16 shlokas
- 1
औदुम्बरो दीक्षितदण्डो यो वा कश्चन वृक्षः फलग्रहिस्तस्य
audumbaro dīkṣitadaṇḍo yo vā kaścana vṛkṣaḥ phalagrahistasya
- 2
मुष्टिमात्रो मुखेन संमितश्चुबुकदघ्नो वा
muṣṭimātro mukhena saṃmitaścubukadaghno vā
- 3
ऊर्ध्वसूर् असि वानस्पत्यः सुद्युम्नो द्युम्नं यजमानाय धेहीति तं यजमानाय प्रदाय संभारयजूंषि वाचयति जुहोति चैतैर्मन्त्रैः
ūrdhvasūr asi vānaspatyaḥ sudyumno dyumnaṃ yajamānāya dhehīti taṃ yajamānāya pradāya saṃbhārayajūṃṣi vācayati juhoti caitairmantraiḥ
- 4
तं वाग्यतम् अदीक्षिष्टायं ब्राह्मणो ऽसाव् आमुष्यायणो ऽमुष्य पुत्रो ऽमुष्य पौत्रो ऽमुष्य नप्तामुष्याः पुत्रो ऽमुष्याः पौत्रो ऽमुष्या नप्तेति त्रिर् उपांश्व् आवेदयति त्रिर् उच्चैः
taṃ vāgyatam adīkṣiṣṭāyaṃ brāhmaṇo 'sāv āmuṣyāyaṇo 'muṣya putro 'muṣya pautro 'muṣya naptāmuṣyāḥ putro 'muṣyāḥ pautro 'muṣyā napteti trir upāṃśv āvedayati trir uccaiḥ
- 5
असाव् इति नाम गृह्णात्य् आमुष्यायण इति पितुर्नामधेयेन
asāv iti nāma gṛhṇāty āmuṣyāyaṇa iti piturnāmadheyena
- 6
यः कश्चिद्दीक्षते ब्राह्मण इत्य् एवावेदयेत्
yaḥ kaściddīkṣate brāhmaṇa ity evāvedayet
- 7
देवाञ्जनम् अगन्यक्षस्ततो मा यज्ञस्याशीर् आगच्छतु गन्धर्वाञ्जनम् अगन्यज्ञस्ततो मा यज्ञस्याशीर् आगच्छतु पितॄञ्जनम् अगन्यज्ञस्ततो मा यज्ञस्याशीर् आगच्छत्व् अप ओषधीर्वनस्पतीञ्जनम् अगन्यज्ञस्ततो मा यज्ञस्याशीर् आगच्छतु पञ्चजनाञ्जनम् अगन्यज्ञस्ततो मा यज्ञस्याशीर् आगच्छतु वर्धतां भूतिर्दध्ना घृतेन मुञ्चतु यज्ञो यज्ञपतिम् अंहसो भूपतये स्वाहेत्य् अभिमन्त्रयते यद्य् अन्यत्र कृष्णाजिनाद् आसीत नित्यवृत्ताव् अत ऊर्ध्वम्
devāñjanam aganyakṣastato mā yajñasyāśīr āgacchatu gandharvāñjanam aganyajñastato mā yajñasyāśīr āgacchatu pitṝñjanam aganyajñastato mā yajñasyāśīr āgacchatv apa oṣadhīrvanaspatīñjanam aganyajñastato mā yajñasyāśīr āgacchatu pañcajanāñjanam aganyajñastato mā yajñasyāśīr āgacchatu vardhatāṃ bhūtirdadhnā ghṛtena muñcatu yajño yajñapatim aṃhaso bhūpataye svāhety abhimantrayate yady anyatra kṛṣṇājinād āsīta nityavṛttāv ata ūrdhvam
- 8
अग्नीञ्ज्योतिष्मतः कुरुत दीक्षित वाचं यच्छ पत्नि वाचं यच्छेति पुरोदयम् अधिवृक्षसूर्ये च व्रतप्रदः संप्रेष्यति
agnīñjyotiṣmataḥ kuruta dīkṣita vācaṃ yaccha patni vācaṃ yaccheti purodayam adhivṛkṣasūrye ca vratapradaḥ saṃpreṣyati
- 9
उदिते ऽस्तमिते च व्रतं दोहयति वत्सस्यैकं स्तनम् अवशेष्य
udite 'stamite ca vrataṃ dohayati vatsasyaikaṃ stanam avaśeṣya
- 10
गार्हपत्ये दीक्षितस्य व्रतं श्रपयति पत्न्या दक्षिणाग्नौ
gārhapatye dīkṣitasya vrataṃ śrapayati patnyā dakṣiṇāgnau
- 11
अपरेणाहवनीयं व्रतम् अत्याहृत्य दीक्षिताय प्रयच्छति
apareṇāhavanīyaṃ vratam atyāhṛtya dīkṣitāya prayacchati
- 12
भद्राद् अभि श्रेयः प्रेहीति दीक्षितं प्रयातम् अनुमन्त्रयते
bhadrād abhi śreyaḥ prehīti dīkṣitaṃ prayātam anumantrayate
- 13
दीक्षितस्य यूपं छिनत्ति यथा निरूढपशुबन्धे
dīkṣitasya yūpaṃ chinatti yathā nirūḍhapaśubandhe
- 14
न यूपाहुतिं जुहोति होमार्थाम् ऋचं जपित्वाभिप्रव्रजति
na yūpāhutiṃ juhoti homārthām ṛcaṃ japitvābhipravrajati
- 15
अपि वाज्यम् अरणी चादाय यूपस्यान्तिके ऽग्निं मथित्वा यूपाहुतिं हुत्वा यूपं छिनत्ति
api vājyam araṇī cādāya yūpasyāntike 'gniṃ mathitvā yūpāhutiṃ hutvā yūpaṃ chinatti
- 16
क्रीते वा राजन्य् आहवनीये यूपाहुतिं हुत्वा यूपं छिनत्ति
krīte vā rājany āhavanīye yūpāhutiṃ hutvā yūpaṃ chinatti

