8 shlokas
- 1
अथैनां तूष्णीं हिंकृत्य वाग्यत उपेत्यामूहम् अस्मि सा त्वं द्यौर् अहं पृथिवी त्वं सामाहम् ऋक्त्वं तावेहि संभवाव सह रेतो दधावहै पुंसे पुत्राय वेत्तवै रायस्पोषाय सुप्रजास्त्वाय सुवीर्यायेति
athaināṃ tūṣṇīṃ hiṃkṛtya vāgyata upetyāmūham asmi sā tvaṃ dyaur ahaṃ pṛthivī tvaṃ sāmāham ṛktvaṃ tāvehi saṃbhavāva saha reto dadhāvahai puṃse putrāya vettavai rāyaspoṣāya suprajāstvāya suvīryāyeti
- 2
अथास्या अपवृत्तार्थो ऽपवृत्तार्थायै मुखेन मुखं संनिधाय प्राणित्य् एतं प्राणम् अपानिहीति
athāsyā apavṛttārtho 'pavṛttārthāyai mukhena mukhaṃ saṃnidhāya prāṇity etaṃ prāṇam apānihīti
- 3
तं सा प्रत्यपानिति
taṃ sā pratyapāniti
- 4
अथास्या आचान्तोदकायै पाणी प्रक्षाल्याभिमृशति करद्दधच्छिवेन त्वा पञ्चशाखेन हस्तेनाविद्विषावता साहस्रेण यशस्विनाभिमृशामि सुप्रजास्त्वायेति भसद्देशम्
athāsyā ācāntodakāyai pāṇī prakṣālyābhimṛśati karaddadhacchivena tvā pañcaśākhena hastenāvidviṣāvatā sāhasreṇa yaśasvinābhimṛśāmi suprajāstvāyeti bhasaddeśam
- 5
यदा मलवद्वासा स्याद् अथैनां ब्राह्मणप्रतिषिद्धानि व्रतानि संशास्ति यां मलवद्वाससम् इति
yadā malavadvāsā syād athaināṃ brāhmaṇapratiṣiddhāni vratāni saṃśāsti yāṃ malavadvāsasam iti
- 6
चतुर्थ्यां स्नातां प्रयतवस्त्रां ब्राह्मणसंभाषां सं ते मनसा मन इत्य् एतेनानुवाकेनोपसंविशति
caturthyāṃ snātāṃ prayatavastrāṃ brāhmaṇasaṃbhāṣāṃ saṃ te manasā mana ity etenānuvākenopasaṃviśati
- 7
सर्वाण्य् उपायनानि मन्त्रवन्ति भवन्तीत्याश्मरथ्यः
sarvāṇy upāyanāni mantravanti bhavantītyāśmarathyaḥ
- 8
यच्चादौ यच्चर्तावित्यालेखनः
yaccādau yaccartāvityālekhanaḥ

