvāḥ svargaṃ lokam āyanso 'gnirdivispṛg ūrdhva udaśrayata sa svargasya lokasya dvāram avṛṇod agnirvai svargasya lokasyādhipatistaṃ vasavaḥ prathamā āgacchaṃsta enam abruvann ati no 'rjasy ākāśaṃ naḥ kurv iti sa nāstuto 'tisrakṣya ity abravītstuta nu meti tatheti taṃ te trivṛtā stomenāstuvaṃstānstuto 'tyārjata te yathālokam agacchan
- 2
तं रुद्रा आगच्छंस्त एनम् अब्रुवन्न् अति नो ऽर्जस्य् आकाशं नः कुर्व् इति स नास्तुतो ऽतिस्रक्ष्य इत्य् अब्रवीत्स्तुत नु मेति तथेति तं ते पञ्चदशेन स्तोमेनास्तुवंस्तान्स्तुतो ऽत्यार्जत ते यथालोकम् अगच्छन्
taṃ rudrā āgacchaṃsta enam abruvann ati no 'rjasy ākāśaṃ naḥ kurv iti sa nāstuto 'tisrakṣya ity abravītstuta nu meti tatheti taṃ te pañcadaśena stomenāstuvaṃstānstuto 'tyārjata te yathālokam agacchan
- 3
तम् आदित्या आगच्छंस्त एनम् अब्रुवन्न् अति नो ऽर्जस्य् आकाशं नः कुर्व् इति स नास्तुतो ऽतिस्रक्ष्य इत्य् अब्रवीत्स्तुत नु मेति तथेति तं ते सप्तदशेन स्तोमेनास्तुवंस्तान्स्तुतो ऽत्यार्जत ते यथालोकम् अगच्छन्
tam ādityā āgacchaṃsta enam abruvann ati no 'rjasy ākāśaṃ naḥ kurv iti sa nāstuto 'tisrakṣya ity abravītstuta nu meti tatheti taṃ te saptadaśena stomenāstuvaṃstānstuto 'tyārjata te yathālokam agacchan
- 4
तं विश्वे देवा आगच्छंस्त एनम् अब्रुवन्न् अति नो ऽर्जस्य् आकाशं नः कुर्व् इति स नास्तुतो ऽतिस्रक्ष्य इत्य् अब्रवीत्स्तुत नु मेति तथेति तं त एकविंशेन स्तोमेनास्तुवंस्तान्स्तुतो ऽत्यार्जत ते यथालोकम् अगच्छन्
taṃ viśve devā āgacchaṃsta enam abruvann ati no 'rjasy ākāśaṃ naḥ kurv iti sa nāstuto 'tisrakṣya ity abravītstuta nu meti tatheti taṃ ta ekaviṃśena stomenāstuvaṃstānstuto 'tyārjata te yathālokam agacchan
- 5
एकैकेन वै तं देवाः स्तोमेनास्तुवंस्तान्स्तुतो ऽत्यार्जत ते यथालोकम् अगच्छन्
ekaikena vai taṃ devāḥ stomenāstuvaṃstānstuto 'tyārjata te yathālokam agacchan
- 6
अथ हैनम् एष एतैः सर्वैः स्तोमैः स्तौति यो यजते
atha hainam eṣa etaiḥ sarvaiḥ stomaiḥ stauti yo yajate
- 7
यश्चैनम् एवं वेदाती तु तम् अर्जाताः
yaścainam evaṃ vedātī tu tam arjātāḥ
- 8
अति ह वा एनम् अर्जते स्वर्गं लोकम् अभि य एवं वेद
ati ha vā enam arjate svargaṃ lokam abhi ya evaṃ veda

