18 shlokas
- 1
अग्नीषोमाभ्यां प्रणीयमानाभ्याम् अनुब्रूहीति संप्रेष्यति प्रणीयमानाभ्याम् अनुब्रूहीति वा
agnīṣomābhyāṃ praṇīyamānābhyām anubrūhīti saṃpreṣyati praṇīyamānābhyām anubrūhīti vā
- 2
त्रिर् अनूक्तायाम् अयं नो अग्निर् इत्य् अग्निप्रथमाः सोमप्रथमा वा प्राञ्चो गच्छन्ति
trir anūktāyām ayaṃ no agnir ity agniprathamāḥ somaprathamā vā prāñco gacchanti
- 3
यथार्थम् अनुनयन्ति
yathārtham anunayanti
- 4
अनुगच्छन्त्य् अमात्याः
anugacchanty amātyāḥ
- 5
अनुनयन्त्य् अग्नीषोमीयम्
anunayanty agnīṣomīyam
- 6
आग्नीध्रीय एतम् अग्निं प्रतिष्ठाप्याग्ने नयेति नयवत्यर्चाग्नीध्रे जुहोति
āgnīdhrīya etam agniṃ pratiṣṭhāpyāgne nayeti nayavatyarcāgnīdhre juhoti
- 7
शेषम् आज्यस्य करोति
śeṣam ājyasya karoti
- 8
निदधति ग्राव्णो वायव्यानि द्रोणकलशं चमसांश्च
nidadhati grāvṇo vāyavyāni droṇakalaśaṃ camasāṃśca
- 9
अतिहरन्तीतराणि
atiharantītarāṇi
- 10
उत्तरेणाग्नीध्रीयं धिष्णियं परीत्योरु विष्णो विक्रमस्वेत्य् औत्तरवेदिके जुहोति
uttareṇāgnīdhrīyaṃ dhiṣṇiyaṃ parītyoru viṣṇo vikramasvety auttaravedike juhoti
- 11
यथेतम् अमात्याः प्रतिगच्छन्ति
yathetam amātyāḥ pratigacchanti
- 12
सोमो जिगाति गातुविद् इति सौम्यर्चापरेण द्वारेण हविर्धाने ब्रह्मा राजानं प्रपादयति
somo jigāti gātuvid iti saumyarcāpareṇa dvāreṇa havirdhāne brahmā rājānaṃ prapādayati
- 13
पूर्वेण गतश्रियः
pūrveṇa gataśriyaḥ
- 14
उर्व् अन्तरिक्षम् अन्वेमीति पूर्वेणाध्वर्युः प्रविश्यादित्याः सदो ऽसीति दक्षिणस्य हविर्धानस्य नीडे कृष्णाजिनं प्राचीनग्रीवम् उत्तरलोमास्तृणाति
urv antarikṣam anvemīti pūrveṇādhvaryuḥ praviśyādityāḥ sado 'sīti dakṣiṇasya havirdhānasya nīḍe kṛṣṇājinaṃ prācīnagrīvam uttaralomāstṛṇāti
- 15
प्रत्तं राजानम् अदित्याः सद आसीदेति तस्मिन्न् आसादयति
prattaṃ rājānam adityāḥ sada āsīdeti tasminn āsādayati
- 16
प्रोक्षणीर् अभिमन्त्र्य ब्रह्माणम् आमन्त्र्येध्मं वेदिं च प्रोक्ष्य प्रोक्षण्यवशेषं निनीय पवित्रे अपिसृज्यापरेणोत्तरवेदिं मन्त्रेण बर्हिः स्तृणाति यथा दर्शपूर्णमासयोः
prokṣaṇīr abhimantrya brahmāṇam āmantryedhmaṃ vediṃ ca prokṣya prokṣaṇyavaśeṣaṃ ninīya pavitre apisṛjyāpareṇottaravediṃ mantreṇa barhiḥ stṛṇāti yathā darśapūrṇamāsayoḥ
- 17
सन्नेष्व् आज्येषु यूपसंमानेन प्रतिपद्यते
sanneṣv ājyeṣu yūpasaṃmānena pratipadyate
- 18
अग्नीषोमीयं पशुम् उपाकरोति
agnīṣomīyaṃ paśum upākaroti

