22 shlokas
- 1
ध्रुवाया अष्टौ जुह्वां गृह्णाति चतुर् उपभृति
dhruvāyā aṣṭau juhvāṃ gṛhṇāti catur upabhṛti
- 2
सादयति स्रुचौ होतादापयति
sādayati srucau hotādāpayati
- 3
घृतवतीम् अध्वर्यो स्रुचम् आस्यस्वेत्य् उच्यमाने जुहूपभृताव् आदाय सकृद् अतिक्रान्तस्तिस्रो देवता यजति
ghṛtavatīm adhvaryo srucam āsyasvety ucyamāne juhūpabhṛtāv ādāya sakṛd atikrāntastisro devatā yajati
- 4
उत्तरतः प्रथमायाः पुरोनुवाक्यां संप्रेष्यति दक्षिणत इतरयोः
uttarataḥ prathamāyāḥ puronuvākyāṃ saṃpreṣyati dakṣiṇata itarayoḥ
- 5
यज्जुह्वाम् आज्यं तस्यार्धेनाग्निं यजत्य् अर्धेन सोमम्
yajjuhvām ājyaṃ tasyārdhenāgniṃ yajaty ardhena somam
- 6
यद् उपभृति तज्जुह्वाम् आनीय तेन विष्णुम्
yad upabhṛti tajjuhvām ānīya tena viṣṇum
- 7
प्रत्याक्रम्य या ते अग्ने ऽयाशया तनूर् इति स्रुवेणोपसदं जुहोति
pratyākramya yā te agne 'yāśayā tanūr iti sruveṇopasadaṃ juhoti
- 8
मदन्तीभिः पाणीन्प्रक्षालयन्ते ब्रह्मा राजानं विस्रंसयत्य् आप्याययन्ति निह्नुवते च यथा पुरस्ताद्दक्षिणोत्तानैः पूर्वाह्णे सव्योत्तानैर् अपराह्णे
madantībhiḥ pāṇīnprakṣālayante brahmā rājānaṃ visraṃsayaty āpyāyayanti nihnuvate ca yathā purastāddakṣiṇottānaiḥ pūrvāhṇe savyottānair aparāhṇe
- 9
अग्नीद्देवपत्नीर्व्याचक्ष्व सुब्रह्मण्य सुब्रह्मण्याम् आह्वयेति संप्रेष्यति
agnīddevapatnīrvyācakṣva subrahmaṇya subrahmaṇyām āhvayeti saṃpreṣyati
- 10
वाग्वायोः पत्नीत्य् अपरेण गार्हपत्यम् उपविश्याग्नीध्रो देवपत्नीर्व्याचष्टे सेनेन्द्रस्य धेनेति वा
vāgvāyoḥ patnīty apareṇa gārhapatyam upaviśyāgnīdhro devapatnīrvyācaṣṭe senendrasya dheneti vā
- 11
सुब्रह्मण्यः सुब्रह्मण्याम् आह्वयति
subrahmaṇyaḥ subrahmaṇyām āhvayati
- 12
अनूपसदम् एतानि क्रियन्ते
anūpasadam etāni kriyante
- 13
एवं त्रिरात्रं सायंप्रातः प्रवर्ग्योपसद्भ्यां प्रचरति
evaṃ trirātraṃ sāyaṃprātaḥ pravargyopasadbhyāṃ pracarati
- 14
सुपूर्वाह्णे पौर्वाह्णिकीभ्यां स्वपराह्ण आपराह्णिकीभ्याम्
supūrvāhṇe paurvāhṇikībhyāṃ svaparāhṇa āparāhṇikībhyām
- 15
या ते अग्ने ऽयाशया तनूर् इति प्रथमे ऽहनि सायंप्रातः स्रुवप्रदानां जुहोति
yā te agne 'yāśayā tanūr iti prathame 'hani sāyaṃprātaḥ sruvapradānāṃ juhoti
- 16
या ते अग्ने रजाशयेति द्वितीये
yā te agne rajāśayeti dvitīye
- 17
या ते अग्ने हराशयेति तृतीये
yā te agne harāśayeti tṛtīye
- 18
यदि पुरो युध्येयुर् अयः प्रथमायाम् अवधाय जुहुयात्
yadi puro yudhyeyur ayaḥ prathamāyām avadhāya juhuyāt
- 19
रजतं हिरण्यं मध्यमायाम्
rajataṃ hiraṇyaṃ madhyamāyām
- 20
हरितम् उत्तमायाम्
haritam uttamāyām
- 21
यदि सङ्ग्रामं युध्येयुर् इत्य् एकेषाम्
yadi saṅgrāmaṃ yudhyeyur ity ekeṣām
- 22
अयज्ञसंयुक्तः कल्पः
ayajñasaṃyuktaḥ kalpaḥ

