10 shlokas
- 1
अग्निष्टोमं वै देवा अश्रयन्तोक्थान्य् असुरास्ते समावद्वीर्या एवासन्न व्यावर्तन्त तान्भरद्वाज ऋषीणाम् अपश्यद् इमे वा असुरा उक्थेषु श्रितास्तान् एषां न कश्चन पश्यतीति सो ऽग्निम् उदह्वयत्
agniṣṭomaṃ vai devā aśrayantokthāny asurāste samāvadvīryā evāsanna vyāvartanta tānbharadvāja ṛṣīṇām apaśyad ime vā asurā uktheṣu śritāstān eṣāṃ na kaścana paśyatīti so 'gnim udahvayat
- 2
एह्य् ऊ षु ब्रवाणि ते ऽग्न इत्थेतरा गिर इति
ehy ū ṣu bravāṇi te 'gna itthetarā gira iti
- 3
असुर्या ह वा इतरा गिरः
asuryā ha vā itarā giraḥ
- 4
सो ऽग्निर् उपोत्तिष्ठन्न् अब्रवीत्किं स्विद् एव मह्यं कृशो दीर्घः पलितो वक्ष्यतीति
so 'gnir upottiṣṭhann abravītkiṃ svid eva mahyaṃ kṛśo dīrghaḥ palito vakṣyatīti
- 5
भरद्वाजो ह वै कृशो दीर्घः पलित आस
bharadvājo ha vai kṛśo dīrghaḥ palita āsa
- 6
सो ऽब्रवीद् इमे वा असुरा उक्थेषु श्रितास्तान्वो न कश्चन पश्यतीति
so 'bravīd ime vā asurā uktheṣu śritāstānvo na kaścana paśyatīti
- 7
तान् अग्निर् अश्वो भूत्वाभ्यत्यद्रवद्यद् अग्निर् अश्वो भूत्वाभ्यत्यद्रवत्तत्साकमश्वं सामाभवत्तत्साकमश्वस्य साकमश्वत्वम्
tān agnir aśvo bhūtvābhyatyadravadyad agnir aśvo bhūtvābhyatyadravattatsākamaśvaṃ sāmābhavattatsākamaśvasya sākamaśvatvam
- 8
तद् आहुः साकमश्वेनोक्थानि प्रणयेद् अप्रणीतानि वाव तान्य् उक्थानि यान्य् अन्यत्र साकमश्वाद् इति
tad āhuḥ sākamaśvenokthāni praṇayed apraṇītāni vāva tāny ukthāni yāny anyatra sākamaśvād iti
- 9
प्रमंहिष्ठीयेन प्रणयेद् इत्य् आहुः प्रमंहिष्ठीयेन वै देवा असुरान् उक्थेभ्यः प्राणुदन्त
pramaṃhiṣṭhīyena praṇayed ity āhuḥ pramaṃhiṣṭhīyena vai devā asurān ukthebhyaḥ prāṇudanta
- 10
तत्प्राहैव प्रमंहिष्ठीयेन नयेत्प्र साकमश्वेन
tatprāhaiva pramaṃhiṣṭhīyena nayetpra sākamaśvena

