11 shlokas
- 1
ग्रहोक्थं वा एतद्यत्प्रौगं नव प्रातर्ग्रहा गृह्यन्ते नवभिर्बहिष्पवमाने स्तुवते स्तुते स्तोमे दशमं गृह्णाति हिंकार इतरासां दशमः सो सा सम्मा
grahokthaṃ vā etadyatpraugaṃ nava prātargrahā gṛhyante navabhirbahiṣpavamāne stuvate stute stome daśamaṃ gṛhṇāti hiṃkāra itarāsāṃ daśamaḥ so sā sammā
- 2
वायव्यं शंसति तेन वायव्य उक्थवान्
vāyavyaṃ śaṃsati tena vāyavya ukthavān
- 3
ऐन्द्रवायवं शंसति तेनैन्द्रवायव उक्थवान्
aindravāyavaṃ śaṃsati tenaindravāyava ukthavān
- 4
मैत्रावरुणं शंसति तेन मैत्रावरुण उक्थवान्
maitrāvaruṇaṃ śaṃsati tena maitrāvaruṇa ukthavān
- 5
आश्विनं शंसति तेनाश्विन उक्थवान्
āśvinaṃ śaṃsati tenāśvina ukthavān
- 6
ऐन्द्रं शंसति तेन शुक्रामन्थिना उक्थवन्तौ
aindraṃ śaṃsati tena śukrāmanthinā ukthavantau
- 7
वैश्वदेवं शंसति तेनाग्रयण उक्थवान्
vaiśvadevaṃ śaṃsati tenāgrayaṇa ukthavān
- 8
सारस्वतं शंसति
sārasvataṃ śaṃsati
- 9
न सारस्वतो ग्रहो ऽस्ति
na sārasvato graho 'sti
- 10
वाक्तु सरस्वती ये तु केच वाचा ग्रहा गृह्यन्ते ते ऽस्य सर्वे शस्तोक्थाः
vāktu sarasvatī ye tu keca vācā grahā gṛhyante te 'sya sarve śastokthāḥ
- 11
उक्थिनो भवन्ति य एवं वेद
ukthino bhavanti ya evaṃ veda

