23 shlokas
- 1
उत्तरत आग्नीध्रीयं मिनोति मध्ये वेदेर् अर्धम् अन्तर्वेद्य् अर्धं बहिर्वेदि प्राचीनवंशं विमितं विमिन्वन्ति दक्षिणतौपचारम्
uttarata āgnīdhrīyaṃ minoti madhye veder ardham antarvedy ardhaṃ bahirvedi prācīnavaṃśaṃ vimitaṃ viminvanti dakṣiṇataupacāram
- 2
अग्रेणापरं वेद्यन्तं त्रिषु प्रक्रमेष्व् अपरिमिते वोदीचीनवंशं सदो दक्षिणतः प्रतिकृष्टतरं यावद् ऋत्विग्भ्यो धिष्णियेभ्यः प्रसर्पकेभ्यश्चाप्तं मन्यते
agreṇāparaṃ vedyantaṃ triṣu prakrameṣv aparimite vodīcīnavaṃśaṃ sado dakṣiṇataḥ pratikṛṣṭataraṃ yāvad ṛtvigbhyo dhiṣṇiyebhyaḥ prasarpakebhyaścāptaṃ manyate
- 3
दक्षिणेन पृष्ठ्यां प्रक्रमे मध्ये सदस औदुम्बर्यवटः
dakṣiṇena pṛṣṭhyāṃ prakrame madhye sadasa audumbaryavaṭaḥ
- 4
अभ्रेर् आदानं परिलेखनं च यूपे व्याख्यातम्
abhrer ādānaṃ parilekhanaṃ ca yūpe vyākhyātam
- 5
दिवे त्वेति परस्ताद् अर्वाचीं प्रोक्षति
dive tveti parastād arvācīṃ prokṣati
- 6
अपाम् अवनयनं यवप्रासनं बर्हिषावस्तरणं च यूपे व्याख्यातम्
apām avanayanaṃ yavaprāsanaṃ barhiṣāvastaraṇaṃ ca yūpe vyākhyātam
- 7
उच्छ्रयस्व वनस्पते सजूर्देवेन बर्हिषेति प्राचीनकर्णाम् उद्गात्रा सहोच्छ्रयत्य् उद्दिवं स्तभानेति वा
ucchrayasva vanaspate sajūrdevena barhiṣeti prācīnakarṇām udgātrā sahocchrayaty uddivaṃ stabhāneti vā
- 8
द्युतानस्त्वा मारुतो मिनोत्व् इत्य् अवटे ऽवदधाति
dyutānastvā māruto minotv ity avaṭe 'vadadhāti
- 9
पर्यूहणं परिदृंहणं परिषेचनं च यूपे व्याख्यातम्
paryūhaṇaṃ paridṛṃhaṇaṃ pariṣecanaṃ ca yūpe vyākhyātam
- 10
तस्याः कर्णे विशाखे वा हिरण्यं निधाय घृतेन द्यावापृथिवी आपृणेथां स्वाहेति स्रुवेणाभिजुहोति
tasyāḥ karṇe viśākhe vā hiraṇyaṃ nidhāya ghṛtena dyāvāpṛthivī āpṛṇethāṃ svāheti sruveṇābhijuhoti
- 11
आ मूलाद् अन्ववस्रावयति
ā mūlād anvavasrāvayati
- 12
यजमानमात्रीसंमिता वर्षिष्ठाः स्थूणा मिनुतो यथासुष्ठु
yajamānamātrīsaṃmitā varṣiṣṭhāḥ sthūṇā minuto yathāsuṣṭhu
- 13
पर्यन्त्या नाभिदघ्ना औदुम्बरीम् अभ्यग्रा मिनोति
paryantyā nābhidaghnā audumbarīm abhyagrā minoti
- 14
नीचैः सदो वृष्टिकामस्य मिनुयाद् उच्चैर् अवृष्टिकामस्य विपरीतम् एके समामनन्ति
nīcaiḥ sado vṛṣṭikāmasya minuyād uccair avṛṣṭikāmasya viparītam eke samāmananti
- 15
नव छदींष्य् उपकॢप्तानि भवन्ति
nava chadīṃṣy upakḷptāni bhavanti
- 16
उदीचो वंशान् आधाय प्राचो वंशान् आदधाति
udīco vaṃśān ādhāya prāco vaṃśān ādadhāti
- 17
ऐन्द्रम् असीति त्रीणि मध्यमानि छदींष्य् उदञ्चि निदधाति
aindram asīti trīṇi madhyamāni chadīṃṣy udañci nidadhāti
- 18
इन्द्रस्य सदो ऽसीति त्रीणि दक्षिणानि विश्वजनस्य छायेति त्रीण्य् उत्तराणि
indrasya sado 'sīti trīṇi dakṣiṇāni viśvajanasya chāyeti trīṇy uttarāṇi
- 19
दक्षिणान्य् उत्तराणि करोत्य् औदुम्बरीम् अभिसंमुखानि
dakṣiṇāny uttarāṇi karoty audumbarīm abhisaṃmukhāni
- 20
नवछदि तेजस्कामस्य मिनुयाद् इति ब्राह्मणव्याख्यातानि काम्यानि छदींषि तेषां याथाकामी
navachadi tejaskāmasya minuyād iti brāhmaṇavyākhyātāni kāmyāni chadīṃṣi teṣāṃ yāthākāmī
- 21
ऐन्द्रम् असीन्द्राय त्वेति संमितम् अभिमृशतः
aindram asīndrāya tveti saṃmitam abhimṛśataḥ
- 22
कटांस्तेजनीश्च प्रवर्तं छदिषाम् अन्तरालेष्व् अन्ववस्यन्ति तान् अन्तर्वर्ता इत्य् आचक्षते परि त्वा गिर्वणो गिर इत्य् अभितः परिश्रयतः पूर्वम् अपरं च द्वारे कुरुतो ऽध्वर्युर्दक्षिणां द्वारेयीं परिषीव्यति प्रतिप्रस्थातोत्तराम् इन्द्रस्य स्यूर् असीति सीव्यत इन्द्रस्य ध्रुवो ऽसीति ग्रन्थी कुरुतस्तौ प्रज्ञातौ भवतः
kaṭāṃstejanīśca pravartaṃ chadiṣām antarāleṣv anvavasyanti tān antarvartā ity ācakṣate pari tvā girvaṇo gira ity abhitaḥ pariśrayataḥ pūrvam aparaṃ ca dvāre kuruto 'dhvaryurdakṣiṇāṃ dvāreyīṃ pariṣīvyati pratiprasthātottarām indrasya syūr asīti sīvyata indrasya dhruvo 'sīti granthī kurutastau prajñātau bhavataḥ
- 23
प्राग्वंशस्य सदोहविर्धानयोश्च
prāgvaṃśasya sadohavirdhānayośca

