9 shlokas
- 1
सा यदि पुमांसं जनयति तम् अभिमृशति वृधद् इति
sā yadi pumāṃsaṃ janayati tam abhimṛśati vṛdhad iti
- 2
मध्यमं पलाशपलाशं संवेष्ट्य तेनास्य दक्षिणं कर्णम् आजपति भूस्त्वयि दधामीति
madhyamaṃ palāśapalāśaṃ saṃveṣṭya tenāsya dakṣiṇaṃ karṇam ājapati bhūstvayi dadhāmīti
- 3
भुवस्त्वयि दधामीत्य् उत्तरम्
bhuvastvayi dadhāmīty uttaram
- 4
सुवस्त्वयि दधामीति दक्षिणम्
suvastvayi dadhāmīti dakṣiṇam
- 5
अपि वोत्तरम् एव द्विः सकृद् एव दक्षिणम्
api vottaram eva dviḥ sakṛd eva dakṣiṇam
- 6
अथैनम् अभिमन्त्रयते
अश्मा भव परशुर्भव हिरण्यम् अस्तृतं भव
वेदो वै पुत्रनामासि स जीव शरदः शतम्
मेधां ते देवः सविता मेधां देवी सरस्वती
मेधां ते अश्विनावुभाव् आधत्तां पुष्करस्रजौ
वेदो वै पुत्रनामासि स जीव शरदः शतम् इति
athainam abhimantrayate
aśmā bhava paraśurbhava hiraṇyam astṛtaṃ bhava
vedo vai putranāmāsi sa jīva śaradaḥ śatam
medhāṃ te devaḥ savitā medhāṃ devī sarasvatī
medhāṃ te aśvināvubhāv ādhattāṃ puṣkarasrajau
vedo vai putranāmāsi sa jīva śaradaḥ śatam iti
- 7
अथैनं दधि मधु घृतमिति संसृज्य त्रिभिर्दर्भपुञ्जीलैर्हिरण्येन वा त्रिः प्राशयत्य् अपां त्वौषधीनां रसं प्राशयाम्य् आयुर्वर्चो यशो मेधां त्वयि दधामि सवित्रा प्रसूतस्त्वष्टा वीरम् अधात्स मे शतायुर् एधि भूर्भुवः सुवर् इति
athainaṃ dadhi madhu ghṛtamiti saṃsṛjya tribhirdarbhapuñjīlairhiraṇyena vā triḥ prāśayaty apāṃ tvauṣadhīnāṃ rasaṃ prāśayāmy āyurvarco yaśo medhāṃ tvayi dadhāmi savitrā prasūtastvaṣṭā vīram adhātsa me śatāyur edhi bhūrbhuvaḥ suvar iti
- 8
अथास्य दक्षिणेन हस्तेन दक्षिणं हस्तम् अभीवाङ्गुष्ठम् अभीव लोमानि गृह्णात्य् अग्निर् आयुष्मान् इत्य् एतैर्मन्त्रैः
athāsya dakṣiṇena hastena dakṣiṇaṃ hastam abhīvāṅguṣṭham abhīva lomāni gṛhṇāty agnir āyuṣmān ity etairmantraiḥ
- 9
नवनीतेन पाणी अभ्यज्य हिरण्यं हस्ते कृत्वा
navanītena pāṇī abhyajya hiraṇyaṃ haste kṛtvā

