14 shlokas
- 1
सावित्रीं भो अनुब्रूहीति
sāvitrīṃ bho anubrūhīti
- 2
तस्मै सावित्रीं पच्छोऽन्वाह भूस्तत्सवितुर्वरेण्यं भुवो भर्गो देवस्य धीमहि सुवर्धियो यो नः प्रचोदयाद् इति
tasmai sāvitrīṃ paccho'nvāha bhūstatsaviturvareṇyaṃ bhuvo bhargo devasya dhīmahi suvardhiyo yo naḥ pracodayād iti
- 3
अथ द्वितीयं द्वे च व्याहृती सावित्रीं चार्धर्चशः
atha dvitīyaṃ dve ca vyāhṛtī sāvitrīṃ cārdharcaśaḥ
- 4
अथ तृतीयं सर्वाश्च व्याहृतीः सावित्रीं चानवानम्
atha tṛtīyaṃ sarvāśca vyāhṛtīḥ sāvitrīṃ cānavānam
- 5
पुरस्तात्प्रत्यङ्मुखायैक आहुः
purastātpratyaṅmukhāyaika āhuḥ
- 6
तां खल्विमां सावित्रीं संवत्सरादेक आहुर्द्वादशरात्राद् एके त्रिरात्रादेके सद्य एके
tāṃ khalvimāṃ sāvitrīṃ saṃvatsarādeka āhurdvādaśarātrād eke trirātrādeke sadya eke
- 7
अथैनं पौरोडाशीयानां प्रथमम् उपकारयति
athainaṃ pauroḍāśīyānāṃ prathamam upakārayati
- 8
अथास्मै दण्डं प्रयच्छन्न् आह ब्रह्मचार्यसि समिध आधेह्य् अपो ऽशान कर्म कुरु मा दिवा सुषुप्था भिक्षाचर्यं चराचार्याधीनो वेदम् अधीष्वेति
athāsmai daṇḍaṃ prayacchann āha brahmacāryasi samidha ādhehy apo 'śāna karma kuru mā divā suṣupthā bhikṣācaryaṃ carācāryādhīno vedam adhīṣveti
- 9
अप एवाचार्यकुले ऽश्नीयाद् इत्य् एकम् अपरं कामम् अश्नीष्वेति हार्थो भवतीति शाल्मलीमूलो भारद्वाजो वा
apa evācāryakule 'śnīyād ity ekam aparaṃ kāmam aśnīṣveti hārtho bhavatīti śālmalīmūlo bhāradvājo vā
- 10
अथास्याष्टाचत्वारिंशद्वर्षाणि पुराणं वेदब्रह्मचर्यं सम्प्रदिशन्ति
athāsyāṣṭācatvāriṃśadvarṣāṇi purāṇaṃ vedabrahmacaryaṃ sampradiśanti
- 11
आ वेदाध्ययनाद् इत्य् एक आहुः
ā vedādhyayanād ity eka āhuḥ
- 12
आ गोदानकर्मण इत्येके
ā godānakarmaṇa ityeke
- 13
अथैनं दक्षिणे पाणावभिपद्योत्थापयत्य् उद् आयुषा स्वायुषेति
athainaṃ dakṣiṇe pāṇāvabhipadyotthāpayaty ud āyuṣā svāyuṣeti
- 14
आदित्यम् उदीक्षयति तच्चक्षुर्देवहितं पुरस्ताच्छुक्रम् उच्चरत्पश्येम शरदः शतं जीवेम शरदः शतं नन्दाम शरदः शतं मोदाम शरदः शतं भवाम शरदः शतं शृणवाम शरदः शतं प्रब्रवाम शरदः शतम् अजीताः स्याम शरदः शतं ज्योक्च सूर्यं दृश इति
ādityam udīkṣayati taccakṣurdevahitaṃ purastācchukram uccaratpaśyema śaradaḥ śataṃ jīvema śaradaḥ śataṃ nandāma śaradaḥ śataṃ modāma śaradaḥ śataṃ bhavāma śaradaḥ śataṃ śṛṇavāma śaradaḥ śataṃ prabravāma śaradaḥ śatam ajītāḥ syāma śaradaḥ śataṃ jyokca sūryaṃ dṛśa iti

