12 shlokas
- 1
उपकॢप्ते शकटे मण्डलचक्रे प्रयुक्तपूर्वे तयोः पुराणान्ग्रन्थीन्विस्रस्य प्रक्षाल्य नवान्कुर्वन्ति छदिष्मती युग्यकृते कृत्वाग्रेण प्राग्वंशम् अवस्थाप्य युञ्जते मन इत्य् औत्तरवेदिके जुहोति
upakḷpte śakaṭe maṇḍalacakre prayuktapūrve tayoḥ purāṇāngranthīnvisrasya prakṣālya navānkurvanti chadiṣmatī yugyakṛte kṛtvāgreṇa prāgvaṃśam avasthāpya yuñjate mana ity auttaravedike juhoti
- 2
देवश्रुताव् इति पदतृतीयस्यैकदेशेन पत्नी दक्षिणस्य हविर्धानस्य दक्षिणाम् अक्षधुरं दक्षिणेनोत्तानेन त्रिः पराचीनम् उपानक्त्य् एवम् उत्तरस्य
devaśrutāv iti padatṛtīyasyaikadeśena patnī dakṣiṇasya havirdhānasya dakṣiṇām akṣadhuraṃ dakṣiṇenottānena triḥ parācīnam upānakty evam uttarasya
- 3
सर्वा उपानक्तीत्य् एकेषाम्
sarvā upānaktīty ekeṣām
- 4
आज्येन चेत्य् एकेषाम्
ājyena cety ekeṣām
- 5
हविर्धानाभ्यां प्रवर्त्यमानाभ्याम् अनुब्रूहीति संप्रेष्यति प्रवर्त्यमानाभ्याम् अनुब्रूहीति वा
havirdhānābhyāṃ pravartyamānābhyām anubrūhīti saṃpreṣyati pravartyamānābhyām anubrūhīti vā
- 6
त्रिर् अनूक्तायां प्राची प्रेतम् इति समुद्गृह्णन्तः प्राची प्रवर्तयन्ति
trir anūktāyāṃ prācī pretam iti samudgṛhṇantaḥ prācī pravartayanti
- 7
सुवाग्देव दुर्याꣳ आवदेत्य् अभिमन्त्रयते यद्य् अक्ष उत्सर्जेत्
suvāgdeva duryām̐ āvadety abhimantrayate yady akṣa utsarjet
- 8
यत्र वेदिम् अवक्रामतस्तद्दक्षिणस्य हविर्धानस्योत्तरस्यां वर्तन्यां वेद्यन्ते हिरण्यं निधायेदं विष्णुर् इति जुहोति
yatra vedim avakrāmatastaddakṣiṇasya havirdhānasyottarasyāṃ vartanyāṃ vedyante hiraṇyaṃ nidhāyedaṃ viṣṇur iti juhoti
- 9
इरावती धेनुमती इत्य् एवं प्रतिप्रस्थातोत्तरस्य
irāvatī dhenumatī ity evaṃ pratiprasthātottarasya
- 10
अध्वर्युर्दक्षिणस्य हविर्धानस्य कर्माणि करोति प्रतिप्रस्थातोत्तरस्य
adhvaryurdakṣiṇasya havirdhānasya karmāṇi karoti pratiprasthātottarasya
- 11
अप जन्यं भयं नुदाप चक्राणि वर्तय गृहं सोमस्य गच्छतम् इन्द्रस्य संसदम् इति पश्चार्धे वेदेर्वितृतीयदेशे मनसा होता पदा जन्यं भयं प्रतिनुदत्य् अध्वर्युर्यजमानो ब्रह्मा वा
apa janyaṃ bhayaṃ nudāpa cakrāṇi vartaya gṛhaṃ somasya gacchatam indrasya saṃsadam iti paścārdhe vedervitṛtīyadeśe manasā hotā padā janyaṃ bhayaṃ pratinudaty adhvaryuryajamāno brahmā vā
- 12
अपरेणोत्तरवेदिं त्रीन्प्रतीचः प्रक्रमान्प्रतिविक्रम्यात्र रमेथाम् इत्य् अभितः पृष्ठ्यां नभ्यस्थे स्थापयतः
apareṇottaravediṃ trīnpratīcaḥ prakramānprativikramyātra ramethām ity abhitaḥ pṛṣṭhyāṃ nabhyasthe sthāpayataḥ

