6 shlokas
- 1
परिहितम् अभिमन्त्रयते
परीदं वासो अधिधाः स्वस्तये ऽभूर् आपीनाम् अभिशस्तिपावा
शतं च जीव शरदः पुरूचीर्वसूनि चार्यो विभजासि जीवन्न् इति
parihitam abhimantrayate
parīdaṃ vāso adhidhāḥ svastaye 'bhūr āpīnām abhiśastipāvā
śataṃ ca jīva śaradaḥ purūcīrvasūni cāryo vibhajāsi jīvann iti
- 2
अथास्य प्रथमवास्यम् आदत्ते
यस्य ते प्रथमवास्यं हरामस्तं त्वा विश्वे अवन्तु देवाः
तं त्वा भ्रातरः सुहृदो वर्धमानम् अनुजायन्तां बहवः सुजातम् इति
athāsya prathamavāsyam ādatte
yasya te prathamavāsyaṃ harāmastaṃ tvā viśve avantu devāḥ
taṃ tvā bhrātaraḥ suhṛdo vardhamānam anujāyantāṃ bahavaḥ sujātam iti
- 3
अथैनं मौञ्ज्या मेखलया त्रिवृता मध्यतः संनह्यति
या बृहती दुरिता रराणा शर्म वरूथं पुनती न आगात्
प्राणापानाभ्यां बलम् आभरन्ती स्वसा देवानां सुभगा मेखलेयम् इति
athainaṃ mauñjyā mekhalayā trivṛtā madhyataḥ saṃnahyati
yā bṛhatī duritā rarāṇā śarma varūthaṃ punatī na āgāt
prāṇāpānābhyāṃ balam ābharantī svasā devānāṃ subhagā mekhaleyam iti
- 4
ग्रन्थिं ग्रथ्नाति
प्राणानां ग्रन्थिर् असि स मा विस्रस इति
granthiṃ grathnāti
prāṇānāṃ granthir asi sa mā visrasa iti
- 5
अथाजिनम् उत्तरं परिधत्ते
मित्रस्य चक्षुर्धरुणं बलीयस्तेजो यशस्वि स्थविरं समिद्धम्
अनाहनस्यं वसनं जरिष्णु परीदं वाज्यजिनं दधेऽहम् इति
athājinam uttaraṃ paridhatte
mitrasya cakṣurdharuṇaṃ balīyastejo yaśasvi sthaviraṃ samiddham
anāhanasyaṃ vasanaṃ jariṣṇu parīdaṃ vājyajinaṃ dadhe'ham iti
- 6
जयाभ्यातानान्राष्ट्रभृत इति हुत्वैता आहुतीर्जुहोति पूर्णा पश्चाद् इमं मे वरुण तत्त्वा यामि त्वं नो ऽग्ने स त्वं नो अग्ने त्वम् अग्ने ऽयास्य् अयाश्चाग्ने ऽस्य् अनभिशस्तीश्च यद् अस्य कर्मणो ऽत्यरीरिचं प्रजापत इत्युत्तमां हुत्वा गुरवे वरं ददाति
jayābhyātānānrāṣṭrabhṛta iti hutvaitā āhutīrjuhoti pūrṇā paścād imaṃ me varuṇa tattvā yāmi tvaṃ no 'gne sa tvaṃ no agne tvam agne 'yāsy ayāścāgne 'sy anabhiśastīśca yad asya karmaṇo 'tyarīricaṃ prajāpata ityuttamāṃ hutvā gurave varaṃ dadāti

