5 shlokas
- 1
इति नु पुरस्ताद् अथोपरिष्टात्पञ्चदशोक्थ्यस्य स्तोत्राणि पञ्चदश शस्त्राणि स मासो मासधा संवत्सरो विहितः संवत्सरो ऽग्निर्वैश्वानरो ऽग्निर् अग्निष्टोमः संवत्सरम् एवानूक्थ्यो ऽग्निष्टोमम् अप्येत्य् उक्थ्यम् अपियन्तम् अनु वाजपेयो ऽप्येत्य् उक्थ्यो हि स भवति
iti nu purastād athopariṣṭātpañcadaśokthyasya stotrāṇi pañcadaśa śastrāṇi sa māso māsadhā saṃvatsaro vihitaḥ saṃvatsaro 'gnirvaiśvānaro 'gnir agniṣṭomaḥ saṃvatsaram evānūkthyo 'gniṣṭomam apyety ukthyam apiyantam anu vājapeyo 'pyety ukthyo hi sa bhavati
- 2
द्वादश रात्रेः पर्यायाः सर्वे पञ्चदशास्ते द्वौ द्वौ सम्पद्य त्रिंशद् एकविंशं षोᄆअशि साम त्रिवृत्संधिः सा त्रिंशत्स मासस्त्रिंशन्मासस्य रात्रयो मासधा संवत्सरो विहितः संवत्सरो ऽग्निर्वैश्वानरो ऽग्निर् अग्निष्टोमः संवत्सरम् एवान्व् अतिरात्रो ऽग्निष्टोमम् अप्येत्य् अतिरात्रम् अपियन्तम् अन्व् अप्तोर्यामो ऽप्येत्य् अतिरात्रो हि स भवति
dvādaśa rātreḥ paryāyāḥ sarve pañcadaśāste dvau dvau sampadya triṃśad ekaviṃśaṃ ṣoᄆaśi sāma trivṛtsaṃdhiḥ sā triṃśatsa māsastriṃśanmāsasya rātrayo māsadhā saṃvatsaro vihitaḥ saṃvatsaro 'gnirvaiśvānaro 'gnir agniṣṭomaḥ saṃvatsaram evānv atirātro 'gniṣṭomam apyety atirātram apiyantam anv aptoryāmo 'pyety atirātro hi sa bhavati
- 3
एतद्वै ये च पुरस्ताद्ये चोपरिष्टाद्यज्ञक्रतवस्ते सर्वे ऽग्निष्टोमम् अपियन्ति
etadvai ye ca purastādye copariṣṭādyajñakratavaste sarve 'gniṣṭomam apiyanti
- 4
तस्य संस्तुतस्य नवतिशतं स्तोत्रियाः सा या नवतिस्ते दश त्रिवृतो ऽथ या नवतिस्ते दशाथ या दश तासाम् एका स्तोत्रियोदेति त्रिवृत्परिशिष्यते सो ऽसावेकविंशो ऽध्याहितस्तपति विषुवान्वा एष स्तोमानां दश वा एतस्माद् अर्वाञ्चस्त्रिवृतो दश पराञ्चो मध्य एष एकविंश उभयतो ऽध्याहितस्तपति तद्यासौ स्तोत्रियोदेति सैतस्मिन्न् अध्यूᄆहा स यजमानस्तद्दैवं क्षत्रं सहो बलम्
tasya saṃstutasya navatiśataṃ stotriyāḥ sā yā navatiste daśa trivṛto 'tha yā navatiste daśātha yā daśa tāsām ekā stotriyodeti trivṛtpariśiṣyate so 'sāvekaviṃśo 'dhyāhitastapati viṣuvānvā eṣa stomānāṃ daśa vā etasmād arvāñcastrivṛto daśa parāñco madhya eṣa ekaviṃśa ubhayato 'dhyāhitastapati tadyāsau stotriyodeti saitasminn adhyūᄆhā sa yajamānastaddaivaṃ kṣatraṃ saho balam
- 5
अश्नुते ह वै दैवं क्षत्रं सहो बलम् एतस्य ह सायुज्यं सरूपतां सलोकताम् अश्नुते य एवं वेद
aśnute ha vai daivaṃ kṣatraṃ saho balam etasya ha sāyujyaṃ sarūpatāṃ salokatām aśnute ya evaṃ veda

