5 shlokas
- 1
नारद उवाच
सामान्यपूजां विष्ण्वादेर्वक्ष्ये मन्त्रांश्च सर्वदान्
समस्तपरिवाराय अच्युताय नमो यजेत्
nārada uvāca
sāmānyapūjāṃ viṣṇvādervakṣye mantrāṃśca sarvadān
samastaparivārāya acyutāya namo yajet
- 2
धात्रे विधात्रे गङ्गायै यमुनायै निधी तथा
द्वारश्रियं वस्तुनवं शक्तिं कूर्ममनन्तकम्
dhātre vidhātre gaṅgāyai yamunāyai nidhī tathā
dvāraśriyaṃ vastunavaṃ śaktiṃ kūrmamanantakam
- 3
पृथिवीं धर्मकं ज्ञानं वैराग्यैश्वर्यमेव च
अधर्मादीन्कन्दनालपद्मकेशरकर्णिकाः
pṛthivīṃ dharmakaṃ jñānaṃ vairāgyaiśvaryameva ca
adharmādīnkandanālapadmakeśarakarṇikāḥ
- 4
ऋग्वेदाद्यं कृताद्यं च सत्त्वाद्यर्कादिमण्डलम्
विमलोत्कर्षिणी ज्ञाना क्रिया योगा च ता यजेत्
ṛgvedādyaṃ kṛtādyaṃ ca sattvādyarkādimaṇḍalam
vimalotkarṣiṇī jñānā kriyā yogā ca tā yajet
- 5
प्रह्वीं सत्यां तथेशानानुग्रहासनमूर्तिकाम्
दुर्गां गिरङ्गणं क्षेत्रं वासुदेवादिकं यजेत्
prahvīṃ satyāṃ tatheśānānugrahāsanamūrtikām
durgāṃ giraṅgaṇaṃ kṣetraṃ vāsudevādikaṃ yajet

