24 shlokas
- 1
कृष्णश्वेतो लोहितश्वेतो वा तेन कर्णगृहीतेन यजमानो राजानं प्रतीक्षते
kṛṣṇaśveto lohitaśveto vā tena karṇagṛhītena yajamāno rājānaṃ pratīkṣate
- 2
औदुम्बर्य् आसन्द्य् अरत्निमात्रशीर्षण्यानूच्या नाभिदघ्नपादा मौञ्जविवाना ताम् अध्वर्यव उद्गृह्णन्ति
audumbary āsandy aratnimātraśīrṣaṇyānūcyā nābhidaghnapādā mauñjavivānā tām adhvaryava udgṛhṇanti
- 3
अग्रेण प्राग्वंशं वारुणम् असीति शकटम् आखिदत्य् उदगीषम् अवस्थाप्य
agreṇa prāgvaṃśaṃ vāruṇam asīti śakaṭam ākhidaty udagīṣam avasthāpya
- 4
वरुणस्त्वोत्तभ्नात्व् इत्य् उपस्तभ्नोति
varuṇastvottabhnātv ity upastabhnoti
- 5
दक्षिणम् अनड्वाहं विमुञ्चति
dakṣiṇam anaḍvāhaṃ vimuñcati
- 6
वारुणम् असीति योक्त्रं परिकर्षति
vāruṇam asīti yoktraṃ parikarṣati
- 7
वरुणस्य स्कम्भसर्जनिर् असीति शम्यां प्रवृहति
varuṇasya skambhasarjanir asīti śamyāṃ pravṛhati
- 8
विचृत्तो वरुणस्य पाश इति योक्त्रपाशं विचृन्तति
vicṛtto varuṇasya pāśa iti yoktrapāśaṃ vicṛntati
- 9
उन्मुक्तो वरुणस्य पाश इत्य् अभिधानीम् उन्मुञ्चति
unmukto varuṇasya pāśa ity abhidhānīm unmuñcati
- 10
एवम् उत्तरम् अनड्वाहं विमुञ्चति
evam uttaram anaḍvāhaṃ vimuñcati
- 11
अविमुच्योत्तरम् आतिथ्यायास्तन्त्रं प्रक्रमयति
avimucyottaram ātithyāyāstantraṃ prakramayati
- 12
उभौ वा विमुच्य
ubhau vā vimucya
- 13
अग्नीन् अन्वाधायेध्माबर्हिर् आहरति
agnīn anvādhāyedhmābarhir āharati
- 14
सप्तदश सामिधेन्यः
saptadaśa sāmidhenyaḥ
- 15
इक्षुशलाके विधृती
ikṣuśalāke vidhṛtī
- 16
कार्ष्मर्यमयान्परिधीन् इध्म उपसंनह्यत्य् आश्ववालं प्रस्तरं बर्हिषि
kārṣmaryamayānparidhīn idhma upasaṃnahyaty āśvavālaṃ prastaraṃ barhiṣi
- 17
निर्वपणकाले वैष्णवं नवकपालं पत्न्या हस्तेन निर्वपति
nirvapaṇakāle vaiṣṇavaṃ navakapālaṃ patnyā hastena nirvapati
- 18
पत्न्या वा हस्तात्
patnyā vā hastāt
- 19
अन्वारब्धायां वा स्रुचा
anvārabdhāyāṃ vā srucā
- 20
अग्नेर् आतिथ्यम् असीत्य् एतैः पञ्चभिस्त्रिषु सावित्रं जुष्टं चानुषजति
agner ātithyam asīty etaiḥ pañcabhistriṣu sāvitraṃ juṣṭaṃ cānuṣajati
- 21
विष्णुम् एवोत्तरेषु निगमेषूपलक्षयेत्
viṣṇum evottareṣu nigameṣūpalakṣayet
- 22
यत्प्राग् उद्वपनात्तत्कृत्वोत्तरम् अनड्वाहं विमुञ्चति तेनैव कल्पेन यदि पुरस्ताद् अविमुक्तो भवति
yatprāg udvapanāttatkṛtvottaram anaḍvāhaṃ vimuñcati tenaiva kalpena yadi purastād avimukto bhavati
- 23
वारुणम् असीति राज्ञो वासो ऽपादत्ते
vāruṇam asīti rājño vāso 'pādatte
- 24
वरुणो ऽसि धृतव्रत इति राजानम्
varuṇo 'si dhṛtavrata iti rājānam

