27 shlokas
- 1
स व्याख्यातरूपः
sa vyākhyātarūpaḥ
- 2
प्रवरं प्रवृत्याश्रावम् ऋतुप्रैषादिभिः सौमिकान् ऋत्विजो वृणीते
pravaraṃ pravṛtyāśrāvam ṛtupraiṣādibhiḥ saumikān ṛtvijo vṛṇīte
- 3
इन्द्रं होत्रात्सजूर्दिव आ पृथिव्या इति होतारम्
indraṃ hotrātsajūrdiva ā pṛthivyā iti hotāram
- 4
अपिसृज्य तृणम् अस्फ्य उत्तरान्वृणीते
apisṛjya tṛṇam asphya uttarānvṛṇīte
- 5
अग्निम् आग्नीध्राद् इत्य् आग्नीध्रम्
agnim āgnīdhrād ity āgnīdhram
- 6
अश्विनाध्वर्यू आध्वर्यवाद् इत्य् आत्मानं प्रतिप्रस्थातारं च
aśvinādhvaryū ādhvaryavād ity ātmānaṃ pratiprasthātāraṃ ca
- 7
मित्रावरुणौ प्रशास्तारौ प्रशास्त्राद् इति मैत्रावरुणम्
mitrāvaruṇau praśāstārau praśāstrād iti maitrāvaruṇam
- 8
इन्द्रो ब्रह्मा ब्राह्मणाद् इति ब्राह्मणाच्छंसिनं
indro brahmā brāhmaṇād iti brāhmaṇācchaṃsinaṃ
- 9
मरुतः पोत्राद् इति पोतारं
marutaḥ potrād iti potāraṃ
- 10
ग्नावो नेष्ट्राद् इति नेष्टारम्
gnāvo neṣṭrād iti neṣṭāram
- 11
अग्निर्देवीनां विशां पुरएतायं सुन्वन्यजमानो मनुष्याणां तयोर् अस्थूरि गार्हपत्यं दीदाय गच्छतं हिमा वा यु राधांसीत्संपृञ्चानाव् असंपृञ्चानौ तन्व इति यजमानम्
agnirdevīnāṃ viśāṃ puraetāyaṃ sunvanyajamāno manuṣyāṇāṃ tayor asthūri gārhapatyaṃ dīdāya gacchataṃ himā vā yu rādhāṃsītsaṃpṛñcānāv asaṃpṛñcānau tanva iti yajamānam
- 12
जुष्टो वाचो भूयासम् इत्य् एताभ्यां प्रवृतःप्रवृतो जुहोत्य् अनन्तरं प्रवरात्
juṣṭo vāco bhūyāsam ity etābhyāṃ pravṛtaḥpravṛto juhoty anantaraṃ pravarāt
- 13
हुत्वाध्वर्युर् उत्तरान्वृणीते
hutvādhvaryur uttarānvṛṇīte
- 14
सवनीय एके प्रवरान् आमनन्ति
savanīya eke pravarān āmananti
- 15
हुतायां वपायां सुब्रह्मण्य सुब्रह्मण्याम् आह्वयेति संप्रेष्यति पितापुत्रीया सुब्रह्मण्या भवति
hutāyāṃ vapāyāṃ subrahmaṇya subrahmaṇyām āhvayeti saṃpreṣyati pitāputrīyā subrahmaṇyā bhavati
- 16
अपराह्णे वसतीवरीर्गृह्णाति वहन्तीनाम्
aparāhṇe vasatīvarīrgṛhṇāti vahantīnām
- 17
नान्तमा वहन्तीर् अतीयात्
nāntamā vahantīr atīyāt
- 18
संधाव् आतपस्य छायायाः
saṃdhāv ātapasya chāyāyāḥ
- 19
कूलस्य वृक्षस्य स्वयं वा छायां कृत्वा
kūlasya vṛkṣasya svayaṃ vā chāyāṃ kṛtvā
- 20
हविष्मतीर् इमा आप इति प्रतीपं तिष्ठन्कुम्भं कुम्भीं वाभिपूरयति
haviṣmatīr imā āpa iti pratīpaṃ tiṣṭhankumbhaṃ kumbhīṃ vābhipūrayati
- 21
यद्य् अगृहीताः सूर्यो ऽभिनिम्रोचेद्यो ब्राह्मणो बहुयाजी तस्य गृहात्कुम्भ्यानां गृह्णीयात्
yady agṛhītāḥ sūryo 'bhinimrocedyo brāhmaṇo bahuyājī tasya gṛhātkumbhyānāṃ gṛhṇīyāt
- 22
यदि तं न विन्देयुर् अग्निं हिरण्यं चादाय परेयाद्यत्रापः स्युस्तज्ज्योतिर् उपरिष्टाद्धारयन्हिरण्यम् अन्तर्धाय वरे दत्ते गृह्णाति
yadi taṃ na vindeyur agniṃ hiraṇyaṃ cādāya pareyādyatrāpaḥ syustajjyotir upariṣṭāddhārayanhiraṇyam antardhāya vare datte gṛhṇāti
- 23
अग्नेर्वो ऽपन्नगृहस्य सदसि सादयामीत्य् अपरेण शालामुखीयम् उपसादयति
agnervo 'pannagṛhasya sadasi sādayāmīty apareṇa śālāmukhīyam upasādayati
- 24
अस्तमिते संवादप्रभृतिना पशुतन्त्रेण प्रतिपद्यते
astamite saṃvādaprabhṛtinā paśutantreṇa pratipadyate
- 25
तस्य दक्षिणेन हविर्धानम् उत्तरेण वा समवत्तं परिहरति
tasya dakṣiṇena havirdhānam uttareṇa vā samavattaṃ pariharati
- 26
न यजमानो भक्षान्भक्षयति भक्षणम् एके समामनन्ति
na yajamāno bhakṣānbhakṣayati bhakṣaṇam eke samāmananti
- 27
पत्नीसंयाजान्तः
patnīsaṃyājāntaḥ

