14 shlokas
- 1
मध्यमाभ्यां पौर्वाह्णिकीभ्यां प्रवर्ग्योपसद्भ्यां प्रचर्याग्रेण प्राग्वंशं त्रीन्प्राचः प्रक्रमान्प्रक्रम्य शङ्कुं निहन्ति स पश्चार्धे वेदेः
madhyamābhyāṃ paurvāhṇikībhyāṃ pravargyopasadbhyāṃ pracaryāgreṇa prāgvaṃśaṃ trīnprācaḥ prakramānprakramya śaṅkuṃ nihanti sa paścārdhe vedeḥ
- 2
विमिमे त्वा पयस्वतीं देवानां धेनुं सुदुघाम् अनपस्फुरन्तीम् इन्द्रः सोमं पिबतु क्षेमो अस्तु न इति षट्त्रिंशत्प्राचः प्रक्रमान्प्रक्रम्य शङ्कुं निहन्ति स पूर्वार्धे
vimime tvā payasvatīṃ devānāṃ dhenuṃ sudughām anapasphurantīm indraḥ somaṃ pibatu kṣemo astu na iti ṣaṭtriṃśatprācaḥ prakramānprakramya śaṅkuṃ nihanti sa pūrvārdhe
- 3
पश्चार्ध्याच्छङ्कोः पञ्चदश दक्षिणतः पञ्चदशोत्तरतः प्रक्रम्य शङ्कू निहन्ति ते श्रोणी पूर्वार्ध्याच्छङ्कोर्द्वादश दक्षिणतो द्वादशोत्तरतः प्रक्रम्य शङ्कू निहन्ति ताव् अंसौ
paścārdhyācchaṅkoḥ pañcadaśa dakṣiṇataḥ pañcadaśottarataḥ prakramya śaṅkū nihanti te śroṇī pūrvārdhyācchaṅkordvādaśa dakṣiṇato dvādaśottarataḥ prakramya śaṅkū nihanti tāv aṃsau
- 4
अक्ष्णया मानेन सम्पाद्य प्रदक्षिणं स्पन्द्यया पर्यातनोति
akṣṇayā mānena sampādya pradakṣiṇaṃ spandyayā paryātanoti
- 5
अन्वातनोति पृष्ठ्याम्
anvātanoti pṛṣṭhyām
- 6
तां करोति यथा दर्शपूर्णमासयोर्यद् अन्यत्संनामात्
tāṃ karoti yathā darśapūrṇamāsayoryad anyatsaṃnāmāt
- 7
स्फ्येन विघनेन पर्श्वा परशुना च
sphyena vighanena parśvā paraśunā ca
- 8
यत्प्राग् उत्तरस्मात्परिग्राहात्तत्कृत्वोत्तरवेद्याः कल्पेन दशपदाम् उत्तरवेदिं करोति
yatprāg uttarasmātparigrāhāttatkṛtvottaravedyāḥ kalpena daśapadām uttaravediṃ karoti
- 9
अंहीयसीं पुरस्ताद् इत्य् एकेषाम्
aṃhīyasīṃ purastād ity ekeṣām
- 10
उत्तरेणोत्तरं वेद्यंसं प्रक्रमे चात्वालः पश्चाद्द्वादशसूत्करो विद्यते ऽपरिमिते वा
uttareṇottaraṃ vedyaṃsaṃ prakrame cātvālaḥ paścāddvādaśasūtkaro vidyate 'parimite vā
- 11
ताव् अन्तरेण वेदेः संचरः
tāv antareṇa vedeḥ saṃcaraḥ
- 12
प्राचीनम् आग्नीध्रात्प्रतीचीनं चात्वालाद् इत्य् एकेषाम्
prācīnam āgnīdhrātpratīcīnaṃ cātvālād ity ekeṣām
- 13
उदुम्बरशाखाभिश्छन्नां परिवासयति
udumbaraśākhābhiśchannāṃ parivāsayati
- 14
श्वो भूते
śvo bhūte

