10 shlokas
- 1
अथास्य सांवत्सरिकस्य चौडं कुर्वन्ति यथर्षि यथोपज्ञं वा
athāsya sāṃvatsarikasya cauḍaṃ kurvanti yatharṣi yathopajñaṃ vā
- 2
विज्ञायते च यत्र बाणाः संपतन्ति कुमारा विशिखा इवेति बहुशिखा इवेति
vijñāyate ca yatra bāṇāḥ saṃpatanti kumārā viśikhā iveti bahuśikhā iveti
- 3
अथान्नं संस्कृत्य ब्राह्मणान्भोजयित्वाशिषो वाचयित्वान्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वैता आहुतीर्जुहोति पूर्णा पश्चाद् इमं मे वरुण तत्त्वा यामि त्वं नो अग्ने स त्वं नो अग्ने त्वम् अग्ने ऽयास्य् अनभिशस्तीश्च यद् अस्य कर्मणो ऽत्यरीरिचं प्रजापत इति
athānnaṃ saṃskṛtya brāhmaṇānbhojayitvāśiṣo vācayitvāntarāgāre 'gnim upasamādhāya jayābhyātānānrāṣṭrabhṛta iti hutvaitā āhutīrjuhoti pūrṇā paścād imaṃ me varuṇa tattvā yāmi tvaṃ no agne sa tvaṃ no agne tvam agne 'yāsy anabhiśastīśca yad asya karmaṇo 'tyarīricaṃ prajāpata iti
- 4
उत्तमां हुत्वा गुरवे वरं ददाति
uttamāṃ hutvā gurave varaṃ dadāti
- 5
अपरेणाग्निं गोमयपिण्डं सर्वबीजानीत्य् उपनियम्य सर्वबीजानाम् अग्रं गोमयपिण्डे न्युप्य शीतोष्णा अपः समानीय ताभिर् अस्य दक्षिणं गोदानम् उनत्त्य् आप उन्दन्तु जीवसे दीर्घायुत्वाय वर्चस इति
apareṇāgniṃ gomayapiṇḍaṃ sarvabījānīty upaniyamya sarvabījānām agraṃ gomayapiṇḍe nyupya śītoṣṇā apaḥ samānīya tābhir asya dakṣiṇaṃ godānam unatty āpa undantu jīvase dīrghāyutvāya varcasa iti
- 6
त्रेण्या शलल्या विनीय त्रीणि दर्भपुञ्जीलान्य् ऊर्ध्वाग्राण्य् उपनियच्छति
treṇyā śalalyā vinīya trīṇi darbhapuñjīlāny ūrdhvāgrāṇy upaniyacchati
- 7
ओषधे त्रायस्वैनं स्वधिते मैनं हिंसीरिति लोहितायसं क्षुरं तिर्यञ्चं निधाय प्रवपति
यद् ऋषीणां त्र्यायुषं जमदग्नेः कश्यपस्य त्र्यायुषम्
यद्देवानां त्र्यायुषं तन्मे ऽस्तु त्र्यायुषम्
येन पूषा बृहस्पतेर् अग्नेर् इन्द्रस्य चायुषे ऽवपत्तेन ते वपाम्यसौ दीर्घायुत्वाय वर्चस इति
एवम् एवोत्तरं गोदानं वापयते
oṣadhe trāyasvainaṃ svadhite mainaṃ hiṃsīriti lohitāyasaṃ kṣuraṃ tiryañcaṃ nidhāya pravapati
yad ṛṣīṇāṃ tryāyuṣaṃ jamadagneḥ kaśyapasya tryāyuṣam
yaddevānāṃ tryāyuṣaṃ tanme 'stu tryāyuṣam
yena pūṣā bṛhaspater agner indrasya cāyuṣe 'vapattena te vapāmyasau dīrghāyutvāya varcasa iti
evam evottaraṃ godānaṃ vāpayate
- 8
केशान्वापयित्वा गोमयपिण्डे निदधाति
keśānvāpayitvā gomayapiṇḍe nidadhāti
- 9
अथैनं गोमयपिण्डं गोष्ठ उदकान्त उदुम्बरमूले दर्भस्तम्बे वा निदधाति
athainaṃ gomayapiṇḍaṃ goṣṭha udakānta udumbaramūle darbhastambe vā nidadhāti
- 10
अथैनं स्नातम् अलंकुर्वन्ति
athainaṃ snātam alaṃkurvanti

