5 shlokas
- 1
जातवेदस्यं शंसति
jātavedasyaṃ śaṃsati
- 2
प्रजापतिः प्रजा असृजत ताः सृष्टाः पराच्य एवायन्न व्यावर्तन्त ता अग्निना पर्यगच्छत्ता अग्निम् उपावर्तन्त तम् एवाद्याप्य् उपावृत्ताः सो ऽब्रवीज्जाता वै प्रजा अनेनाविदम् इति यद् अब्रवीज्जाता वै प्रजा अनेनाविदम् इति तज्जातवेदस्यम् अभवत्तज्जातवेदसो जातवेदस्त्वम्
prajāpatiḥ prajā asṛjata tāḥ sṛṣṭāḥ parācya evāyanna vyāvartanta tā agninā paryagacchattā agnim upāvartanta tam evādyāpy upāvṛttāḥ so 'bravījjātā vai prajā anenāvidam iti yad abravījjātā vai prajā anenāvidam iti tajjātavedasyam abhavattajjātavedaso jātavedastvam
- 3
ता अग्निना परिगता निरुद्धाः शोचन्त्यः दीध्यत्यो ऽतिष्ठंस्ता अद्भिर् अभ्यषिञ्चत्तस्माद् उपरिष्टाज्जातवेदस्यस्यापोहिष्ठीयम्शंसति
tā agninā parigatā niruddhāḥ śocantyaḥ dīdhyatyo 'tiṣṭhaṃstā adbhir abhyaṣiñcattasmād upariṣṭājjātavedasyasyāpohiṣṭhīyamśaṃsati
- 4
तस्मात्तच्छमयतेव शंस्तव्यं ता अद्भिर् अभिषिच्य निजास्यैवामन्यत
tasmāttacchamayateva śaṃstavyaṃ tā adbhir abhiṣicya nijāsyaivāmanyata
- 5
तासु वा अहिना बुध्न्येन परोक्षात्तेजो ऽदधाद् एष ह वा अहिर्बुध्न्यो यद् अग्निर्गार्हपत्यो ऽग्निनैवासु तद्गार्हपत्येन परोक्षात्तेजो दधाति तस्माद् आहुर्जुह्वद् एवाजुह्वतो वसीयान् इति
tāsu vā ahinā budhnyena parokṣāttejo 'dadhād eṣa ha vā ahirbudhnyo yad agnirgārhapatyo 'gninaivāsu tadgārhapatyena parokṣāttejo dadhāti tasmād āhurjuhvad evājuhvato vasīyān iti

