9 shlokas
- 1
सोमः प्रथमो विविदे गन्धर्वस्ततो ऽपरः
तृतीयो अग्निष्टे पतिस्तुरीयस्ते मनुष्यजाः
सोमो ददद्गन्धर्वाय गन्धर्वो ऽग्नये ददत्
रयिं च पुत्रांश्चादाद् अग्निर्मह्यम् अथो इमाम्
सरस्वति प्रेदम् अव सुभगे वाजिनीवति
तां त्वा विश्वस्य भूतस्य प्रगायाम् अस्य् अग्रत इति
somaḥ prathamo vivide gandharvastato 'paraḥ
tṛtīyo agniṣṭe patisturīyaste manuṣyajāḥ
somo dadadgandharvāya gandharvo 'gnaye dadat
rayiṃ ca putrāṃścādād agnirmahyam atho imām
sarasvati predam ava subhage vājinīvati
tāṃ tvā viśvasya bhūtasya pragāyām asy agrata iti
- 2
अथैनौ ब्रह्माभिमन्त्रयते
समितं संकल्पेथां सं वां सृजामि हृदये
संसृष्टं मनो अस्तु वां संसृष्टः प्राणो अस्तु वाम् इति
athainau brahmābhimantrayate
samitaṃ saṃkalpethāṃ saṃ vāṃ sṛjāmi hṛdaye
saṃsṛṣṭaṃ mano astu vāṃ saṃsṛṣṭaḥ prāṇo astu vām iti
- 3
अथैनाम् अश्मानम् आस्थापयति
athainām aśmānam āsthāpayati
- 4
आतिष्ठेमम् अश्मानम् अश्मेव त्वं स्थिरा भव
प्रमृणीहि दुरस्यून्सहस्व पृतनायत इति
ātiṣṭhemam aśmānam aśmeva tvaṃ sthirā bhava
pramṛṇīhi durasyūnsahasva pṛtanāyata iti
- 5
प्रदक्षिणम् अग्निं परिणयति
विश्वा उत त्वया वयं धारा उदन्या इव
अतिगाहेमहि द्विष इति
pradakṣiṇam agniṃ pariṇayati
viśvā uta tvayā vayaṃ dhārā udanyā iva
atigāhemahi dviṣa iti
- 6
अथास्या भ्राताञ्जलिनाञ्जलाव् उपस्तीर्णाभिघारितान्लाजान् आवपति
इयं नार्य् उपब्रूते ऽग्नौ लाजान् आवपन्ती
दीर्घायुर् अस्तु मे पतिर् एधन्तां ज्ञातयो मम
भगेन त्वा संसृजामि मासरेण सुराम् इवेति
athāsyā bhrātāñjalināñjalāv upastīrṇābhighāritānlājān āvapati
iyaṃ nāry upabrūte 'gnau lājān āvapantī
dīrghāyur astu me patir edhantāṃ jñātayo mama
bhagena tvā saṃsṛjāmi māsareṇa surām iveti
- 7
अथैनां वाचयति
इमान्लाजान् आवपामि समृद्धिकरणान्मम
तुभ्यं च संवननांस्तद् अग्निर् अनुमन्यतामियं स्वाहेति
athaināṃ vācayati
imānlājān āvapāmi samṛddhikaraṇānmama
tubhyaṃ ca saṃvananāṃstad agnir anumanyatāmiyaṃ svāheti
- 8
एवम् एव त्रिर् आस्थापयति त्रिः परिणयति त्रिर् आवपति
evam eva trir āsthāpayati triḥ pariṇayati trir āvapati
- 9
अथैनां प्राचीं वोदीचीं वा
athaināṃ prācīṃ vodīcīṃ vā

