17 shlokas
- 1
यवमतीभिर् अद्भिर् उपरवांस्त्रिः प्रोक्षति
yavamatībhir adbhir uparavāṃstriḥ prokṣati
- 2
रक्षोहणो वलगहनो ऽवनयामि वैष्णवान् इति यवमतीर् अपो ऽवनयति
rakṣohaṇo valagahano 'vanayāmi vaiṣṇavān iti yavamatīr apo 'vanayati
- 3
यवो ऽसीति यवं प्रास्यति
yavo 'sīti yavaṃ prāsyati
- 4
रक्षोहणो वलगहनो ऽवस्तृणामि वैष्णवान् इति प्राचा बर्हिषावस्तृणाति
rakṣohaṇo valagahano 'vastṛṇāmi vaiṣṇavān iti prācā barhiṣāvastṛṇāti
- 5
रक्षोहणो वलगहनो ऽभिजुहोमि वैष्णवान् इति हिरण्यम् अन्तर्धाय स्रुवेणाभिजुहोति
rakṣohaṇo valagahano 'bhijuhomi vaiṣṇavān iti hiraṇyam antardhāya sruveṇābhijuhoti
- 6
रक्षोहणौ वलगहनौ प्रोक्षामि वैष्णवे इत्य् अधिषवणफलके प्रोक्षत्य् औदुम्बरे कार्ष्मर्यमये पालाशे वा तष्टे प्रधिमुखे संहिते पुरस्तात्समापिकर्ते पश्चाद्द्व्यङ्गुलेन त्र्यङ्गुलेन चतुरङ्गुलेन वा पश्चाद् असंहिते संतृण्णे असंतृण्णे वा
rakṣohaṇau valagahanau prokṣāmi vaiṣṇave ity adhiṣavaṇaphalake prokṣaty audumbare kārṣmaryamaye pālāśe vā taṣṭe pradhimukhe saṃhite purastātsamāpikarte paścāddvyaṅgulena tryaṅgulena caturaṅgulena vā paścād asaṃhite saṃtṛṇṇe asaṃtṛṇṇe vā
- 7
रक्षोहणौ वलगहनाव् उपदधामि वैष्णवी इत्य् अधिषवणफलकाभ्याम् उपरवान् अपिदधाति द्वौ दक्षिणेन द्वाव् उत्तरेण
rakṣohaṇau valagahanāv upadadhāmi vaiṣṇavī ity adhiṣavaṇaphalakābhyām uparavān apidadhāti dvau dakṣiṇena dvāv uttareṇa
- 8
रक्षोहणौ वलगहनौ पर्यूहामि वैष्णवी इत्य् औपरवेण पुरीषेण पर्यूहति
rakṣohaṇau valagahanau paryūhāmi vaiṣṇavī ity auparaveṇa purīṣeṇa paryūhati
- 9
रक्षोहणौ वलगहनौ परिस्तृणामि वैष्णवी इति दर्भैः परिस्तृणाति
rakṣohaṇau valagahanau paristṛṇāmi vaiṣṇavī iti darbhaiḥ paristṛṇāti
- 10
रक्षोहणौ वलगहनौ वैष्णवी इत्य् अभिमन्त्रयते
rakṣohaṇau valagahanau vaiṣṇavī ity abhimantrayate
- 11
रक्षोहत्त्वा वलगहत्प्रोक्षामि वैष्णवम् इत्य् अधिषवणचर्म प्रोक्षति
rakṣohattvā valagahatprokṣāmi vaiṣṇavam ity adhiṣavaṇacarma prokṣati
- 12
लोहितम् आनडुहम् उपरिष्टाल्लोमासेचनवद्यथाभिषवायोपाप्तं भवति
lohitam ānaḍuham upariṣṭāllomāsecanavadyathābhiṣavāyopāptaṃ bhavati
- 13
रक्षोहत्त्वा वलगहत्स्तृणामि वैष्णवम् इत्य् अधिषवणफलकयोर् आस्तृणाति
rakṣohattvā valagahatstṛṇāmi vaiṣṇavam ity adhiṣavaṇaphalakayor āstṛṇāti
- 14
तस्मिंश्चतुरो ग्राव्णः संसादयत्य् ऊर्ध्वसानून् आहननप्रकारान् उपरं प्रथिष्ठं मध्ये पञ्चमम्
tasmiṃścaturo grāvṇaḥ saṃsādayaty ūrdhvasānūn āhananaprakārān uparaṃ prathiṣṭhaṃ madhye pañcamam
- 15
बृहन्न् असीत्य् एकैकम्
bṛhann asīty ekaikam
- 16
रक्षोघ्नो वो वलगघ्नः प्रोक्षामि वैष्णवान् इत्य् उपरे ग्राव्णः संमुखान्कृत्वा प्रोक्षति
rakṣoghno vo valagaghnaḥ prokṣāmi vaiṣṇavān ity upare grāvṇaḥ saṃmukhānkṛtvā prokṣati
- 17
औपरवस्य पुरीषस्याग्रेणोपस्तम्भनं चतुरश्रं खरं करोति यावन्तम् आप्तं पात्रेभ्यो मन्यते
auparavasya purīṣasyāgreṇopastambhanaṃ caturaśraṃ kharaṃ karoti yāvantam āptaṃ pātrebhyo manyate

