8 shlokas
- 1
ब्राह्मणस्पत्यम्प्रगाथं शंसति
brāhmaṇaspatyampragāthaṃ śaṃsati
- 2
बृहस्पतिपुरोहिता वै देवा अजयन्स्वर्गं लोकं व्य् अस्मिंल्लोके ऽजयन्त तथैवैतद्यजमानो बृहस्पतिपुरोहित एव जयति स्वर्गं लोकं व्य् अस्मिंल्लोके जयते
bṛhaspatipurohitā vai devā ajayansvargaṃ lokaṃ vy asmiṃlloke 'jayanta tathaivaitadyajamāno bṛhaspatipurohita eva jayati svargaṃ lokaṃ vy asmiṃlloke jayate
- 3
तौ वा एतौ प्रगाथाव् अस्तुतौ सन्तौ पुनरादायं शस्येते तद् आहुर्यन्न किंचनास्तुतं सत्पुनरादायं शस्यते ऽथ कस्माद् एतौ प्रगाथाव् अस्तुतौ सन्तौ पुनरादायं शस्येते इति
tau vā etau pragāthāv astutau santau punarādāyaṃ śasyete tad āhuryanna kiṃcanāstutaṃ satpunarādāyaṃ śasyate 'tha kasmād etau pragāthāv astutau santau punarādāyaṃ śasyete iti
- 4
पवमानोक्थं वा एतद्यन्मरुत्वतीयं षट्सु वा अत्र गायत्रीषु स्तुवते षट्सु बृहतीषु तिसृषु त्रिष्टुप्सु स वा एष त्रिछन्दाः पञ्चदशो माध्यंदिनः पवमानस्तद् आहुः कथं त एष त्रिछन्दाः पञ्चदशो माध्यंदिनः पवमानो ऽनुशस्तो भवतीति
pavamānokthaṃ vā etadyanmarutvatīyaṃ ṣaṭsu vā atra gāyatrīṣu stuvate ṣaṭsu bṛhatīṣu tisṛṣu triṣṭupsu sa vā eṣa trichandāḥ pañcadaśo mādhyaṃdinaḥ pavamānastad āhuḥ kathaṃ ta eṣa trichandāḥ pañcadaśo mādhyaṃdinaḥ pavamāno 'nuśasto bhavatīti
- 5
ये एव गायत्र्या उत्तरे प्रतिपदो यो गायत्रो ऽनुचरस्ताभिर् एवास्य गायत्र्यो ऽनुशस्ता भवन्त्य् एताभ्याम् एवास्य प्रगाथाभ्याम्बृहत्यो ऽनुशस्ता भवन्ति
ye eva gāyatryā uttare pratipado yo gāyatro 'nucarastābhir evāsya gāyatryo 'nuśastā bhavanty etābhyām evāsya pragāthābhyāmbṛhatyo 'nuśastā bhavanti
- 6
तासु वा एतासु बृहतीषु सामगा रौरवयौधाजयाभ्याम्पुनरादायं स्तुवते तस्माद् एतौ प्रगाथाव् अस्तुतौ सन्तौ पुनरादायं शस्येते तच्छस्त्रेण स्तोत्रम् अन्वैति
tāsu vā etāsu bṛhatīṣu sāmagā rauravayaudhājayābhyāmpunarādāyaṃ stuvate tasmād etau pragāthāv astutau santau punarādāyaṃ śasyete tacchastreṇa stotram anvaiti
- 7
ये एव त्रिष्टुभौ धाय्ये यत्त्रैष्टुभं निविद्धानम्ताभिर् एवास्य त्रिष्टुभो ऽनुशस्ता भवन्ति
ye eva triṣṭubhau dhāyye yattraiṣṭubhaṃ nividdhānamtābhir evāsya triṣṭubho 'nuśastā bhavanti
- 8
एवम् उ हास्यैष त्रिछन्दाः पञ्चदशो माध्यंदिनः पवमानो ऽनुशस्तो भवति य एवं वेद
evam u hāsyaiṣa trichandāḥ pañcadaśo mādhyaṃdinaḥ pavamāno 'nuśasto bhavati ya evaṃ veda

