8 shlokas
- 1
प्रागग्रैर्दर्भैर् अग्निं परिस्तृणात्य् अपि वोदगग्राः पश्चात्पुरस्ताच्च भवन्ति
prāgagrairdarbhair agniṃ paristṛṇāty api vodagagrāḥ paścātpurastācca bhavanti
- 2
दक्षिणः पक्ष उपरिष्टाद्भवत्य् अधस्ताद् उत्तरः
dakṣiṇaḥ pakṣa upariṣṭādbhavaty adhastād uttaraḥ
- 3
दक्षिणेनाग्निं ब्रह्मायतने दर्भान्संस्तीर्य मयि गृह्णाम्य् अग्रे अग्निम् इति द्वाभ्याम् आत्मन्यग्निं ध्यात्वोत्तरेणाग्निं पात्रेभ्यः संस्तीर्य यथार्थं द्रव्याणि प्रयुनक्त्य् अश्मानम् अहतं वासो ऽजिनं मौञ्जीं मेखलां त्रिवृतं ब्राह्मणस्य मौर्वीं राजन्यस्य सौत्रीं वैश्यस्य बैल्वं पालाशं वा दण्डं ब्राह्मणस्य नैयग्रोधं राजन्यस्यौदुम्बरं वैश्यस्य
dakṣiṇenāgniṃ brahmāyatane darbhānsaṃstīrya mayi gṛhṇāmy agre agnim iti dvābhyām ātmanyagniṃ dhyātvottareṇāgniṃ pātrebhyaḥ saṃstīrya yathārthaṃ dravyāṇi prayunakty aśmānam ahataṃ vāso 'jinaṃ mauñjīṃ mekhalāṃ trivṛtaṃ brāhmaṇasya maurvīṃ rājanyasya sautrīṃ vaiśyasya bailvaṃ pālāśaṃ vā daṇḍaṃ brāhmaṇasya naiyagrodhaṃ rājanyasyaudumbaraṃ vaiśyasya
- 4
एकविंशतिदारुम् इध्मं संनह्यत्य् आहुतिपरिमाणं वा
ekaviṃśatidārum idhmaṃ saṃnahyaty āhutiparimāṇaṃ vā
- 5
तस्मिञ्छम्याः परिधीन् उपसंनह्यति
tasmiñchamyāḥ paridhīn upasaṃnahyati
- 6
दर्वीं कूर्चमाज्यस्थालीं प्रणीताप्रणयनं प्रोक्षणीपात्रम् उपवेषं येन चार्थः सकृद् एव सर्वाणि यथोपपादं वा
darvīṃ kūrcamājyasthālīṃ praṇītāpraṇayanaṃ prokṣaṇīpātram upaveṣaṃ yena cārthaḥ sakṛd eva sarvāṇi yathopapādaṃ vā
- 7
एतस्मिन्काले ब्रह्मा यज्ञोपवीतं कृत्वाप आचम्यापरेणाग्निम् अतिक्रम्य दक्षिणतो ब्रह्मायतनात्तृणं निरस्याप उपस्पृश्याग्निम् अभिमुख उपविशति
etasminkāle brahmā yajñopavītaṃ kṛtvāpa ācamyāpareṇāgnim atikramya dakṣiṇato brahmāyatanāttṛṇaṃ nirasyāpa upaspṛśyāgnim abhimukha upaviśati
- 8
अपरेणाग्निं प्राङ्मुख उपविश्य समाव् अप्रच्छिन्नाग्रौ दर्भौ प्रादेशमात्रौ पवित्रे कृत्वान्येन नखाच्छित्त्वाद्भिर् अनुमृज्य
apareṇāgniṃ prāṅmukha upaviśya samāv apracchinnāgrau darbhau prādeśamātrau pavitre kṛtvānyena nakhācchittvādbhir anumṛjya

