10 shlokas
- 1
उत्तमाभ्यां पौर्वाह्णिकीभ्यां प्रवर्ग्योपसद्भ्यां प्रचर्यार्धव्रतं प्रदाय तदानीम् एवापराह्णिकीभ्यां प्रवर्ग्योपसद्भ्यां प्रचरति
uttamābhyāṃ paurvāhṇikībhyāṃ pravargyopasadbhyāṃ pracaryārdhavrataṃ pradāya tadānīm evāparāhṇikībhyāṃ pravargyopasadbhyāṃ pracarati
- 2
प्रवर्ग्यम् उद्वास्योपसदम् उपैति यदि पूर्वो भवति
pravargyam udvāsyopasadam upaiti yadi pūrvo bhavati
- 3
अर्धव्रतं प्रदायाग्नेर् आवृताग्निं प्रणीयाग्न्यायतन ऊर्णास्तुकां निधायाग्निं प्रतिष्ठाप्यामिक्षायै मैत्रावरुण्यै सायंदोहाय वत्सान् अपाकरोति
ardhavrataṃ pradāyāgner āvṛtāgniṃ praṇīyāgnyāyatana ūrṇāstukāṃ nidhāyāgniṃ pratiṣṭhāpyāmikṣāyai maitrāvaruṇyai sāyaṃdohāya vatsān apākaroti
- 4
इन्द्राय च दधिघर्माय घर्मदुघो वत्सम्
indrāya ca dadhigharmāya gharmadugho vatsam
- 5
सर्वाण्य् ऐन्द्राणि भवन्तीत्य् एकेषाम्
sarvāṇy aindrāṇi bhavantīty ekeṣām
- 6
अग्निवत्य् उत्तरं परिग्राहं परिगृह्णाति
agnivaty uttaraṃ parigrāhaṃ parigṛhṇāti
- 7
न परिगृहीताम् अप्रोक्षिताम् अधिचरत्य् आस्तरणात्
na parigṛhītām aprokṣitām adhicaraty āstaraṇāt
- 8
सुत्यार्थानि काष्ठानि माहावेदिकं च बर्हिर् उपकॢप्तं भवति तूष्णीकाभिर् अद्भिः काष्ठानि वेदिं बर्हिश्च त्रिस्त्रिः प्रोक्षति
sutyārthāni kāṣṭhāni māhāvedikaṃ ca barhir upakḷptaṃ bhavati tūṣṇīkābhir adbhiḥ kāṣṭhāni vediṃ barhiśca tristriḥ prokṣati
- 9
तूष्णीं बर्हिषा वेदिं स्तृणाति यथा दर्शपूर्णमासयोः
tūṣṇīṃ barhiṣā vediṃ stṛṇāti yathā darśapūrṇamāsayoḥ
- 10
आ घा ये अग्निम् इन्धते स्तृणन्ति बर्हिर् आनुषक्
येषाम् इन्द्रो युवा सखेति स्तरणीम् एके समामनन्ति
ā ghā ye agnim indhate stṛṇanti barhir ānuṣak
yeṣām indro yuvā sakheti staraṇīm eke samāmananti

