36 shlokas
- 1
अच्छिन्नपत्रः प्रजा उपावरोहोशन्न् उशतीः स्योनः स्योना इत्य् उपावहरति
acchinnapatraḥ prajā upāvarohośann uśatīḥ syonaḥ syonā ity upāvaharati
- 2
अत्रासन्द्या उद्ग्रहणम् एके समामनन्ति
atrāsandyā udgrahaṇam eke samāmananti
- 3
उर्व् अन्तरिक्षम् इति गच्छति
urv antarikṣam iti gacchati
- 4
या ते धामानीति सौम्यर्चा राजानं पूर्वेण द्वारेण प्राग्वंशं प्रपादयति
yā te dhāmānīti saumyarcā rājānaṃ pūrveṇa dvāreṇa prāgvaṃśaṃ prapādayati
- 5
उर्व् अन्तरिक्षं वीहीत्य् अपरेणाहवनीयं दक्षिणातिहरति
urv antarikṣaṃ vīhīty apareṇāhavanīyaṃ dakṣiṇātiharati
- 6
वरुणस्यर्तसदनिर् असीति दक्षिणेनाहवनीयम् आसन्दीं प्रतिष्ठापयति
varuṇasyartasadanir asīti dakṣiṇenāhavanīyam āsandīṃ pratiṣṭhāpayati
- 7
अदित्याः सदो ऽसीति तस्यां कृष्णाजिनं प्राचीनग्रीवम् उत्तरलोमास्तृणाति
adityāḥ sado 'sīti tasyāṃ kṛṣṇājinaṃ prācīnagrīvam uttaralomāstṛṇāti
- 8
प्रत्तं राजानम् अदित्याः सद आसीदेति तस्मिन्न् आसादयति
prattaṃ rājānam adityāḥ sada āsīdeti tasminn āsādayati
- 9
वरुणस्यर्तसदनम् आसीदेति वा
varuṇasyartasadanam āsīdeti vā
- 10
वनेषु व्य् अन्तरिक्षं ततानेति वाससा परिश्रयति
vaneṣu vy antarikṣaṃ tatāneti vāsasā pariśrayati
- 11
वरुणो ऽसीति राजानम् अभिमन्त्रयते वरुणाय त्वेति वा
varuṇo 'sīti rājānam abhimantrayate varuṇāya tveti vā
- 12
एवा वन्दस्व वरुणं बृहन्तं नमस्या धीरम् अमृतस्य गोपाम्
स नः शर्म त्रिवरुथं वि यंसत्पातं नो द्यावापृथिवी उपस्थ इति वारुण्यर्चा राजानं परिचरति
evā vandasva varuṇaṃ bṛhantaṃ namasyā dhīram amṛtasya gopām
sa naḥ śarma trivaruthaṃ vi yaṃsatpātaṃ no dyāvāpṛthivī upastha iti vāruṇyarcā rājānaṃ paricarati
- 13
यत्र क्वचासीदेद् एतयैवासीदेत्
yatra kvacāsīded etayaivāsīdet
- 14
अग्निं राजानं चान्तरेण मा संचारिष्टेति संप्रेष्यति
agniṃ rājānaṃ cāntareṇa mā saṃcāriṣṭeti saṃpreṣyati
- 15
उद्वपनप्रभृतीनि कर्माणि प्रतिपद्यते
udvapanaprabhṛtīni karmāṇi pratipadyate
- 16
गार्हपत्ये नव कपालान्य् उपदधाति
gārhapatye nava kapālāny upadadhāti
- 17
चतुर्गृहीतान्य् आज्यानि गृह्णाति
caturgṛhītāny ājyāni gṛhṇāti
- 18
चतुर्होत्रातिथ्यम् आसादयति
caturhotrātithyam āsādayati
- 19
संभारयजूंषि व्याख्याय निर्मन्थ्यस्यावृता निर्मन्थ्येन प्रचरति
saṃbhārayajūṃṣi vyākhyāya nirmanthyasyāvṛtā nirmanthyena pracarati
- 20
वेदं निधाय सामिधेनीभ्यः संप्रेष्यति
vedaṃ nidhāya sāmidhenībhyaḥ saṃpreṣyati
- 21
सर्वम् इध्मम् आदधाति सर्वम् औपभृतं समानयते
sarvam idhmam ādadhāti sarvam aupabhṛtaṃ samānayate
- 22
आज्यभागाभ्यां प्रचर्य विष्णुं हविषा यजति
ājyabhāgābhyāṃ pracarya viṣṇuṃ haviṣā yajati
- 23
ध्रुवायाः शेषं करोति
dhruvāyāḥ śeṣaṃ karoti
- 24
इडान्तातिथ्या संतिष्ठते
iḍāntātithyā saṃtiṣṭhate
- 25
ध्रुवाशेषाद् आपतये त्वा गृह्णामीति कंसे चमसे वा तानूनप्त्रं समवद्यति चतुरवत्तं पञ्चावत्तं वा
dhruvāśeṣād āpataye tvā gṛhṇāmīti kaṃse camase vā tānūnaptraṃ samavadyati caturavattaṃ pañcāvattaṃ vā
- 26
अवशिष्टो विकल्पार्थो यदि चतुरवत्तम्
avaśiṣṭo vikalpārtho yadi caturavattam
- 27
तद् अनाधृष्टम् असीति सर्वर्त्विजः समवमृशन्ति
tad anādhṛṣṭam asīti sarvartvijaḥ samavamṛśanti
- 28
समवमृष्टं प्रजापतौ त्वा मनसि जुहोमीति त्रिर् अवघ्रायान्तर्वेदि निनयति
samavamṛṣṭaṃ prajāpatau tvā manasi juhomīti trir avaghrāyāntarvedi ninayati
- 29
प्रतिषिद्धम् एकेषाम्
pratiṣiddham ekeṣām
- 30
असंचर उत्सिञ्चतीत्य् एकेषाम्
asaṃcara utsiñcatīty ekeṣām

