4 shlokas
- 1
सप्त पदानि प्रक्रमयत्य् एकमिषे विष्णुस्त्वान्वेतु द्वे ऊर्जे विष्णुस्त्वान्वेतु त्रीणि व्रताय विष्णुस्त्वान्वेतु चत्वारि मायोभवाय विष्णुस्त्वान्वेतु पञ्च पशुभ्यो विष्णुस्त्वान्वेतु षड्रायस्पोषाय विष्णुस्त्वान्वेतु सप्त सप्तभ्यो होत्राभ्यो विष्णुस्त्वान्वेत्विति
sapta padāni prakramayaty ekamiṣe viṣṇustvānvetu dve ūrje viṣṇustvānvetu trīṇi vratāya viṣṇustvānvetu catvāri māyobhavāya viṣṇustvānvetu pañca paśubhyo viṣṇustvānvetu ṣaḍrāyaspoṣāya viṣṇustvānvetu sapta saptabhyo hotrābhyo viṣṇustvānvetviti
- 2
सप्तमे पदे समीक्षमाणो जपति
सखा सप्तपदा भव सखायौ सप्तपदावभूव
सख्यं ते गमेयं सख्यात्ते मा योषं सख्यान्मे मा योष्ठा इति
saptame pade samīkṣamāṇo japati
sakhā saptapadā bhava sakhāyau saptapadāvabhūva
sakhyaṃ te gameyaṃ sakhyātte mā yoṣaṃ sakhyānme mā yoṣṭhā iti
- 3
अथास्या दक्षिणम् अंसं प्रति बाहुम् अन्ववहृत्य हृदयदेशम् अभिमृशति
मम हृदये हृदयं ते अस्तु मम चित्ते चित्तम् अस्तु ते
मम वाचम् एकमना शृणु माम् एवानुव्रता भव सहचर्या मया भवेति
athāsyā dakṣiṇam aṃsaṃ prati bāhum anvavahṛtya hṛdayadeśam abhimṛśati
mama hṛdaye hṛdayaṃ te astu mama citte cittam astu te
mama vācam ekamanā śṛṇu mām evānuvratā bhava sahacaryā mayā bhaveti
- 4
अथास्या दक्षिणं कर्णम् आजपति
मां ते चित्तं प्रविशतु मां चक्षुर्माम् उ ते मनः
मयि सर्वाणि भूतानि मयि प्रज्ञानम् अस्तु ते
मधु हे मध्वागाहे जिह्वा मे मधुवादिनी
मुखे मे सारघं मधु दत्सु संवननं कृतम्
चाक्रवाकं संवननं यन्नदीभ्य उदाहृतम्
यद्देवगन्धर्वो वित्तस्तेन संवनिनौ स्वः
मां चैव पश्य सूर्यं च मान्येषु मनः कृथा इति
athāsyā dakṣiṇaṃ karṇam ājapati
māṃ te cittaṃ praviśatu māṃ cakṣurmām u te manaḥ
mayi sarvāṇi bhūtāni mayi prajñānam astu te
madhu he madhvāgāhe jihvā me madhuvādinī
mukhe me sāraghaṃ madhu datsu saṃvananaṃ kṛtam
cākravākaṃ saṃvananaṃ yannadībhya udāhṛtam
yaddevagandharvo vittastena saṃvaninau svaḥ
māṃ caiva paśya sūryaṃ ca mānyeṣu manaḥ kṛthā iti

