9 shlokas
- 1
अथास्याः प्रथमगर्भिण्याश्चतुर्थे मासि सीमन्तं कुर्वन्ति
athāsyāḥ prathamagarbhiṇyāścaturthe māsi sīmantaṃ kurvanti
- 2
आपूर्यमाणपक्षे पुण्ये नक्षत्रे पयसि स्थालीपाकं श्रपयित्वान्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वैता आहुतीर्जुहोति भूर्भुवः सुवः प्रजापत इति चतस्रः
āpūryamāṇapakṣe puṇye nakṣatre payasi sthālīpākaṃ śrapayitvāntarāgāre 'gnim upasamādhāya jayābhyātānānrāṣṭrabhṛta iti hutvaitā āhutīrjuhoti bhūrbhuvaḥ suvaḥ prajāpata iti catasraḥ
- 3
त्रेण्या शलल्या त्रीणि दर्भपुञ्जीलानि शलालुग्रप्सम् इत्य् उपनियम्योर्ध्वं सीमन्तम् उन्नयति
भूर्भुवः सुवो राकाम् अहं यास्ते राके
सोम एव नो राजेत्य् आहुर्ब्राह्मणीः प्रजाः
विवृत्तचक्रा आसीनास्तीरेण यमुने तवेति तीरेणासौ तवेति वा यस्यास्तीरे वसति
treṇyā śalalyā trīṇi darbhapuñjīlāni śalālugrapsam ity upaniyamyordhvaṃ sīmantam unnayati
bhūrbhuvaḥ suvo rākām ahaṃ yāste rāke
soma eva no rājety āhurbrāhmaṇīḥ prajāḥ
vivṛttacakrā āsīnāstīreṇa yamune taveti tīreṇāsau taveti vā yasyāstīre vasati
- 4
पुरस्ताद् अग्नेर् एतानि निधाय त्रीन् ओदनान् उद्धृत्य सर्पिषोपसिच्योपनिदधात्य् उदशरावं चतुर्थम्
purastād agner etāni nidhāya trīn odanān uddhṛtya sarpiṣopasicyopanidadhāty udaśarāvaṃ caturtham
- 5
तेषाम् एकैकम् अवेक्षमाणां पृच्छति किं पश्यसीति
teṣām ekaikam avekṣamāṇāṃ pṛcchati kiṃ paśyasīti
- 6
पुत्रांश्च पशूंश्चेति प्रत्याह
putrāṃśca paśūṃśceti pratyāha
- 7
तेषाम् एकं ब्राह्मणान्भोजयेद् एकं ब्राह्मणीर् एकं सह कुमारैः सा प्राश्नाति
teṣām ekaṃ brāhmaṇānbhojayed ekaṃ brāhmaṇīr ekaṃ saha kumāraiḥ sā prāśnāti
- 8
वाग्यत आस्त आ नक्षत्राणाम् उदयात्
vāgyata āsta ā nakṣatrāṇām udayāt
- 9
उदितेषु नक्षत्रेष्विति समानम्
uditeṣu nakṣatreṣviti samānam

