19 shlokas
- 1
अग्नीषोमीयस्य पशोस्तन्त्रं प्रक्रमयति
agnīṣomīyasya paśostantraṃ prakramayati
- 2
तस्य निरूढपशुबन्धेन कल्पो व्याख्यातः
tasya nirūḍhapaśubandhena kalpo vyākhyātaḥ
- 3
षड्ढोता पश्विष्टिश्चाङ्गभूते न विद्येते
ṣaḍḍhotā paśviṣṭiścāṅgabhūte na vidyete
- 4
अग्नीन् अन्वाधायातिथ्यापरिधीन् इध्म उपसंनह्यति
agnīn anvādhāyātithyāparidhīn idhma upasaṃnahyati
- 5
अग्नीन्परिस्तीर्य पाणी प्रक्षाल्योलपराजीं स्तीर्त्वा यथार्थं पाशुकानि पात्राणि प्रयुनक्ति
agnīnparistīrya pāṇī prakṣālyolaparājīṃ stīrtvā yathārthaṃ pāśukāni pātrāṇi prayunakti
- 6
यत्प्राग् आज्यग्रहणात्तत्कृत्वा प्रतिहृत्य गार्हपत्ये पाशुकान्य् आज्यानि गृह्णाति
yatprāg ājyagrahaṇāttatkṛtvā pratihṛtya gārhapatye pāśukāny ājyāni gṛhṇāti
- 7
एवा वन्दस्वेत्य् उपस्थे ब्रह्मा राजानं कुरुते
evā vandasvety upasthe brahmā rājānaṃ kurute
- 8
आददते ग्राव्णो वायव्यानि द्रोणकलशं चमसान् आतिथ्याबर्हिर् इध्मम् आज्यान्य् अग्नीषोमीयं चानुनयन्ति
ādadate grāvṇo vāyavyāni droṇakalaśaṃ camasān ātithyābarhir idhmam ājyāny agnīṣomīyaṃ cānunayanti
- 9
उत्पत्नीम् आनयन्त्य् अन्व् अनांसि प्रवर्तयन्ति
utpatnīm ānayanty anv anāṃsi pravartayanti
- 10
प्रैतु ब्रह्मणस्पत्नीति नेष्टा पत्नीम् उदानयति
praitu brahmaṇaspatnīti neṣṭā patnīm udānayati
- 11
अथाहम् अनुकामिनीत्य् आनीयमाना जपति
athāham anukāminīty ānīyamānā japati
- 12
सुप्रजसस्त्वा वयम् इत्य् अपरेण शालामुखीयम् उपविश्य दार्शपौर्णमासिकान्मन्त्राञ्जपति
suprajasastvā vayam ity apareṇa śālāmukhīyam upaviśya dārśapaurṇamāsikānmantrāñjapati
- 13
शालामुखीयं गार्हपत्यकर्मभ्यो ऽन्ववस्यन्ति तस्मिन्गार्हपत्यकर्माणि क्रियन्ते
śālāmukhīyaṃ gārhapatyakarmabhyo 'nvavasyanti tasmingārhapatyakarmāṇi kriyante
- 14
सम् अपिव्रतान्ह्वयध्वम् इति संप्रेष्यति
sam apivratānhvayadhvam iti saṃpreṣyati
- 15
तꣳ ह्वयन्ते यजमानस्यामात्यान्
tam̐ hvayante yajamānasyāmātyān
- 16
अध्वर्युं यजमानो ऽन्वारभते यजमानं पत्नी पत्नीं यजमानस्यामात्याः
adhvaryuṃ yajamāno 'nvārabhate yajamānaṃ patnī patnīṃ yajamānasyāmātyāḥ
- 17
तान् अहतेन वाससा प्रच्छाद्य प्रचरण्यां चतुर्गृहीतं गृहीत्वा प्रच्छादनार्थस्य वाससो दशायां हिरण्यं बद्ध्वाज्ये ऽवधाय स्रुग्दण्डे वाससो ऽन्तम् उपनियम्य शालामुखीये वैसर्जनौ जुहोति त्वं सोम तनूकृद्भ्य इति पूर्वाम् आहुतिं जुहोति जुषाणो अप्तुर् आज्यस्य वेतु स्वाहेति द्वितीयाम्
tān ahatena vāsasā pracchādya pracaraṇyāṃ caturgṛhītaṃ gṛhītvā pracchādanārthasya vāsaso daśāyāṃ hiraṇyaṃ baddhvājye 'vadhāya srugdaṇḍe vāsaso 'ntam upaniyamya śālāmukhīye vaisarjanau juhoti tvaṃ soma tanūkṛdbhya iti pūrvām āhutiṃ juhoti juṣāṇo aptur ājyasya vetu svāheti dvitīyām
- 18
शेषम् आज्यस्य करोति
śeṣam ājyasya karoti
- 19
शालामुखीये ऽग्निप्रणयनान्य् आदीपयति सिकताश्चोपयमनीर् उपकल्पयत उद्यच्छतीध्मम् उपयच्छत्य् उपयमनीर् उपयते धार्यमाणे
śālāmukhīye 'gnipraṇayanāny ādīpayati sikatāścopayamanīr upakalpayata udyacchatīdhmam upayacchaty upayamanīr upayate dhāryamāṇe

