5 shlokas
- 1
प्रजापतिर्वै यज्ञं छन्दांसि देवेभ्यो भागधेयानि व्यभजत्स गायत्रीम् एवाग्नये वसुभ्यः प्रातःसवने ऽभजत्त्रिष्टुभम् इन्द्राय रुद्रेभ्यो मध्यंदिने जगतीं विश्वेभ्यो देवेभ्य आदित्येभ्यस्तृतीयसवने
prajāpatirvai yajñaṃ chandāṃsi devebhyo bhāgadheyāni vyabhajatsa gāyatrīm evāgnaye vasubhyaḥ prātaḥsavane 'bhajattriṣṭubham indrāya rudrebhyo madhyaṃdine jagatīṃ viśvebhyo devebhya ādityebhyastṛtīyasavane
- 2
अथास्य यत्स्वं छन्द आसीद् अनुष्टुप्ताम् उदन्तम् अभ्य् उदौहद् अछावाकीयाम् अभि सैनम् अब्रवीद् अनुष्टुप्त्वं न्व् एव देवानाम्पापिष्ठो ऽसि यस्य ते ऽहं स्वं छन्दो ऽस्मि यां मोदन्तम् अभ्य् उदौहीर् अछावाकीयाम् अभीति तद् अजानात्स स्वं सोमम् आहरत्स स्वे सोमे ऽग्रम्मुखम् अभि पर्याहरद् अनुष्टुभं तस्माद्व् अनुष्टुब् अग्रिया मुख्या युज्यते सर्वेषां सवनानाम्
athāsya yatsvaṃ chanda āsīd anuṣṭuptām udantam abhy udauhad achāvākīyām abhi sainam abravīd anuṣṭuptvaṃ nv eva devānāmpāpiṣṭho 'si yasya te 'haṃ svaṃ chando 'smi yāṃ modantam abhy udauhīr achāvākīyām abhīti tad ajānātsa svaṃ somam āharatsa sve some 'grammukham abhi paryāharad anuṣṭubhaṃ tasmādv anuṣṭub agriyā mukhyā yujyate sarveṣāṃ savanānām
- 3
अग्रियो मुख्यो भवति श्रेष्ठताम् अश्नुते य एवं वेद
agriyo mukhyo bhavati śreṣṭhatām aśnute ya evaṃ veda
- 4
स्वे वै स तत्सोमे ऽकल्पयत्तस्माद्यत्र क्व च यजमानवशो भवति कल्पत एव यज्ञो ऽपि
sve vai sa tatsome 'kalpayattasmādyatra kva ca yajamānavaśo bhavati kalpata eva yajño 'pi
- 5
तस्यै जनतायै कल्पते यत्रैवं विद्वान्यजमानो वशी यजते
tasyai janatāyai kalpate yatraivaṃ vidvānyajamāno vaśī yajate

