15 shlokas
- 1
समानं सांकाशिनम्
samānaṃ sāṃkāśinam
- 2
नासंस्थिते सोमे ऽध्वर्युः पूर्वेण द्वारेण हविर्धाने प्रविश्यापरेण निष्क्रामेद्यदि निष्क्रामेद् इदं विष्णुर्विचक्रम इति जपेत्
nāsaṃsthite some 'dhvaryuḥ pūrveṇa dvāreṇa havirdhāne praviśyāpareṇa niṣkrāmedyadi niṣkrāmed idaṃ viṣṇurvicakrama iti japet
- 3
नापरेण सदः प्रविश्य पूर्वेण निष्क्रामेद्यदि निष्क्रामेद् उत्तिष्ठन्न् ओजसा सहेति जपेत्
nāpareṇa sadaḥ praviśya pūrveṇa niṣkrāmedyadi niṣkrāmed uttiṣṭhann ojasā saheti japet
- 4
अत्रोपरवकर्मैके समामनन्ति
atroparavakarmaike samāmananti
- 5
चात्वालात्पुरीषम् आहृत्य धिष्णियान्निवपति चतुरश्रान्परिमण्डलान्वा
cātvālātpurīṣam āhṛtya dhiṣṇiyānnivapati caturaśrānparimaṇḍalānvā
- 6
विभूर् असीत्य् आग्नीध्रीयम् आग्नीध्रागारे यथोत्तरेणान्तर्वेदि संचरो भवति
vibhūr asīty āgnīdhrīyam āgnīdhrāgāre yathottareṇāntarvedi saṃcaro bhavati
- 7
अन्तःसदसम् इतरान्
antaḥsadasam itarān
- 8
वह्निर् असीत्य् अपरेण सदोबिलं पृष्ठ्यायां प्रक्रमे होत्रीयम्
vahnir asīty apareṇa sadobilaṃ pṛṣṭhyāyāṃ prakrame hotrīyam
- 9
श्वात्रो ऽसीति दक्षिणेन होत्रीयं मैत्रावरुणस्य
śvātro 'sīti dakṣiṇena hotrīyaṃ maitrāvaruṇasya
- 10
उत्तरेण होत्रीयम् उदगायतान् इतरान्
uttareṇa hotrīyam udagāyatān itarān
- 11
तुथो ऽसीति ब्राह्मणाच्छंसिन उशिग् असीति पोतुर् अन्धारिर् असीति नेष्टुर् अवस्युर् असीत्य् अच्छावाकस्य प्रतिकृष्टतरम्
tutho 'sīti brāhmaṇācchaṃsina uśig asīti potur andhārir asīti neṣṭur avasyur asīty acchāvākasya pratikṛṣṭataram
- 12
शुन्ध्यूर् असीति मार्जालीयं बहिःसदसं दक्षिणार्धे वेदेः समम् आग्नीध्रीयेण यथा दक्षिणेनान्तर्वेदि संचरो भवति
śundhyūr asīti mārjālīyaṃ bahiḥsadasaṃ dakṣiṇārdhe vedeḥ samam āgnīdhrīyeṇa yathā dakṣiṇenāntarvedi saṃcaro bhavati
- 13
रौद्रम् अनीकं सर्वत्रानुषजति
raudram anīkaṃ sarvatrānuṣajati
- 14
अत्र वेदिस्तरणम् एके समामनन्ति
atra vedistaraṇam eke samāmananti
- 15
उत्तरवेदिं खरम् उपरवान्धिष्णियांश्च न स्तृणाति
uttaravediṃ kharam uparavāndhiṣṇiyāṃśca na stṛṇāti

