13 shlokas
- 1
छन्दांसि वै देवेभ्यो हव्यम् ऊढ्वा श्रान्तानि जघनार्धे यज्ञस्य तिष्ठन्ति यथाश्वो वाश्वतरो वोहिवांस्तिष्ठेद् एवं तेभ्य एतम्मैत्रावरुणम्पशुपुरोᄆआशम् अनु देविकाहवींषि निर्वपेत्
chandāṃsi vai devebhyo havyam ūḍhvā śrāntāni jaghanārdhe yajñasya tiṣṭhanti yathāśvo vāśvataro vohivāṃstiṣṭhed evaṃ tebhya etammaitrāvaruṇampaśupuroᄆāśam anu devikāhavīṃṣi nirvapet
- 2
धात्रे पुरोᄆआशं द्वादशकपालं यो धाता स वषट्कारः
dhātre puroᄆāśaṃ dvādaśakapālaṃ yo dhātā sa vaṣaṭkāraḥ
- 3
अनुमत्यै चरुं यानुमतिः सा गायत्री
anumatyai caruṃ yānumatiḥ sā gāyatrī
- 4
राकायै चरुं या राका सा त्रिष्टुप्
rākāyai caruṃ yā rākā sā triṣṭup
- 5
सिनीवाल्यै चरुं या सिनीवाली सा जगती कुह्वै चरुं या कुहूः सानुष्टुप्
sinīvālyai caruṃ yā sinīvālī sā jagatī kuhvai caruṃ yā kuhūḥ sānuṣṭup
- 6
एतानि वाव सर्वाणि छन्दांसि गायत्रं त्रैष्टुभं जागतम् आनुष्टुभम् अन्व् अन्यान्य् एतानि हि यज्ञे प्रतमाम् इव क्रियन्ते
etāni vāva sarvāṇi chandāṃsi gāyatraṃ traiṣṭubhaṃ jāgatam ānuṣṭubham anv anyāny etāni hi yajñe pratamām iva kriyante
- 7
एतैर्ह वा अस्य छन्दोभिर्यजतः सर्वैश्छन्दोभिर् इष्टम्भवाति य एवं वेद
etairha vā asya chandobhiryajataḥ sarvaiśchandobhir iṣṭambhavāti ya evaṃ veda
- 8
तद्वै यद् इदम् आहुः सुधायां ह वै वाजी सुहितो दधातीति छन्दांसि वै तत्सुधायां ह वा एनं छन्दांसि दधति
tadvai yad idam āhuḥ sudhāyāṃ ha vai vājī suhito dadhātīti chandāṃsi vai tatsudhāyāṃ ha vā enaṃ chandāṃsi dadhati
- 9
अननुध्यायिनं लोकं जयति य एवं वेद
ananudhyāyinaṃ lokaṃ jayati ya evaṃ veda
- 10
तद्धैक आहुर्धातारम् एव सर्वासाम्पुरस्तात्पुरस्ताद् आज्येन परियजेत्तद् आसु सर्वासु मिथुनं दधातीति
taddhaika āhurdhātāram eva sarvāsāmpurastātpurastād ājyena pariyajettad āsu sarvāsu mithunaṃ dadhātīti
- 11
तद् उ वा आहुर्जामि वा एतद्यज्ञे क्रियते यत्र समानीभ्याम् ऋग्भ्यां समाने ऽहन्यजतीति
tad u vā āhurjāmi vā etadyajñe kriyate yatra samānībhyām ṛgbhyāṃ samāne 'hanyajatīti
- 12
यदि ह वा अपि बह्व्य इव जायाः पतिर्वाव तासाम्मिथुनं तद्यद् आसां धातारम्पुरस्ताद्यजति तद् आसु सर्वासु मिथुनं दधाति
yadi ha vā api bahvya iva jāyāḥ patirvāva tāsāmmithunaṃ tadyad āsāṃ dhātārampurastādyajati tad āsu sarvāsu mithunaṃ dadhāti
- 13
इति नु देविकानाम्
iti nu devikānām

