12 shlokas
- 1
ततो भिक्षते यां मन्यत इयं मा न प्रत्याख्यास्यतीति
tato bhikṣate yāṃ manyata iyaṃ mā na pratyākhyāsyatīti
- 2
ताम् आहृत्योपनिधायाचार्याय प्राह
tām āhṛtyopanidhāyācāryāya prāha
- 3
तिस्रो भिक्षते ऽपरिमिता वा
tisro bhikṣate 'parimitā vā
- 4
त्रिरात्रम् अक्षारलवणाश्यधःशायी भवति
trirātram akṣāralavaṇāśyadhaḥśāyī bhavati
- 5
अथास्य चतुर्थ्यां मेधाजननम्कुर्वन्ति
athāsya caturthyāṃ medhājananamkurvanti
- 6
यत्रैकमूलः पलाशः प्राचीं वोदीचीं वा दिशं तं परिसमूह्य प्रक्षाल्य प्रदक्षिणम् आज्येनाभ्यञ्जञ्जपति सुश्रवः सुश्रवसं मा कुरु यथा त्वं सुश्रवः सुश्रवा अस्य् एवं मां सुश्रवः सुश्रवसं कुरु यथा त्वं सुश्रवो देवानां वेदेषु निधिगोपोऽस्य् एवम् अहं ब्राह्मणानां वेदेषु निधिगोपो भूयासम् इति
yatraikamūlaḥ palāśaḥ prācīṃ vodīcīṃ vā diśaṃ taṃ parisamūhya prakṣālya pradakṣiṇam ājyenābhyañjañjapati suśravaḥ suśravasaṃ mā kuru yathā tvaṃ suśravaḥ suśravā asy evaṃ māṃ suśravaḥ suśravasaṃ kuru yathā tvaṃ suśravo devānāṃ vedeṣu nidhigopo'sy evam ahaṃ brāhmaṇānāṃ vedeṣu nidhigopo bhūyāsam iti
- 7
अथास्य षोडशवर्षस्य गोदानं कुर्वन्ति
athāsya ṣoḍaśavarṣasya godānaṃ kurvanti
- 8
तस्य चौडेन कल्पो व्याख्यातः
tasya cauḍena kalpo vyākhyātaḥ
- 9
एतावन्नाना सर्वान्केशान्वापयते
etāvannānā sarvānkeśānvāpayate
- 10
गुरवे गां वरं ददाति
gurave gāṃ varaṃ dadāti
- 11
न प्राग्गोदानकर्मण स्नानीयम् अभिहरते न गन्धान्
na prāggodānakarmaṇa snānīyam abhiharate na gandhān
- 12
संवत्सरं कृतगोदानो ब्रह्मचर्यं चरत्य् अग्निगोदानो वा भवति
saṃvatsaraṃ kṛtagodāno brahmacaryaṃ caraty agnigodāno vā bhavati

