13 shlokas
- 1
अग्नीषोमीयः संतिष्ठते
agnīṣomīyaḥ saṃtiṣṭhate
- 2
निशायां वसतीवरीः परिहरति सर्वतो न पुरस्तात्
niśāyāṃ vasatīvarīḥ pariharati sarvato na purastāt
- 3
उत्क्रामतेत्य् उक्त्वान्तर्वेदि यजमानः पत्नी च भवतः
utkrāmatety uktvāntarvedi yajamānaḥ patnī ca bhavataḥ
- 4
नादीक्षितम् अभि परिहरति
nādīkṣitam abhi pariharati
- 5
आदाय कुम्भं सव्ये ऽंसे ऽत्याधायापरेण प्राजहितम् अतिक्रम्य दक्षिणया द्वारोपनिर्हृत्य दक्षिणं वेद्यन्तम् अनु परिहृत्येन्द्राग्नियोर्भागधेयीः स्थेति दक्षिणस्याम् उत्तरवेदिश्रोण्यां सादयति
ādāya kumbhaṃ savye 'ṃse 'tyādhāyāpareṇa prājahitam atikramya dakṣiṇayā dvāropanirhṛtya dakṣiṇaṃ vedyantam anu parihṛtyendrāgniyorbhāgadheyīḥ stheti dakṣiṇasyām uttaravediśroṇyāṃ sādayati
- 6
आदाय कुम्भं दक्षिणे ऽंसे ऽत्याधाय यथेतं प्रत्येत्योत्तरपूर्वया द्वारोपनिर्हृत्योत्तरं वेद्यन्तम् अनु परिहृत्य मित्रावरुणयोर्भागधेयीः स्थेत्य् उत्तरस्याम् उत्तरवेदिश्रोण्यां सादयति
ādāya kumbhaṃ dakṣiṇe 'ṃse 'tyādhāya yathetaṃ pratyetyottarapūrvayā dvāropanirhṛtyottaraṃ vedyantam anu parihṛtya mitrāvaruṇayorbhāgadheyīḥ sthety uttarasyām uttaravediśroṇyāṃ sādayati
- 7
आदाय कुम्भं सव्ये ऽंसे ऽत्याधाय तीर्थेन प्रपाद्य विश्वेषां देवानां भागधेयीः स्थेत्य् आग्नीध्रे सादयति
ādāya kumbhaṃ savye 'ṃse 'tyādhāya tīrthena prapādya viśveṣāṃ devānāṃ bhāgadheyīḥ sthety āgnīdhre sādayati
- 8
अत्र वसन्ति
atra vasanti
- 9
सुब्रह्मण्य सुब्रह्मण्याम् आह्वयेति संप्रेष्यति पितापुत्रीया सुब्रह्मण्या भवति
subrahmaṇya subrahmaṇyām āhvayeti saṃpreṣyati pitāputrīyā subrahmaṇyā bhavati
- 10
या यजमानस्य व्रतधुक्ताम् आशिरे दुह्रत या पत्न्यास्तां दधिग्रहाय या घर्मधुक्तां दधिघर्माय तप्तम् अनातङ्क्यं पयो मैत्रावरुणाय शृतातङ्क्यं दध्य् आदित्यग्रहाय कुरुताद् इति संप्रेष्यति
yā yajamānasya vratadhuktām āśire duhrata yā patnyāstāṃ dadhigrahāya yā gharmadhuktāṃ dadhigharmāya taptam anātaṅkyaṃ payo maitrāvaruṇāya śṛtātaṅkyaṃ dadhy ādityagrahāya kurutād iti saṃpreṣyati
- 11
आग्नीध्र ऋत्विजो ऽलंकृता वसन्ति
āgnīdhra ṛtvijo 'laṃkṛtā vasanti
- 12
प्राग्वंशे पत्नीं जागरयन्ति
prāgvaṃśe patnīṃ jāgarayanti
- 13
हविर्धाने यजमानो राजानं गोपायति गोपायति
havirdhāne yajamāno rājānaṃ gopāyati gopāyati

