9 shlokas
- 1
समानो यूपः स्वरुर् आहवनीयो हृदयशूलश्च
samāno yūpaḥ svarur āhavanīyo hṛdayaśūlaśca
- 2
अपवृत्ते दीक्षापरिमाणे
apavṛtte dīkṣāparimāṇe
- 3
उत्तरवेदिदेश उपरवाणां वा लोहितम् आनडुहं चर्म प्राचीनग्रीवम् उत्तरलोमास्तीर्य तस्य दक्षिणे पक्षे राजानं न्युप्योत्तरत उदकुम्भं निधाय सर्वतः परिश्रित्योदीचीं द्वारं कृत्वा सोमविक्रयिणं प्रपादयति कौत्सं शूद्रं वा
uttaravedideśa uparavāṇāṃ vā lohitam ānaḍuhaṃ carma prācīnagrīvam uttaralomāstīrya tasya dakṣiṇe pakṣe rājānaṃ nyupyottarata udakumbhaṃ nidhāya sarvataḥ pariśrityodīcīṃ dvāraṃ kṛtvā somavikrayiṇaṃ prapādayati kautsaṃ śūdraṃ vā
- 4
सोमविक्रयिन्सोमं शोधयेति संप्रेष्यति शुन्ध सोमम् आपन्नं निरस्येति वा शुन्ध सोमम् आपन्नं निरस्त इति वा
somavikrayinsomaṃ śodhayeti saṃpreṣyati śundha somam āpannaṃ nirasyeti vā śundha somam āpannaṃ nirasta iti vā
- 5
यद् अन्यद् अंशुभ्यस्तद् अपोद्धरति
yad anyad aṃśubhyastad apoddharati
- 6
नाध्वर्युः सोमं विचिनुयान्नास्य पुरुषो न यजमानो न यजमानस्यामात्या न विचीयमानस्योपद्रष्टारो भवन्ति
nādhvaryuḥ somaṃ vicinuyānnāsya puruṣo na yajamāno na yajamānasyāmātyā na vicīyamānasyopadraṣṭāro bhavanti
- 7
प्रायणीयाप्रभृतिष्व् अवभृथान्तेष्व् इष्टिपशुबन्धेषु व्रतोपायनं जागरणं पत्नीसंनहनम् आरण्याशनं च न विद्यते
prāyaṇīyāprabhṛtiṣv avabhṛthānteṣv iṣṭipaśubandheṣu vratopāyanaṃ jāgaraṇaṃ patnīsaṃnahanam āraṇyāśanaṃ ca na vidyate
- 8
सर्वाण्य् उत्तरासु क्रियन्ते
sarvāṇy uttarāsu kriyante
- 9
सवनीये पशौ सवनीयेषु च पुरोडाशेषु नाग्न्यन्वाधानं विद्यते
savanīye paśau savanīyeṣu ca puroḍāśeṣu nāgnyanvādhānaṃ vidyate

