8 shlokas
- 1
वैश्वानरीयेणाग्निमारुतम्प्रतिपद्यते वैश्वानरो वा एतद्रेतः सिक्तम्प्राच्यावयत्तस्माद्वैश्वानरीयेणाग्निमारुतम्प्रतिपद्यते
vaiśvānarīyeṇāgnimārutampratipadyate vaiśvānaro vā etadretaḥ siktamprācyāvayattasmādvaiśvānarīyeṇāgnimārutampratipadyate
- 2
अनवानम्प्रथमर्क्शंस्तव्याग्नीन्वा एषो ऽर्चींष्य् अशान्तान्प्रसीदन्न् एति य आग्निमारुतं शंसति प्राणेनैव तद् अग्नींस्तरति
anavānamprathamarkśaṃstavyāgnīnvā eṣo 'rcīṃṣy aśāntānprasīdann eti ya āgnimārutaṃ śaṃsati prāṇenaiva tad agnīṃstarati
- 3
अधीयन्न् उपहन्याद् अन्यं विवक्तारम् इच्छेत्तम् एव तत्सेतुं कृत्वा तरति
adhīyann upahanyād anyaṃ vivaktāram icchettam eva tatsetuṃ kṛtvā tarati
- 4
तस्माद् आग्निमारुते न व्युच्यम् एष्टव्यो विवक्ता
tasmād āgnimārute na vyucyam eṣṭavyo vivaktā
- 5
मारुतं शंसति मरुतो ह वा एतद्रेतः सिक्तं धून्वन्तः प्राच्यावयंस्तस्मान्मारुतं शंसति
mārutaṃ śaṃsati maruto ha vā etadretaḥ siktaṃ dhūnvantaḥ prācyāvayaṃstasmānmārutaṃ śaṃsati
- 6
यज्ञा यज्ञा वो अग्नये देवो वो द्रविणोदा इति मध्ये योनिं चानुरूपं च शंसति तद्यन्मध्ये योनिं चानुरूपम्च शंसति तस्मान्मध्ये योनिर्धृता
yajñā yajñā vo agnaye devo vo draviṇodā iti madhye yoniṃ cānurūpaṃ ca śaṃsati tadyanmadhye yoniṃ cānurūpamca śaṃsati tasmānmadhye yonirdhṛtā
- 7
यद् उ द्वे सूक्ते शस्त्वा शंसति प्रतिष्ठयोर् एव तद् उपरिष्टात्प्रजननं दधाति प्रजात्यै
yad u dve sūkte śastvā śaṃsati pratiṣṭhayor eva tad upariṣṭātprajananaṃ dadhāti prajātyai
- 8
प्रजायते प्रजया पशुभिर्य एवं वेद
prajāyate prajayā paśubhirya evaṃ veda

