9 shlokas
- 1
अष्टम्यः पर्वाणि चोपवसति
aṣṭamyaḥ parvāṇi copavasati
- 2
आग्नेयेन स्थालीपाकेन पर्वसु यजते
āgneyena sthālīpākena parvasu yajate
- 3
वाग्यत आस्त आ नक्षत्राणाम् उदयात्
vāgyata āsta ā nakṣatrāṇām udayāt
- 4
उदितेषु नक्षत्रेषु वत्सम् अन्वारभ्योत्थापयत्य् उद् आयुषा स्वायुषेति
uditeṣu nakṣatreṣu vatsam anvārabhyotthāpayaty ud āyuṣā svāyuṣeti
- 5
अथैनां ध्रुवम् अरुन्धतीम् अन्यानि च नक्षत्राण्यभिवीक्षयति नमो ब्रह्मणे ध्रुवायाच्युतायास्त्विति एतेनानुवाकेन
athaināṃ dhruvam arundhatīm anyāni ca nakṣatrāṇyabhivīkṣayati namo brahmaṇe dhruvāyācyutāyāstviti etenānuvākena
- 6
ध्रुवम् उपतिष्ठते
ध्रुवक्षितिर्ध्रुवयोनिर्ध्रुवम् असि ध्रुवत स्थितम्
त्वं नक्षत्राणां मेथ्यसि स मा पाहि पृतन्यत इति
dhruvam upatiṣṭhate
dhruvakṣitirdhruvayonirdhruvam asi dhruvata sthitam
tvaṃ nakṣatrāṇāṃ methyasi sa mā pāhi pṛtanyata iti
- 7
सप्तर्षयः प्रथमां कृत्तिकानाम् अरुन्धतीं ध्रुवतां ये ह निन्युः
षट्कृत्तिका मुख्ययोगं वहन्तीयम् अस्माकं भ्राजत्वष्टमीत्य् अरुन्धतीम्
saptarṣayaḥ prathamāṃ kṛttikānām arundhatīṃ dhruvatāṃ ye ha ninyuḥ
ṣaṭkṛttikā mukhyayogaṃ vahantīyam asmākaṃ bhrājatvaṣṭamīty arundhatīm
- 8
त्रिरात्रम् अक्षारलवणाशिनावधःशायिनौ ब्रह्मचारिणौ भवतः
trirātram akṣāralavaṇāśināvadhaḥśāyinau brahmacāriṇau bhavataḥ
- 9
अथ चतुर्थ्याम् अपररात्रे ऽन्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वैता आहुतीर्जुहोति
अग्ने प्रायश्चित्ते त्वं देवानां प्रायश्चित्तिर् असि ब्राह्मणस्त्वा नाथकामः प्रपद्ये
यास्यां पतिघ्नी तनूः प्रजाघ्नी पशुघ्नी लक्ष्मिघ्नी जारघ्नीमस्यै तां कृणोमि स्वाहा
वायो प्रायश्चित्त आदित्य प्रायश्चित्ते प्रजापते प्रायश्चित्ते त्वं देवानां प्रायश्चित्तिरसि ब्राह्मणस्त्वा नाथकामः प्रपद्ये
यास्यै निन्दिता तनूस्ताम् इतो नाशयामसि स्वाहेति
atha caturthyām apararātre 'ntarāgāre 'gnim upasamādhāya jayābhyātānānrāṣṭrabhṛta iti hutvaitā āhutīrjuhoti
agne prāyaścitte tvaṃ devānāṃ prāyaścittir asi brāhmaṇastvā nāthakāmaḥ prapadye
yāsyāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā
vāyo prāyaścitta āditya prāyaścitte prajāpate prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye
yāsyai ninditā tanūstām ito nāśayāmasi svāheti

