7 shlokas
- 1
अपरेणाग्निं द्वयान्दर्भान्पूर्वापरान् उदगग्रान्स्तृणाति
apareṇāgniṃ dvayāndarbhānpūrvāparān udagagrānstṛṇāti
- 2
तेषु पूर्वापराव् उपतिष्ठेते
teṣu pūrvāparāv upatiṣṭhete
- 3
प्राङ्मुखः प्रत्यङ्मुख्या हस्तं गृह्णीयाद् इत्य् एकम्
prāṅmukhaḥ pratyaṅmukhyā hastaṃ gṛhṇīyād ity ekam
- 4
प्रत्यङ्मुखः प्राङ्मुख्या इत्यपरम्
pratyaṅmukhaḥ prāṅmukhyā ityaparam
- 5
अथैनयोः प्रैषकृद् अञ्जली उदकेन पूरयति
athainayoḥ praiṣakṛd añjalī udakena pūrayati
- 6
अथास्याञ्जलिनाञ्जलाव् उदकम् आनयति
शं नो देवीरभिष्टय आपो भवन्तु पीतये
शं योर् अभिस्रवन्तु न इति
athāsyāñjalināñjalāv udakam ānayati
śaṃ no devīrabhiṣṭaya āpo bhavantu pītaye
śaṃ yor abhisravantu na iti
- 7
अथास्या दक्षिणेन हस्तेन दक्षिणं हस्तम् अभीवाङ्गुष्ठमभीव लोमानि गृह्णाति
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्याम्
हस्तेन ते हस्तं गृह्णामि सौभगत्वाय मया पत्या जरदष्टिर्यथासः
भगो अर्यमा सविता पुरंधिस्ते त्वा देवा अदुर्मह्यं पत्नीम्
अघोरचक्षुर् अपतिघ्न्य् एधि शिवा पशुभ्यः शन्तमा प्रजायै
क्षुरपविर्जारेभ्यो जीवसूर्वीरसूः स्योना मह्यं त्वादुर्गार्हपत्याय देवाः
तां नः पूषञ्छिवतमाम् एरयस्व यस्यां बीजं मनुष्या वपन्ति
या न ऊरू उशती विस्रयातै यस्यामुशन्तः प्रहरेम शेफम्
athāsyā dakṣiṇena hastena dakṣiṇaṃ hastam abhīvāṅguṣṭhamabhīva lomāni gṛhṇāti
devasya tvā savituḥ prasave 'śvinorbāhubhyāṃ pūṣṇo hastābhyām
hastena te hastaṃ gṛhṇāmi saubhagatvāya mayā patyā jaradaṣṭiryathāsaḥ
bhago aryamā savitā puraṃdhiste tvā devā adurmahyaṃ patnīm
aghoracakṣur apatighny edhi śivā paśubhyaḥ śantamā prajāyai
kṣurapavirjārebhyo jīvasūrvīrasūḥ syonā mahyaṃ tvādurgārhapatyāya devāḥ
tāṃ naḥ pūṣañchivatamām erayasva yasyāṃ bījaṃ manuṣyā vapanti
yā na ūrū uśatī visrayātai yasyāmuśantaḥ praharema śepham

