9 shlokas
- 1
पवित्रान्तर्हिते पात्रे ऽप आनीयोपबिलं पात्रं पूरयित्वोदगग्राभ्यां पवित्राभ्यां त्रिर् उत्पूय समं प्राणैर्धारयमाणो ऽविषिञ्चन्हरति
pavitrāntarhite pātre 'pa ānīyopabilaṃ pātraṃ pūrayitvodagagrābhyāṃ pavitrābhyāṃ trir utpūya samaṃ prāṇairdhārayamāṇo 'viṣiñcanharati
- 2
उत्तरेणाग्निं प्रणीताः सादयित्वा दर्भैर् अपिदधाति
uttareṇāgniṃ praṇītāḥ sādayitvā darbhair apidadhāti
- 3
प्रणीतावत्प्रोक्षणीः संस्कृत्य बिलवन्त्युत्तानानि कृत्वा विषायेध्मं त्रिः सर्वाभिः प्रोक्षति
praṇītāvatprokṣaṇīḥ saṃskṛtya bilavantyuttānāni kṛtvā viṣāyedhmaṃ triḥ sarvābhiḥ prokṣati
- 4
दर्वीं निष्टप्य संमृज्य पुनर्निष्टप्य निदधाति
darvīṃ niṣṭapya saṃmṛjya punarniṣṭapya nidadhāti
- 5
संमार्गान् अभ्युक्ष्याग्नावादधाति
saṃmārgān abhyukṣyāgnāvādadhāti
- 6
पवित्रान्तर्हितायाम् आज्यस्थाल्याम् आज्यं निरुप्योत्तरेणाग्निम् अङ्गारान्निरूह्य तेष्वधिश्रित्यावद्योत्य दर्भतरुणाभ्यां प्रत्यस्य त्रिः पर्यग्निकृत्वोदगुद्वास्याङ्गारान्प्रत्यूह्योदगग्राभ्यां पवित्राभ्यां पुनराहारं त्रिर् उत्पूय पवित्रे अग्नावाधाय शम्याभिः परिदधाति
pavitrāntarhitāyām ājyasthālyām ājyaṃ nirupyottareṇāgnim aṅgārānnirūhya teṣvadhiśrityāvadyotya darbhataruṇābhyāṃ pratyasya triḥ paryagnikṛtvodagudvāsyāṅgārānpratyūhyodagagrābhyāṃ pavitrābhyāṃ punarāhāraṃ trir utpūya pavitre agnāvādhāya śamyābhiḥ paridadhāti
- 7
अपरेणाग्निम् उदीचीनकुम्बां शम्यां निदधाति संस्पृष्टे मध्यमया प्राचीनकुम्बे दक्षिणाम् उत्तरां च
apareṇāgnim udīcīnakumbāṃ śamyāṃ nidadhāti saṃspṛṣṭe madhyamayā prācīnakumbe dakṣiṇām uttarāṃ ca
- 8
अपरेणाग्निम् उदगग्रं कूर्चं निधाय तस्मिन्प्राङ्मुख उपविशति
apareṇāgnim udagagraṃ kūrcaṃ nidhāya tasminprāṅmukha upaviśati
- 9
यज्ञोपवीतं कृत्वाप आचम्य दक्षिणतः कुमार उपविश्यान्वारभते
yajñopavītaṃ kṛtvāpa ācamya dakṣiṇataḥ kumāra upaviśyānvārabhate

